രാജ്യം കോവിഡ്​ ദുരന്തത്തിലേക്ക്​, ഏകോപനം വേണ്ട സമയത്ത്​ മോദി കറങ്ങി നടക്കുന്നു -കോൺഗ്രസ്​

ന്യൂഡൽഹി: മോദിസർക്കാറി​െൻറ കോവിഡ്​ പ്രതിരോധം മു​െമ്പാരിക്കലും ഉണ്ടാകാ​ത്ത ദുരന്തത്തിലേക്കാണ്​ രാജ്യത്തെ നയിക്കുന്ന​െതന്ന്​ കോൺഗ്രസ്​. ഇതിനകം 1.75 ലക്ഷം പേരുടെ ജീവനെടുത്ത വലിയൊരു ദുരന്തം നേരിടാൻ ഒരു തയാറെടുപ്പുമില്ല. വാക്​സിൻ നിർമാണ ശേഷിയിൽ ലോകത്തെ തന്നെ ഒന്നാം നമ്പർ രാജ്യമായ ഇന്ത്യയാണ്​ ഏറ്റവും കോവിഡ്​ ബാധിതം എന്നത്​ നാണക്കേടാണ്​.

കോൺഗ്രസ്​ അധ്യക്ഷ സോണിയ ഗാന്ധി വിളിച്ച പ്രവർത്തക സമിതിയുടെ വിഡിയോ കോൺഫറൻസ്​ കോവിഡ്​ സാഹചര്യങ്ങൾ വിലയിരുത്തി. പ്രവർത്തക സമിതിയുടെ വ്യക്​തമായ നിർദേശങ്ങൾ ​മുൻപ്രധാനമന്ത്രി മൻമോഹൻസിങ്​ കത്തിലൂടെ പ്രധാനമന്ത്രി നരേന്ദ്രമോദിയെ അറിയിക്കുമെന്ന്​ മുതിർന്ന നേതാവ്​ പി. ചിദംബരം വാർത്തസമ്മേളനത്തിൽ വിശദീകരിച്ചു.

ഇന്ത്യ നിർമിച്ച രണ്ടു വാക്​സിനുകൾ ആവശ്യത്തിന്​ ഉൽപാദിപ്പിച്ച്​ ഏറ്റവും പെ​ട്ടെന്ന്​ ജനങ്ങളിലെത്തിക്കാൻ ശ്രദ്ധിച്ചില്ല. അതിനാവശ്യമായ ഫണ്ടോ ഇളവുകളോ കൊടുത്തില്ല.

ആരോഗ്യ പ്രവർത്തകർക്ക്​ ആദ്യം നൽകിയ ശേഷം കോവിഡ്​ വാക്​സിൻ സാർവത്രികമായി നൽകാനായില്ല.ഉദ്യോഗസ്​ഥ നിയന്ത്രണത്തിൽ വാക്​സിൻ പദ്ധതി കുരുങ്ങി. സംസ്​ഥാനങ്ങൾക്ക്​ സ്വാതന്ത്ര്യം നൽകിയില്ല. കോവിഡ്​ പരിശോധന, പിന്തുടരൽ എന്നീ കാര്യങ്ങളിൽ വേഗം ഉണ്ടായില്ല. ഏറ്റവും ആവശ്യമായ സ്​ഥലങ്ങളിൽ വാക്​സിൻ എത്തിക്കുന്നതിലും പരാജയപ്പെട്ടു. ഓരോ സംസ്​ഥാനവും നിയന്ത്രണം കൂട്ടി ലോക്​ഡൗണിലേക്കാണ്​ നീങ്ങുന്നത്​.

കോവിഡ്​ വ്യാപനം കാര്യമാക്കാതെ ജനങ്ങളെ സംഘടിപ്പിച്ച്​ പശ്ചിമ ബംഗാളിൽ തെരഞ്ഞെടുപ്പു പ്രചാരണം നടത്തുകയാണ്​ പ്രധാനമന്ത്രി. ഓഫിസിലിരുന്ന്​ നിയന്ത്രിക്കേണ്ട ഘട്ടത്തിൽ രാഷ്​ട്രീയമായ കറക്കത്തിലാണ്​ അദ്ദേഹം.25 വയസ്സു കഴിഞ്ഞവർക്കെല്ലാം വാക്​സിൻ നൽകണമെന്നും കോവിഡ്​ വ്യാപിക്കുന്ന സാഹചര്യത്തിൽ ദുർബല വിഭാഗങ്ങൾക്ക്​ സർക്കാറിൽ നിന്ന്​ സഹായമായി റൊക്കം പണം ലഭ്യമാക്കണമെന്നും പ്രവർത്തക സമിതി യോഗത്തിൽ സോണിയഗാന്ധി ആവശ്യപ്പെട്ടു. കോവിഡ്​ ആശുപത്രികളിൽ പൂർണസജ്ജീകരണങ്ങൾ വേണമെന്നും സോണിയ സർക്കാറിനോട്​ ആവശ്യപ്പെട്ടു. സാഹചര്യത്തി​െൻറ ഗൗരവം ഉൾക്കൊണ്ട്​ അടിയന്തര സഹായങ്ങൾക്ക്​ അണിനിരക്കാൻ സംഘടന ചുമതലയുള്ള ജനറൽ സെക്രട്ടറി കെ.സി. വേണുഗോപാൽ കോൺഗ്രസ്​ പ്രവർത്തകരെ ആഹ്വാനം ചെയ്​തു.