ഗുജറാത്തിൽ കോൺഗ്രസിന്​ പ്രതിപക്ഷ നേതാവിന്‍റെ പദവിയും കിട്ടാനിടയില്ല

ന്യൂ​ഡ​ൽ​ഹി: ലോ​ക്സ​ഭ​യെ​​പ്പോ​ലെ ഗു​ജ​റാ​ത്ത്​ നി​യ​മ​സ​ഭ​യി​ലും കോ​ൺ​ഗ്ര​സി​ന്​ പ്ര​തി​പ​ക്ഷ നേ​തൃ​സ്ഥാ​നം ന​ഷ്ട​പ്പെ​ട്ടേ​ക്കും. ആ​കെ​യു​ള്ള​തി​ന്‍റെ 10 ശ​ത​മാ​നം സീ​​റ്റെ​ങ്കി​ലും കി​ട്ടി​യി​ല്ലെ​ങ്കി​ൽ പ്ര​തി​പ​ക്ഷ നേ​തൃ​സ്ഥാ​ന​ത്തി​ന്​ അ​ർ​ഹ​ത​യി​ല്ലെ​ന്നാ​ണ്​ അ​ലി​ഖി​ത ച​ട്ടം. അ​ത്​ പ്ര​യോ​ജ​ന​പ്പെ​ടു​ത്തി 2014 മു​ത​ൽ ലോ​ക്സ​ഭ​യി​ൽ കോ​ൺ​ഗ്ര​സി​ന്​ പ്ര​തി​പ​ക്ഷ നേ​തൃ​സ്ഥാ​നം ഭ​ര​ണ​ക​ക്ഷി അ​നു​വ​ദി​ച്ചു​കൊ​ടു​ത്തി​ല്ല. 'കോ​ൺ​ഗ്ര​സ്​​മു​ക്ത ഭാ​ര​തം' മു​ദ്രാ​വാ​ക്യ​മാ​ക്കി​യ ബി.​ജെ.​പി​യെ നി​യ​ന്ത്രി​ക്കു​ന്ന പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ​യും ആ​ഭ്യ​ന്ത​ര മ​ന്ത്രി അ​മി​ത്​ ഷാ​യു​ടെ​യും ത​ട്ട​ക​മാ​യ ഗു​ജ​റാ​ത്തി​ലും അ​ത്​ ന​ട​പ്പാ​ക്കാ​നാ​ണ്​ സാ​ധ്യ​ത.

പ്ര​തി​പ​ക്ഷ നേ​തൃ​സ്ഥാ​ന​ത്തി​ന്​ അ​വ​കാ​ശ​വാ​ദം ഉ​ന്ന​യി​ക്കാ​ൻ കോ​ൺ​ഗ്ര​സി​ന്​ ഒ​റ്റ സീ​റ്റി​ന്‍റെ കു​റ​വു​ണ്ട്. 182 അം​ഗ നി​യ​മ​സ​ഭ​യി​ൽ ചു​രു​ങ്ങി​യ​ത്​ 18 സീ​റ്റ്​ വേ​ണ്ട​​പ്പോ​ൾ, കോ​ൺ​ഗ്ര​സി​ന്​ കി​ട്ടി​യ​ത്​ 17 സീ​റ്റ്​ മാ​ത്രം. ഭ​ര​ണ​ക​ക്ഷി​ക്ക്​ താ​ൽ​പ​ര്യ​മു​ണ്ടെ​ങ്കി​ൽ പ്ര​തി​പ​ക്ഷ​ത്തെ പ്ര​ധാ​ന പാ​ർ​ട്ടി​ക്ക്​ നേ​തൃ​പ​ദ​വി അ​നു​വ​ദി​ച്ചു​കൊ​ടു​ക്കാം.

ആ ​താ​ൽ​പ​ര്യം ക​ഴി​ഞ്ഞ ലോ​ക്സ​ഭ​യി​ലും ഇ​പ്പോ​ഴ​ത്തെ ലോ​ക്സ​ഭ​യി​ലും ബി.​ജെ.​പി കാ​ണി​ച്ചി​ല്ല. പ്ര​തി​പ​ക്ഷ​ത്തി​ന്​ ന​ൽ​കി​പ്പോ​രു​ന്ന ഏ​താ​നും സ്റ്റാ​ൻ​ഡി​ങ്​ ക​മ്മി​റ്റി അ​ധ്യ​ക്ഷ​സ്ഥാ​ന​ങ്ങ​ൾ​കൂ​ടി ബി.​ജെ.​പി പി​ടി​ച്ചെ​ടു​ക്കു​ക​യാ​ണ്​ ചെ​യ്ത​ത്. പ്ര​ധാ​ന സ​ഖ്യ​ക​ക്ഷി​ക്ക്​ ന​ൽ​കു​ന്ന ഡെ​പ്യൂ​ട്ടി സ്പീ​ക്ക​ർ ക​സേ​ര​യും ആ​ർ​ക്കും ന​ൽ​കേ​ണ്ട എ​ന്ന്​ തീ​രു​മാ​നി​ച്ചു.

ച​രി​ത്രം ചി​ക​ഞ്ഞാ​ൽ, 1985ൽ 14 ​സീ​റ്റ്​ മാ​ത്രം കി​ട്ടി​യ ജ​ന​ത പാ​ർ​ട്ടി​ക്ക്​ ഗു​ജ​റാ​ത്ത്​ നി​യ​മ​സ​ഭ​യി​ൽ പ്ര​തി​പ​ക്ഷ നേ​തൃ​സ്ഥാ​ന​ത്തി​ന്​ അ​ർ​ഹ​ത ഉ​ണ്ടാ​യി​രു​ന്നി​ല്ലെ​ങ്കി​ലും 169 സീ​റ്റ്​ നേ​ടി അ​ധി​കാ​രം നി​ല​നി​ർ​ത്തി​യ കോ​ൺ​ഗ്ര​സ്​ അ​ത്​ അ​നു​വ​ദി​ച്ചു കൊ​ടു​ത്തി​രു​ന്നു. പ്ര​തി​പ​ക്ഷ ബ​ഹു​മാ​ന​ത്തി​ന്‍റെ പേ​രി​ലാ​യി​രു​ന്നു അ​ത്. ബി.​ജെ.​പി​ക്ക്​ അ​ന്ന്​ 11 സീ​റ്റ്​ മാ​ത്ര​മാ​യി​രു​ന്നു.