ഫണ്ട് നൽകാത്തതിനെ തുടർന്ന് സ്ഥാനാർഥി പിൻമാറി; പുരിയിൽ പുതിയ സ്ഥാനാർഥിയെ പ്രഖ്യാപിച്ച് കോൺഗ്രസ്

ഭുവനേശ്വർ: ഫണ്ട് നൽകാത്തതിനെ തുടർന്ന് സ്ഥാനാർഥി പിൻമാറിയ സാഹചര്യത്തിൽ പുതിയ സ്ഥാനാർഥിയെ പ്രഖ്യാപിച്ച് കോൺഗ്രസ്. ജയ് നാരായണൻ പാട്നായിക്കാണ് പുതിയ സ്ഥാനാർഥി. അദ്ദേഹത്തിന്‍റെ ആദ്യ മത്സരമാണിത്. മേയ് ആറിന് നാമനിർദേശ പത്രിക സമർപ്പിക്കും.

ഒഡിഷയിലെ പുരി ലോക്‌സഭ മണ്ഡലത്തിലെ പാർട്ടി സ്ഥാനാർഥിയായി ജയ് നാരായൺ പട്നായിക്കിന്റെ സ്ഥാനാർത്ഥിത്വം പാർട്ടി അധ്യക്ഷൻ മല്ലികാർജുൻ ഖാർഗെ അംഗീകരിച്ചതായി കോൺഗ്രസ് പ്രസ്താവനയിൽ പറഞ്ഞു.

ആദ്യം നിശ്ചയിച്ച സ്ഥാനാർഥിയായ സുചാരിത മൊഹന്തി സം​സ്ഥാ​ന​ത്തി​ന്റെ ചു​മ​ത​ല​യു​ള്ള എ.​​​ഐ.​സി.​സി നേ​താ​വ് അ​​ജോ​യ് കു​മാ​റി​നോ​ട് തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​നാ​യി പ​ണം ആ​വ​ശ്യ​പ്പെ​ട്ട​പ്പോൾ സ്വ​ന്തം നി​ല​യി​ൽ ക​ണ്ടെ​ത്താ​നാ​യി​രു​ന്നു അ​ദ്ദേ​ഹ​ത്തി​ന്റെ നി​ർ​ദേ​ശം. സ​മാ​ന​മാ​യ ഉ​ത്ത​രം വീ​ണ്ടും പാ​ർ​ട്ടി നേ​തൃ​ത്വ​ത്തി​ൽ​നി​ന്നും ല​ഭി​ച്ച​തോ​ടെ​യാ​ണ് ടി​ക്ക​റ്റ് മ​ട​ക്കി ന​ൽ​കാ​ൻ സു​ചാ​രി​ത തീ​രു​മാ​നി​ച്ച​ത്. സ്ഥാ​നാ​ർ​ഥി​ത്വം പി​ൻ​വ​ലി​ച്ചെ​ങ്കി​ലും കോ​ൺ​ഗ്ര​സി​ൽ ത​ന്നെ തു​ട​രു​മെ​ന്ന് അ​വ​ർ വ്യ​ക്ത​മാ​ക്കി.

2014ലും ​സു​ചാ​രി​ത പുരിയിൽ നി​ന്ന് ജ​ന​വി​ധി തേ​ടി​യി​രു​ന്നു. ബി.​ജെ.​ഡി​യു​ടെ സി​റ്റി​ങ് എം.​പി പി​നാ​കി മി​ശ്ര​യോ​ട് അ​വ​ർ ര​ണ്ട​ര ല​ക്ഷ​ത്തി​ൽ​പ​രം വോ​ട്ടു​ക​ൾ​ക്ക് പ​രാ​ജ​യ​പ്പെ​ട്ടു. 2019ലും ​പി​നാ​കി വി​ജ​യി​ച്ചു. ഇ​ക്കു​റി പി​നാ​കി മി​ശ്ര​ക്ക് പ​ക​രം മു​ൻ ഐ.​പി.​എ​സ് ഉ​ദ്യോ​ഗ​സ്ഥ​നാ​യ അ​രൂ​പ് പ​ട്നാ​യി​കി​നെ​യാ​ണ് ബി.​ജെ.​ഡി ക​ള​ത്തി​ലി​റ​ക്കി​യി​രി​ക്കു​ന്ന​ത്. ദേ​ശീ​യ വ​ക്താ​വ് സാം​പി​ത് പ​ത്ര​യാ​ണ് ബി.​ജെ.​പി സ്ഥാ​നാ​ർ​ഥി.