ത്രിപുരയില്‍ കോണ്‍ഗ്രസ്-ഇടതുമുന്നണി സഖ്യത്തിൽ കല്ലുകടി; 17 സീറ്റുകളിലേക്ക് സ്ഥാനാര്‍ത്ഥികളെ പ്രഖ്യാപിച്ച് കോൺഗ്രസ്

അ​ഗ​ർ​ത​ല: ത്രി​പു​ര​യി​ൽ ഇ​ട​തു​പ​ക്ഷം-​കോ​ൺ​ഗ്ര​സ് സീ​റ്റു​ധാ​ര​ണ​യി​ൽ വി​ള്ള​ൽ. നി​യ​മ​സ​ഭ തെ​ര​ഞ്ഞെ​ടു​പ്പി​നു​ള്ള ധാ​ര​ണ തെ​റ്റി​ച്ച് 13ന് ​പ​ക​രം 17 സീ​റ്റി​ൽ കോ​ണ്‍ഗ്ര​സ് ശ​നി​യാ​ഴ്ച സ്ഥാ​നാ​ര്‍‍ഥി​ക​ളെ പ്ര​ഖ്യാ​പി​ച്ചു. മു​ഖ്യ​മ​ന്ത്രി മ​ണി​ക് സാ​ഹ, കേ​ന്ദ്ര​മ​ന്ത്രി പ്ര​തി​മ ഭൗ​മി​ക് അ​ട​ക്കം 48 സ്ഥാ​നാ​ര്‍ഥി​ക​ളെ ഭ​ര​ണ​ക​ക്ഷി​യാ​യ ബി.​ജെ.​പി​യും പ്ര​ഖ്യാ​പി​ച്ചു. അ​തി​നി​ടെ സ്ഥാ​നാ​ര്‍ഥി​നി​ര്‍ണ​യ​ത്തി​ൽ അ​തൃ​പ്ത​രാ​യ കോ​ണ്‍ഗ്ര​സ്, ബി.​ജെ.​പി പ്ര​വ​ര്‍ത്ത​ക​ര്‍ സ്വ​ന്തം പാ​ര്‍ട്ടി ഓ​ഫി​സു​ക​ള്‍ അ​ടി​ച്ചു​ത​ക​ര്‍ത്തു. ധ​ർ​മ​ന​ഗ​ർ, ബാ​ഗ്ബാ​സ എ​ന്നി​വി​ട​ങ്ങ​ളി​ലാ​ണ് ഓ​ഫി​സു​ക​ൾ ത​ക​ർ​ത്ത​ത്.

