ഹിന്ദുവും ഹിന്ദുത്വവും തമ്മിലുള്ള വ്യത്യാസം വെളിപ്പെടുന്ന കാലം; പ്രതിഷ്ഠാ ചടങ്ങ് നടത്തുമെന്ന മോദിയുടെ പ്രഖ്യാപനത്തെ വിമർശിച്ച് കോൺ​ഗ്രസ് നേതാവ്

കോഴിക്കോട്: രാമക്ഷേത്ര പ്രതിഷ്ഠാ ചടങ്ങിൽ ശങ്കരാചാര്യന്മാർ എതിർപ്പ് പ്രകടിപ്പിച്ചതിന് പിന്നാലെ നായകവേഷം ഏറ്റെടുത്ത മോദിയുടെ നടപടി കടുത്ത പ്രത്യാഘാതങ്ങൾ ഉണ്ടാക്കുമെന്ന് കോൺ​ഗ്രസ് നേതാവ് മണി ശങ്കർ അയ്യർ. ഹിന്ദുത്വവും ഹിന്ദു മതവും തമ്മിലുള്ള വ്യത്യാസവും ആരാണ് യഥാർത്ഥ ഹിന്ദുവെന്നതിന്റെ വെളിപ്പെടുത്തലമാണ് വരാനിരിക്കുന്നതെന്നും അദ്ദേഹം പറഞ്ഞു. കോരള ലിട്ടറേച്ചർ ഫെസ്റ്റ് വേദിയിൽ സംസാരിക്കുന്നതിനിടെയായിരുന്നു അദ്ദേഹത്തിന്റെ പരാമർശം.

ഹിന്ദു മതത്തിലെ നാല് പ്രമുഖ അം​ഗീകൃത ആചാര്യന്മാരിൽ നിന്നും ശക്തമായ എതിർപ്പ് നിലനിൽക്കെ വ്യക്തിപരമായി പ്രതിഷ്ഠാ ചടങ്ങ് നടത്തുന്ന മോദിയുടെ നിലപാട് മോദിക്ക് തന്നെ തിരിച്ചടിയാകും. അത് മോദിയെ തന്നെ തിരിഞ്ഞുകൊത്തുമെന്നും മുൻ കേന്ദ്ര മന്ത്രി കൂടിയായ അയ്യർ കൂട്ടിച്ചേർത്തു.

ഹിന്ദുമതം പ്രാചീന കാലം മുതൽക്കെ നിലനിൽക്കുന്ന വിശ്വാസമാണ്. ഹിന്ദുത്വമെന്നാൽ ഹിന്ദു ഭൂരിപക്ഷവാദവുമായി ബന്ധപ്പെട്ട രാഷ്ട്രീയ തത്വശാസ്ത്രമാണ്. മിക്ക ഹിന്ദുക്കളും ഹിന്ദുത്വത്തിന് വോട്ട് ചെയ്യില്ല. രാജ്യത്ത് നടക്കുന്ന തെരഞ്ഞെടുപ്പ് രീതിയാണ് കഴിഞ്ഞ പത്ത് വർഷക്കാലമായി ഹിന്ദുത്വം അധികാരത്തിലെത്തിൃാന്ഡ കാരണമായതെന്നും ചിലരെ പോലെ 2024 പൊതു തെരഞ്ഞെടുപ്പിനെ എഴുതിത്തള്ളാൻ താൻ തയ്യാറല്ലെന്നും അദ്ദേഹം കൂട്ടിച്ചേർത്തു.

പണി തീരാത്ത ക്ഷേത്രത്തിൽ ന​ട​ത്തു​ന്ന പ്ര​തി​ഷ്ഠ ച​ട​ങ്ങ്​ മ​താ​ചാ​ര​ങ്ങ​ൾ​ക്ക്​ വി​രു​ദ്ധ​മാ​യ​തി​നാ​ൽ ചടങ്ങിൽ നിന്നും വി​ട്ടു​നി​ൽ​ക്കുമെന്ന് ആ​ദി​ശ​ങ്ക​ര​ൻ സ്ഥാ​പി​ച്ച ബ​ദ​രീ​നാ​ഥ്, ശൃം​ഗേ​രി, ദ്വാ​ര​ക, പു​രി മ​ഠ​ങ്ങ​ളി​ലെ ശ​ങ്ക​രാ​ചാ​ര്യ​ന്മാ​ർ അറിയിച്ചിരുന്നു. ഇതിന് പിന്നാലെ പ്ര​തി​ഷ്ഠ ച​ട​ങ്ങി​ലേ​ക്ക്​ ഒ​രു​ങ്ങു​ന്ന​തി​ന്​ 11 ദി​വ​സ​ത്തെ ആ​ചാ​രാ​നു​ഷ്ഠാ​ന​ങ്ങ​ളി​ലേ​ക്ക്​ പ്ര​വേ​ശി​ക്കു​ക​യാ​ണെ​ന്ന്​ പ്ര​ഖ്യാ​പി​ച്ച്​ വെ​ള്ളി​യാ​ഴ്ച പ്ര​ത്യേ​ക ശ​ബ്​​ദ​സ​ന്ദേ​ശം മോ​ദി പു​റ​ത്തി​റ​ക്കി.

