നിസാമുദ്ദീൻ സന്ദർശിച്ച കോൺഗ്രസ്​ നേതാവിനും കുടുംബത്തിനും കോവിഡ്​; വിവരം മറച്ചതിന്​ കേസ്

​ന്യൂഡൽഹി: രാജ്യത്ത്​ ഏറ്റവും വലിയ കോവിഡ്​ ഹോട്ട്​​സ്​പോട്ടായ നിസാമുദ്ദീൻ മർകസ്​ സന്ദർശിച്ച ​കോൺഗ്രസ് ന േതാവിനും കുടുംബാംഗങ്ങൾക്കും കോവിഡ്​. മുൻ കൗൺസിലറായ ഇദ്ദേഹം മാർച്ചിൽ നിസാമുദ്ദീൻ സന്ദർശിച്ചിരുന്നുവെങ്കിലു ം ഇക്കാര്യം വെളിപ്പെടുത്തിയിരുന്നില്ല. പിന്നീട്​ ഇദ്ദേഹത്തിനും കൗൺസിലറായ ഭാര്യക്കും മകൾക്കും കോവിഡ്​ സ്ഥി രീകരിക്കുകയായിരുന്നു.

തെക്ക്​ പടിഞ്ഞാറൻ ഡൽഹിയിലെ ദീനാപൂരിൽ താമസിക്കുന്ന ഇവരെ രോഗലക്ഷണങ്ങൾ പ്രകടമായതിനെ തുടർന്ന്​ അം​േബദ്​കർ ആശുപത്രിയിൽ പ്രവേശിപ്പിച്ചു. കോവിഡ് വ്യാപിത മേഖലയിലെ സന്ദർശനം മനഃപൂർവ്വം മറച്ചുവെച്ചുവെന്ന കുറ്റത്തിന്​ ഇദ്ദേഹത്തിനെതിരെ പൊലീസ്​ കേസെടുത്തു​.

ഫോൺ കോളുകൾ പരിശോധിച്ചതിലൂടെയാണ്​ ഇവർ തബ്​ലീഗ്​ ജമാഅത്ത്​ സമ്മേളനത്തിൽ പ​ങ്കെടുത്തതായി പൊലീസ്​ കണ്ടെത്തിയത്​.

കോവിഡ്​ പോസിറ്റീവായ ഇയാൾ രോഗലക്ഷണങ്ങൾ കാണിക്കുന്നതിന്​ മുമ്പ്​ സമ്പർക്കവിലക്ക്​ പാലിച്ചിരുന്നില്ല. കുടുംബത്തി​െല മൂന്നുപേർക്കും കോവിഡ്​ പോസിറ്റീവായതോടെ ദീൻപുർ ഗ്രാമം അടച്ചുപൂട്ടി. ഇവിടുത്തെ 250 വീട്ടുകാരോട്​ പുറത്തിറങ്ങരുതെന്ന്​ നിർദേശിച്ചിട്ടുണ്ട്​. അവശ്യസാധനങ്ങൾ സർക്കാർ ഏജൻസികൾ എത്തിക്കും.

ഡൽഹിയിൽ 720 പേരാണ്​ കോവിഡ്​ ബാധിച്ച്​ ചികിത്സയിലുള്ളത്​. 12 പേർ മരണപ്പെട്ടു.