രാജസ്​ഥാനിൽ കോൺഗ്രസ്​ പട്ടികയായി; കേന്ദ്രമന്ത്രി റാത്തോഡിനെ നേരിടാൻ കൃഷ്​ണ പുനിയ

ജയ്​പുർ: രാജസ്​ഥാനിൽ 25 സീറ്റുകളിലും കോൺഗ്രസിന്​ സ്​ഥാനാർഥികളായി. പ്രശസ്​ത ഡിസ്​കസ്​ ത്രോ താരം കൃഷ്​ണ പൂനിയ അടക്കം ആറു സ്​ഥാനാർഥികളെക്കൂടി തിങ്കളാഴ്​ച പ്രഖ്യാപിച്ചതോടെയാണിത്​. ജയ്​പുർ റൂറൽ സീറ്റിൽ ടിക്കറ്റ്​ ലഭിച്ച പുനിയ നിലവിൽ എം.എൽ.എയാണ്​. കേന്ദ്രമന്ത്രിയും ഒളിമ്പ്യനുമായ രാജ്യവർധൻ സിങ്​ റാത്തോഡിനെതിരെയാണ്​ ഇവരുടെ മത്സരം.

അജ്​മീറിൽ വ്യവസായി റിജു ജുൻജുൻവാലയും പോരിനിറങ്ങും. ഭരത്​റാം മേഘ്​വാൾ (ശ്രീഗംഗാനഗർ), ദേവകിനന്ദൻ ഗുജ്ജാർ (രാജ്​സമന്ദ്​), രാംപാൽ ശർമ (ഭിൽവാര) എന്നിവരും കഴിഞ്ഞ ദിവസം പ്രഖ്യാപിച്ച പട്ടികയില​ുണ്ട്​​. ഏപ്രിൽ 29, മേയ്​ ആറ്​ തീയതികളിലായാണ്​ രാജസ്​ഥാനിൽ തെരഞ്ഞെടുപ്പ്​.