Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഡൽഹി കലാപം:...

ഡൽഹി കലാപം: പാർലമെൻറിന്​ പുറത്ത്​ കോൺഗ്രസ്​ എം.പിമാരുടെ പ്രതിഷേധം

text_fields
bookmark_border
ഡൽഹി കലാപം: പാർലമെൻറിന്​ പുറത്ത്​ കോൺഗ്രസ്​ എം.പിമാരുടെ പ്രതിഷേധം
cancel

ന്യൂഡൽഹി: ഡൽഹി കലാപം സഭ നിർത്തിവെച്ച്​ ചർച്ച ചെയ്യണമെന്ന ആവശ്യം പാർലമ​െൻറി​​െൻറ ഇരു സഭകളും തള്ളിയതിനെ തുടർന്ന്​ കോൺഗ്രസ്​ എം.പിമാർ പാർല​മ​െൻറിനു പുറത്ത്​ പ്രതിഷേധിച്ചു. പാർട്ടി നേതാവ്​ രാഹുൽ ഗാന്ധിയുടേയും ആധിർ രഞ്​ജൻ ചൗധരിയുടേയും നേതൃത്വത്തിൽ ഗാന്ധി പ്രതിമക്ക്​ മുമ്പിലായിരുന്നു പ്രതിഷേധം. ‘അമിത്​ ഷാ രാജി വെക്കുക’, ‘ഇന്ത്യയെ രക്ഷിക്കുക’ എന്നീ മുദ്രാവാക്യങ്ങളടങ്ങിയ പ്ലക്കാർഡുമേന്തിയാണ്​ എം.പിമാർ അണി നിരന്നത്​.

ഡൽഹി കലാപ​വുമായി ബന്ധപ്പെട്ട്​ സഭ നിർത്തിവെച്ച്​ ചർച്ച നടത്തണമെന്നും കേന്ദ്ര ആഭ്യന്തര മന്ത്രി അമിത് ഷാ രാജി വെക്കണമെന്നുമാണ്​ കോൺഗ്രസ്​ ​ആവശ്യപ്പെടുന്നതെന്ന്​ ശശി തരൂർ എം.പി പറഞ്ഞു. പ്രധാനമന്ത്രി നരേന്ദ്രമോദി ഇക്കാര്യത്തിൽ പ്രതികരിക്കണമെന്നും അദ്ദേഹം കൂട്ടിച്ചേർത്തു.

വടക്കു കിഴക്കൻ ഡൽഹിയിൽ സംഘ്​പരിവാർ നേതൃത്വത്തിൽ പൊട്ടിപ്പുറപ്പെട്ട കലാപത്തിൽ പ്രതിഷേധിച്ച് നേരത്തേ​ തൃണമൂൽ കോൺഗ്രസ്​ എം.പിമാർ ഗാന്ധി പ്രതിമക്കു മുമ്പിൽ കണ്ണുകൾ മൂടിക്കെട്ടി പ്രതിഷേധിച്ചിരുന്നു.

ഡൽഹി കലാപത്തിൽ 46 പേർ മരിക്കുകയും200ൽപരം പേർക്ക്​ പരിക്കേൽക്കുകയും ചെയ്​തിരുന്നു. സംഭവത്തിൽ ഡൽഹി പൊലീസ്​ 254 എഫ്​.​െഎ.ആറുകളാണ്​ രജിസ്​റ്റർ ചെയ്​തത്​. അക്രമവുമായി ബന്ധപ്പെട്ട്​ ആയുധ നിയമമനുസരിച്ച്​ 41 കേസുകളെടുക്കുകയും ചെയ്​തു.

Show Full Article
TAGS:Delhi violence delhi riot congress mps protest parliament india news malayalam news 
News Summary - congress mps stage protest in parliament house compound over delhi violence -india news
Next Story