സഭാനേതാവില്ലാതെ കോൺഗ്രസ്​; അനിശ്ചിതത്വത്തിന്​ ആക്കംകൂട്ടി രാഹുൽ

ന്യൂഡൽഹി: ലോക്​സഭയിലെ പാർട്ടി നേതാവിനെ പ്രഖ്യാപിക്കാതെ ഒന്നാം ദിനം പിന്നിട്ട്​ കോൺഗ്രസ്​. പാർട്ടി അധ്യക്ഷ ൻ രാഹുൽ ഗാന്ധി ഉച്ച കഴിയുംവരെ സഭയിൽ എത്താതിരുന്നതും പാർട്ടി നേരിടുന്ന അനിശ്ചിതത്വത്തിന്​ ആക്കംകൂട്ടി. വിദേശ ത്തായിരുന്ന രാഹുൽ തിരിച്ചെത്തുകയും ഉച്ചക്കുശേഷം വയനാട്​ എം.പിയായി സത്യപ്രതിജ്ഞ നടത്തുകയും ചെയ്​തതിനു പിന്ന ാലെ അദ്ദേഹം സഭാ നേതൃസ്​ഥാനം ഏറ്റെടുക്കു​േമാ എന്ന ആകാംക്ഷയിലാണ്​ കോൺഗ്രസ്​.

ലോക്​സഭയിൽ പ്രധാനമന്ത്രി നരേന്ദ്ര മോദിയുടെ സത്യപ്രതിജ്ഞ കഴിഞ്ഞതിനു തൊട്ടുപിന്നാലെ രാഹുൽ എവിടെ എന്ന ചോദ്യം ഭരണപക്ഷത്തുനിന്ന്​ ഉയർന്നിരുന്നു. കേന്ദ്രമന്ത്രി രാംദാസ്​ അതാവലെയാണ്​ രാഹുലിനെ കാണുന്നില്ലെന്ന്​ വിളിച്ചുപറഞ്ഞത്​. അദ്ദേഹം സ്​ഥലത്തുണ്ടെന്നും വൈകാതെ വരുമെന്നും ​​കോൺഗ്രസ്​ എം.പിമാർ പറഞ്ഞു. രാഹുൽ സഭയിൽ എത്തുന്നതിലെ അനിശ്ചിതത്വം രാഹുൽ തന്നെയാണ്​ പിന്നാലെ അവസാനിപ്പിച്ചത്​. ഉച്ചതിരിഞ്ഞ്​ അദ്ദേഹത്തി​​െൻറ ട്വിറ്റർ സന്ദേശം വന്നു.

ലോക്​സഭാംഗമായി ത​​െൻറ നാലാമൂഴം തിങ്കളാഴ്​ച തുടങ്ങുകയാണെന്ന്​ അദ്ദേഹം പറഞ്ഞു. കേരളത്തിലെ വയനാട്​ മണ്ഡലത്തെ പ്രതിനിധാനം ചെയ്യുന്ന താൻ ഉച്ചതിരിഞ്ഞ്​ സത്യപ്രതിജ്ഞ ചെയ്​ത്​ പുതിയ ഇന്നിങ്​സ്​ തുടങ്ങുകയാണ്​. ഭരണഘടനയോട്​ കൂറും വിശ്വാസവും പുലർത്തുമെന്ന്​ ആവർത്തിക്കുന്നതായും രാഹുൽ ട്വിറ്ററിൽ പറഞ്ഞു.

അതേസമയം, മുതിർന്ന നേതാവായിട്ടും സോണിയ ഗാന്ധിയെ തുടക്കത്തിൽ സത്യപ്രതിജ്ഞക്ക്​ ക്ഷണിക്കാത്തതിൽ യു.പി.എ നേതാക്കൾ അമർഷം പ്രകടിപ്പിച്ചു. പ്രധാനമന്ത്രി, സഭാധ്യക്ഷ​​െൻറ ചുമതല വഹിക്കുന്നവർ, കേന്ദ്രമന്ത്രിമാർ, അക്ഷരമാലാ ക്രമത്തിൽ ഒാരോ സംസ്​ഥാനങ്ങളിൽനിന്നുള്ള എം.പിമാർ എന്നിവരാണ്​ രണ്ടു ദിവസങ്ങളിലായി സത്യപ്രതിജ്ഞ ചെയ്യുന്നത്​. ഉത്തർപ്രദേശിൽനിന്നുള്ള പ്രതിനിധി എന്ന നിലക്ക്​ സോണിയക്ക്​ ചൊവ്വാഴ്​ചയാണ്​ ഉൗഴം.