കോൺഗ്രസ്​ നേതാവ്​ ജനാർദ്ദൻ ദ്വിവേദിയുടെ മകൻ ബി.ജെ.പിയിൽ

ന്യൂഡൽഹി: മുതിർന്ന കോൺഗ്രസ്​ നേതാവ്​ ജനാർദ്ദൻ ദ്വിവേദിയുടെ മകൻ സാമിർ ദ്വിവേദി ബി.ജെ.പിയിൽ ചേർന്നു. പ്രധാനമന് ത്രി നരേന്ദ്രമോദിയുടെ നേതൃത്വത്തിൽ ആകൃഷ്​ടനായാണ്​ താൻ ബി.ജെ.പിയിൽ ചേർന്നതെന്ന്​ സാമിർ പറഞ്ഞു. ചൊവ്വാഴ്​ച ബ ി.ജ.പി ദേശീയ ജനറൽ സെ​ക്രട്ടറി അരുