ഹരിയാന കോൺഗ്രസ്​ നേതാവി​െൻറ കൊല: രണ്ടുപേർ അറസ്​റ്റിൽ

ചണ്ഡിഗഡ്​: ഹരിയാനയിലെ കോണ്‍ഗ്രസ് നേതാവ്​ വികാസ് ചൗധരി വെടിയേറ്റു മരിച്ചതുമായി ബന്ധപ്പെട്ട്​ സ്ത്രീ ഉള്‍പ്പ െടെ രണ്ടുപേര്‍ അറസ്​റ്റില്‍. അ​േധാലോക നേതാവ്​ കൗശലി​​െൻറ ഭാര്യ രോഷ്​നി, വേലക്കാരൻ നരേഷ്​ എന്നിവരാണ്​ അറസ്​ റ്റിലായത്​. രോഷ്‌നിയും നരേഷുമാണ് വികാസിനെ കൊല്ലാനുള്ള ആയുധങ്ങള്‍ അക്രമികളായ വികാസ്​ എന്ന ഭല്ല, സച്ചിൻ എന്നിവർക്ക്​ എത്തിച്ചതെന്ന്​ ഹരിയാന എ.ഡി.ജി.പി നവ്​ദീപ്​ സിങ്​ വിർക്​ ട്വീറ്റ്​ ചെയ്​തു.

സി.സി.ടി.വി ദൃശ്യങ്ങളിൽനിന്ന്​ ഭല്ലയെ നരേഷ്​ തിരിച്ചറിഞ്ഞിട്ടുണ്ട്​. പണം സംബന്ധിച്ച തർക്കമാണ്​ കൊലയിലെത്തിയതെന്ന്​ പൊലീസ്​ പറഞ്ഞു. കൊലപാതകികള്‍ ഉപയോഗിച്ച കാറും കണ്ടെടുത്തു.
ജൂൺ 27ന്​ പകൽ ഫരീദാബാദിലെ ജിംന്​ സമീപം കാറിലെത്തിയ അക്രമികള്‍ പലയാവര്‍ത്തി വികാസിനുനേരെ വെടിയുതിര്‍ത്തു. വികാസ് സംഭവസ്​ഥലത്തുതന്നെ മരിച്ചു. മൃതദേഹത്തിൽനിന്ന്​ 15ഒാളം വെടിയുണ്ടകളാണ്​ കണ്ടെടുത്തത്​​.

​സംസ്​ഥാനത്തെ കോൺഗ്രസ്​ വക്​താവുകൂടിയാണ്​ കൊല്ലപ്പെട്ട വികാസ് ചൗധരി. തട്ടിക്കൊണ്ടുപോകൽ, ​വധശ്രമം തുടങ്ങിയ കേസുകളിൽ ചൗധരിക്കെതിരെ നിലവിൽ 13 കേസുകളുള്ളതിനാൽ ഇവയിലേതെങ്കിലുമായി ബന്ധപ്പെട്ടായിരിക്കും കൊലപാതകമെന്നാണ്​ പൊലീസ്​ ആദ്യം പറഞ്ഞിരുന്നത്​.