റെയ്​ഡ്​ തടയാൻ കോൺഗ്രസ്​ സ്​ഥാനാർഥിയുടെ ആത്​മഹത്യാ ഭീഷണി

ഹൈദരാബാദ്​: ​പൊലീസ്​ റെയ്​ഡ്​ തടയുന്നതിനായി തെലങ്കാനയിലെ കോൺഗ്രസ്​ സ്​ഥാനാർഥി ആത്​മഹത്യാ ഭീഷണി മുഴക്കി. കോൺഗ്രസ്​ സ്​ഥാനാർഥിയായ വന്ദേരു പ്രതാപ്​ റെഡ്​ഢിയാണ്​ ആത്​മഹത്യാശ്രമം നടത്തിയത്​. ഹൈദരാബാദിലെ കോംപള്ളിയിലുള്ള വീട്ടിൽ പൊലീസ്​ റെയ്​ഡ്​ നടത്തുന്നത്​ തടയുന്നതിനായാണ്​ ഇയാൾ ഭീഷണി മുഴക്കിയത്​. തിങ്കളാഴ്​ച രാത്രിയായിരുന്നു സംഭവം.

തെലങ്കാന മുഖ്യമന്ത്രി കെ ചന്ദ്രശേഖർ റാവുവിനെതിരെ ഗജ്​വെൽ നിയമസഭാ മണ്ഡലത്തിലാണ്​ പ്രതാപ്​ റെഡ്​ഢി മത്​സരിക്കുന്നത്​. റെഡ്​ഢിയുടെ ആളുകൾ കോംപള്ളിയിലിലെ വീട്ടിൽ വെച്ച്​ ആളുകൾക്ക്​ പണം വിതരണം ചെയ്യുന്നു​െവന്ന്​ ടി.ആർ.എസ്​ നേതാക്കൾ തെരഞ്ഞെടുപ്പ്​ കമീഷനും പൊലീസിനും പരാതി നൽകിയിരുന്നു.

തുടർന്ന്​ തെരഞ്ഞെടുപ്പ്​ കമീഷ​​​െൻറ നിർദേശ പ്രകാരം​ തിങ്കളാഴ്​ച രാത്രി െപാലീസ്​ പരിശോധനക്ക്​ എത്തുകയായിരുന്നു​. ​എന്നാൽ ​െറഡ്​ഢിയും കുടുംബാംഗങ്ങളും ഉദ്യോഗസ്​ഥരെ വീടിനുള്ളിൽ കയറാൻ അനുവദിച്ചില്ല. പരിശോധനയുടെ പേരിൽ കോൺഗ്രസ്​ നേതാക്കളെയും പ്രവർത്തകരെയും ഭയപ്പെടുത്താനാണ്​ പൊലീസി​​​െൻറ ശ്രമമെന്ന്​ അദ്ദേഹം ആരോപിച്ചു.

കെ.സി.ആറി​​​െൻറ എരവെല്ലിയിലുള്ള വീട്ടിൽ ധാരാളം പണം വിതരണം നടക്കുന്നുവെന്ന്​ വിവരമുണ്ട്​. ഞാൻ നിങ്ങൾക്ക്​ രേഖാമൂലം പരാതി നൽകാം. നിങ്ങൾക്ക്​ അദ്ദേഹത്തി​​​െൻറ ഫാംഹൗസിൽ പരി​േശാധന നടത്താൻ ധൈര്യമുണ്ടോ? - റെഡ്​ഢി പൊലീസുകാരോട്​ ചോദിച്ചു. എന്നാൽ തെരഞ്ഞെടുപ്പ്​ കമീഷ​​​െൻറ നിർദേശ പ്രകാരമാണ്​ തങ്ങൾ എത്തിയിരിക്കുന്നതെന്നും ജോലിക്ക്​ തടസം നിൽക്കരു​െതന്നും പൊലീസ്​ അദ്ദേഹത്തോട്​ ആവശ്യ​െപ്പട്ടു. തടസം നിന്നാൽ വീട്ടിൽ ഇടിച്ചു കയറുമെന്ന്​ പൊലീസ്​ അറിയിച്ചതോടെ റെഡ്​ഢി പ്രവർത്ത​കരോട്​ പെട്രോൾ ​െകാണ്ടു വരാൻ ആവശ്യപ്പെട്ടു. പെട്രോൾ സ്വന്തം ദേഹത്ത്​ ഒഴിക്കാനുള്ള റെഡ്​ഢിയുടെ ശ്രമം പൊലീസ്​ തടഞ്ഞു.

തുടർന്ന്​ ജോലി തടസപ്പെടുത്തിയതിന്​ റെഡ്​ഢിയെ കസ്​റ്റഡിയിലെടുക്കുകയും വീടിനു പുറത്ത്​ മുദ്രാവാക്യം വിളിക്കുന്നവരോട്​ ഡ്യൂട്ടി തടസപ്പെടുത്തരുതെന്ന്​ ആവശ്യപ്പെടുകയും ​െചയ്​തു. ഒരു മണിക്കൂർ നീണ്ട തെരച്ചിലിനൊടുവിൽ പണമോ മറ്റ്​ അമൂല്യ വസ്​തുക്ക​േളാ ലഭിച്ചില്ലെന്ന്​ പൊലീസ്​ അറിയിച്ചു.