പി.ചിദംബരത്തെ കാണാൻ ശശി തരൂരും കാർത്തിക്കും തിഹാർ ജയിലിലെത്തി

ന്യൂഡൽഹി: ഐ.എൻ.എക്​സ്​ മീഡിയ കേസിൽ ജയിലിൽ കഴിയുന്ന മുൻ കേന്ദ്രമന്ത്രി പി.ചിദംബരത്തെ ശശി തരൂർ എം.പി സന്ദർശിച്ചു. ചിദംബരത്തി​​​െൻറ മകൻ കാർത്തി ചിദംബരത്തിനൊപ്പമാണ്​ ശശി തരൂർ തിഹാർ ജയിലിൽ എത്തിയത്​.

പി. ചിദംബരത്തെ 98 ദിവസം ജയിലിലടച്ച നടപടിയെ ന്യായീകരിക്കാൻ കേന്ദ്രസർക്കാറിനാകില്ല. കടുത്ത അന്യായമാണ്​ കേന്ദ്രസർക്കാർ ​ചിദംബരത്തോട്​ കാട്ടിയത്​. ഭരണഘടനയെ പോലും ബി.ജെ.പി സർക്കാർ ബഹുമാനിക്കുന്നില്ലെന്നും തരൂർ വിമർശിച്ചു. മറ്റു രാജ്യങ്ങൾക്ക്​ മുമ്പിൽ ഇന്ത്യക്ക്​ തലകുനിക്കേണ്ടി വരുന്നുവെന്നും ശശി തരൂർ പറഞ്ഞു.