ഇ​ട​തു​മു​ന്ന​ണി​യും കോ​ൺ​ഗ്ര​സും ബി.​ജെ.​പി​യെ അ​ക​റ്റി​നി​ർ​ത്താ​ൻ ദി​വ​സ​ങ്ങ​ൾ​ക്കു​മു​മ്പ് ‘സെ​ക്കു​ല​ർ ഡെ​മോ​ക്രാ​റ്റി​ക് ഫോ​ഴ്‌​സ്’ മു​ന്ന​ണി​ക്ക് രൂ​പം​ന​ൽ​കി​യി​രു​ന്നു. 60 നി​യ​മ​സ​ഭ സീ​റ്റു​ക​ളി​ല്‍ 47 എ​ണ്ണം ഇ​ട​തു​പാ​ര്‍ട്ടി​ക​ള്‍ക്കും 13 സീ​റ്റ് കോ​ണ്‍ഗ്ര​സി​നും എ​ന്ന ധാ​ര​ണ​യി​ലാ​ണെ​ത്തി​യി​രു​ന്ന​ത്. എ​ന്നാ​ല്‍, എ.​ഐ.​സി.​സി ജ​ന​റ​ൽ സെ​ക്ര​ട്ട​റി മു​കു​ൾ വാ​സ്‌​നി​ക് പു​റ​ത്തി​റ​ക്കി​യ വാ​ർ​ത്ത​ക്കു​റി​പ്പി​ൽ കോ​ൺ​ഗ്ര​സ് 17 സ്ഥാ​നാ​ർ​ഥി​ക​ളെ പ്ര​ഖ്യാ​പി​ച്ചു. ഇ​ട​തു​പാ​ർ​ട്ടി​ക​ൾ നേ​ര​ത്തേ 47 സ്ഥാ​നാ​ർ​ഥി​ക​ളെ പ്ര​ഖ്യാ​പി​ച്ചി​രു​ന്നു. ഇ​തോ​ടെ, ബ​ർ​ജാ​ല, മ​ജ്‌​ലി​ഷ്പു​ർ, ബ​ദ​ർ​ഘ​ട്ട്, രാ​ധാ​കി​ഷോ​ർ​പു​ർ, പാ​ബി​യ​ചെ​റ എ​ന്നീ മ​ണ്ഡ​ല​ങ്ങ​ളി​ൽ ഇ​ട​ത്, കോ​ൺ​ഗ്ര​സ് സ്ഥാ​നാ​ർ​ഥി​ക​ളാ​യി. അ​തേ​സ​മ​യം, കോ​ൺ​ഗ്ര​സി​ന് അ​നു​വ​ദി​ച്ച പെ​ച്ചാ​ർ​ത്ത​ലി​ലേ​ക്ക് സ്ഥാ​നാ​ർ​ഥി​യെ പ്ര​ഖ്യാ​പി​ച്ചി​ട്ടു​മി​ല്ല.

2018ൽ ​കോ​ൺ​ഗ്ര​സ് 56 സീ​റ്റു​ക​ളി​ൽ മ​ത്സ​രി​ച്ചെ​ങ്കി​ലും ഒ​ന്നും നേ​ടി​യി​ല്ല. ബി.​ജെ.​പി​യി​ൽ​നി​ന്ന് കോ​ൺ​ഗ്ര​സി​ലേ​ക്ക് മ​ട​ങ്ങി​യ​തി​നു​ശേ​ഷം ക​ഴി​ഞ്ഞ വ​ർ​ഷം ന​ട​ന്ന ഉ​പ​തെ​ര​ഞ്ഞെ​ടു​പ്പി​ൽ വി​ജ​യി​ച്ച സു​ദീ​പ് റോ​യ് ബ​ർ​മ​നാ​ണ് ഏ​ക സി​റ്റി​ങ് എം.​എ​ൽ.​എ. ക​ഴി​ഞ്ഞ വ​ർ​ഷം ന​ട​ന്ന ഉ​പ​തെ​ര​ഞ്ഞെ​ടു​പ്പി​ൽ അ​ദ്ദേ​ഹം വി​ജ​യി​ച്ച അ​ഗ​ർ​ത​ല​യി​ലാ​ണ് ഇ​ത്ത​വ​ണ വീ​ണ്ടും മ​ത്സ​രി​പ്പി​ക്കു​ന്ന​ത്.

