ഇന്ത്യയെ വികസിത രാജ്യമാക്കുന്നതിൽ കോൺഗ്രസ്​ പരാജയപ്പെട്ടു- അമിത്​ ഷാ

ജയ്​പൂർ: കോൺഗ്രസിനും പാർട്ടി അധ്യക്ഷൻ രാഹുൽ ഗാന്ധിക്കുമെതിരെ ആഞ്ഞടിച്ച്​ ബി.ജെ.പി ദേശീയാധ്യക്ഷൻ അമിത്​ ഷാ. കോൺഗ്രസ്​ അധികാരത്തിലിരുന്ന​പ്പോൾ വാഗ്​ദാനം ചെയ്​തതും തുടങ്ങിയതുമായ വികസന പദ്ധതികളെ കുറിച്ചുള്ള ചോദ്യങ്ങൾക്ക്​  മറുപടി പറയുന്നതിൽ രാഹുൽ ഗാന്ധിയും അദ്ദേഹം സഖ്യത്തിനു ക്ഷണിക്കുന്ന മുഖ്യമന്ത്രിമാരും പരാജയപ്പെട്ടിരിക്കുന്നു.  ഇന്ത്യയെ വികസിത രാജ്യമായി ഉയർത്തുന്നതിൽ കോൺഗ്രസ്​ പാരാജയപ്പെട്ടുവെന്നും അമിത്​ ഷാ വിമർശിച്ചു.  രാജസ്ഥാനിലെ രാജസമാന്ത്​ ജില്ലയി​ൽ ബി.ജെ.പിയുടെ പ്രചരണപരിപാടിയായ രാജസ്ഥാൻ ഗൗരവ്​ യാത്രയിൽ പ​െങ്കടുത്ത്​ സംസാരിക്കുകയായിരുന്നു അദ്ദേഹം. 

‘‘കഴിഞ്ഞ നാലു വർഷങ്ങളായി ബി.ജെ.പി എന്തുചെയ്​തുവെന്നാണ്​ കോൺഗ്രസ്​ ചോദിച്ചുകൊണ്ടിരിക്കുന്നത്​. കോൺഗ്രസ്​ അധികാരത്തിലിരുന്നപ്പോൾ എന്താണ്​ ചെയ്​തതെന്നാണ്​ രാഹുൽ ഗാന്ധിയോടും അദ്ദേഹത്തി​​​െൻറ പാർട്ടിയിലുള്ള മുഖ്യമന്ത്രിമാരോടും തിരിച്ചു ചോദിക്കാനുള്ളത്​. രാഹുൽ  നിങ്ങൾക്ക്​ എണ്ണാൻ അറിയുമെങ്കിൽ എണ്ണി തുടങ്ങിക്കോളൂ, ബി.ജെ.പി സർക്കാർ എ​ന്തെല്ലാമാണ്​ പൊതുജനങ്ങൾക്ക്​ വേണ്ടി ചെയ്​തതെന്ന്​ ഇറ്റാലിയൻ ഭാഷ അറിയുമെങ്കിൽ ആ ഭാഷയിൽ കൂടി പറയുമായിരുന്നു. രാജസ്ഥാനിൽ മാത്രം ബി.​ജെ.പി 116 പദ്ധതികളാണ്​ നടപ്പാക്കിയത്​’’- അമിത്​ ഷാ പറഞ്ഞു. 

കഴിഞ്ഞ അഞ്ചു വർഷങ്ങളിലായി രാജസ്ഥാ​​​െൻറ വികസനത്തിനായി മുഖ്യമന്ത്രി വസുന്ധര രാജെ അഹോരാത്രം പ്രയത്​നിക്കുകയാണ്​.  രാജസ്ഥാനിൽ അവരുടെ സർക്കാർ എന്തെല്ലാം വികസനപ്രവർത്തനങ്ങൾ നടത്തിയെന്നതിനെ കുറിച്ച്​ സംസാരിക്കാനുള്ള ധൈര്യവും അവർ കാണിക്കുന്നു​ണ്ടെന്നും അദ്ദേഹം പറഞ്ഞു. 

അസം പൗരത്വപ്പട്ടികയെ കോൺഗ്രസ്​  എതിർക്കുന്നതിനെയും അമിത്​ ഷാ വിമർശിച്ചു. വർഷങ്ങളായി ബംഗ്ലാദേശ്​ പൗരൻമാരുടെ അനധികൃത കുടിയേറ്റത്തിൽ നിന്നുള്ള വിഷമങ്ങൾ അനുഭവിച്ചുവരികയാണ്​. കോൺഗ്രസ്​ സർക്കാറിന്​ അതിന്​ തടയിടാൻ കഴിഞ്ഞിട്ടില്ല. നരേന്ദ്രമോദി പ്രധാനമന്ത്രിയായി അധികാരമേറ്റപ്പോൾ കേന്ദ്രസർക്കാർ അനധികൃത കുടിയേറ്റം തടയാൻ അസം പൗരത്വപ്പട്ടിക നടപ്പിലാക്കാൻ  ഉത്തരവിട്ടു. എന്നാൽ കോൺഗ്രസ്​ അതിന്​ തടയിടുകയാണെന്നും പ്രതിഷേധിക്കുകയാണെന്നും ഷാ പറഞ്ഞു.