മ​ഹാ​രാ​ഷ്ട്ര സ​ന്ദ​ർ​ശ​ന പ​രി​പാ​ടി​യു​ടെ ഭാ​ഗ​മാ​യി നാ​സി​കി​ൽ ​ശ്രീ​രാ​മ​ൻ ദീ​ർ​ഘ​കാ​ലം ചെ​ല​വി​ട്ടു​വെ​ന്ന്​ വി​ശ്വ​സി​ച്ചു​പോ​രു​ന്ന പ​ഞ്ച​വ​ടി ക്ഷേ​ത്ര​ത്തി​ലെ​ത്തി ദ​ർ​ശ​നം ന​ട​ത്തി​യാ​ണ്​ വ്ര​താ​നു​ഷ്ഠാ​നം തു​ട​ങ്ങി​യ​ത്. രാ​ജ്യ​മാ​കെ ക്ഷേ​ത്ര​പ​രി​സ​ര​ങ്ങ​ൾ വൃ​ത്തി​യാ​ക്കാ​ൻ ആ​ഹ്വാ​നം ചെ​യ്തു​കൊ​ണ്ട്​ മോ​ദി അ​വി​ടം വൃ​ത്തി​യാ​ക്കു​ന്ന​തി​ൻറെ ദൃ​ശ്യ​ങ്ങ​ളും പി​ന്നീ​ട്​ പു​റ​ത്തി​റ​ക്കി. ഇ​ന്ത്യ​യി​ലെ 140 കോ​ടി ജ​ന​ങ്ങ​ളെ പ്ര​തി​നി​ധാ​നം ചെ​യ്യാ​നു​ള്ള ഉ​പ​ക​ര​ണ​മാ​ക്കി ദൈ​വം ത​ന്നെ മാ​റ്റി​യി​രി​ക്കു​ന്നു​വെ​ന്നാ​ണ്​ ഓ​ഡി​യോ സ​ന്ദേ​ശ​ത്തി​ൽ മോ​ദി വി​വ​രി​ച്ച​ത്. യാ​ഗ​ത്തി​നും ദൈ​വാ​രാ​ധ​ന​ക്കും വേ​ണ്ടി സ്വ​യം ദൈ​വി​ക​ബോ​ധം ഉ​ണ​ർ​ത്താ​ൻ വി​ശു​ദ്ധ ഗ്ര​ന്​​ഥ​ങ്ങ​ൾ വ്ര​താ​നു​ഷ്ഠാ​ന​ങ്ങ​ളും ക​ർ​ശ​ന നി​യ​മ​ങ്ങ​ളും നി​ർ​ദേ​ശി​ച്ചി​ട്ടു​ണ്ട്. അ​ത്​ പ്ര​തി​ഷ്ഠ​ക്കു മു​മ്പ്​ പാ​ലി​ക്കേ​ണ്ട​തു​ണ്ട്. ചി​ല പു​ണ്യാ​ത്മാ​ക്ക​ളി​ൽ​നി​ന്നും ആ​ത്മീ​യ​യാ​ത്ര​യി​ലെ മ​ഹാ​ര​ഥ​ന്മാ​രി​ൽ നി​ന്നും ത​നി​ക്ക്​ കി​ട്ടി​യ മാ​ർ​ഗ​നി​ർ​ദേ​ശ​പ്ര​കാ​ര​മാ​ണ്​ അ​നു​ഷ്ഠാ​ന​ങ്ങ​ൾ തു​ട​ങ്ങു​ന്ന​തെ​ന്നും മോ​ദി വി​ശ​ദീ​ക​രി