2018ലെ 56 ​പേ​രു​ടെ പ​ട്ടി​ക​യി​ൽ​നി​ന്ന് കോ​ൺ​ഗ്ര​സ് സം​സ്ഥാ​ന അ​ധ്യ​ക്ഷ​ൻ ബി​ര​ജി​ത് സി​ൻ​ഹ, മു​ൻ സം​സ്ഥാ​ന അ​ധ്യ​ക്ഷ​നും മു​ൻ എം.​എ​ൽ.​എ​യു​മാ​യ ഗോ​പാ​ൽ ച​ന്ദ്ര റോ​യ് എ​ന്നീ ര​ണ്ടു പേ​രെ മാ​ത്ര​മാ​ണ് നി​ല​നി​ർ​ത്തി​യ​ത്. ബി​ര​ജി​ത് സി​ൻ​ഹ 2018ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ പ​രാ​ജ​യ​പ്പെ​ട്ട കൈ​ലാ​സ​ഹാ​റി​ൽ​നി​ന്ന് വീ​ണ്ടും ജ​ന​വി​ധി തേ​ടും. കോ​ൺ​ഗ്ര​സി​ൽ തി​രി​ച്ചെ​ത്തി​യ ആ​ശി​ഷ് കു​മാ​ർ സാ​ഹ ക​ഴി​ഞ്ഞ ത​വ​ണ ബി​ജെ.​പി ടി​ക്ക​റ്റി​ൽ വി​ജ​യി​ച്ച ടൗ​ൺ ബ​ർ​ദോ​വാ​ലി​യി​ൽ വീ​ണ്ടും മ​ത്സ​രി​ക്കും. ഇ​വി​ടെ​നി​ന്ന് മൂ​ന്നു ത​വ​ണ വി​ജ​യി​ച്ച സാ​ഹ ഇ​ത്ത​വ​ണ നി​ല​വി​ലെ മു​ഖ്യ​മ​ന്ത്രി മ​ണി​ക് സാ​ഹ​യെ​യാ​ണ് നേ​രി​ടു​ന്ന​ത്.

ബി.​ജെ.​പി പ്ര​ഖ്യാ​പി​ച്ച ആ​ദ്യ​ഘ​ട്ട സ്ഥാ​നാ​ർ​ഥി​പ്പ​ട്ടി​ക പ്ര​കാ​രം മു​ഖ്യ​മ​ന്ത്രി മ​ണി​ക് സാ​ഹ ടൗ​ൺ ബ​ർ​ദോ​വാ​ലി​യി​ലും മു​ന്‍ മു​ഖ്യ​മ​ന്ത്രി സി.​പി.​എ​മ്മി​ന്റെ മ​ണി​ക് സ​ർ​ക്കാ​ർ മ​ത്സ​രി​ച്ചി​രു​ന്ന ധ​ൻ​പു​രി​ല്‍ കേ​ന്ദ്ര​മ​ന്ത്രി പ്ര​തി​മ ഭൗ​മി​കും ജ​ന​വി​ധി തേ​ടും. 1998 മു​ത​ല്‍ മ​ണ്ഡ‍ല​ത്തി​ല്‍ സ്ഥാ​നാ​ർ​ഥി​യാ​യി​രു​ന്ന മ​ണി​ക് സ​ർ​ക്കാ​ര്‍ ഇ​ത്ത​വ​ണ മ​ത്സ​രി​ക്കു​ന്നി​ല്ല.

ഫെ​ബ്രു​വ​രി 16ന് 60 ​സീ​റ്റു​ക​ളി​ലേ​ക്കാ​ണ് തെ​ര​ഞ്ഞെ​ടു​പ്പ്. 25 വ​ർ​ഷം നീ​ണ്ട ഇ​ട​തു​ഭ​ര​ണ​ത്തി​ന് അ​ന്ത്യം​കു​റി​ച്ച് 2018ലാ​ണ് ബി.​ജെ.​പി അ​ധി​കാ​ര​ത്തി​ലെ​ത്തി​യ​ത്. മു​ൻ കോ​ൺ​ഗ്ര​സ് നേ​താ​വും രാ​ജ​കു​ടും​ബാം​ഗ​വു​മാ​യ പ്ര​ദ്യോ​ത് ദേ​ബ് ബ​ർ​മ​ൻ സ്ഥാ​പി​ച്ച പ്രാ​ദേ​ശി​ക പാ​ർ​ട്ടി​യാ​യ തി​പ്ര മോ​ത്ത​യു​മാ​യി ബി.​ജെ.​പി ച​ർ​ച്ച ന​ട​ത്തി​യെ​ങ്കി​ലും സ​ഖ്യ​ത്തി​ലെ​ത്തി​യി​ല്ല.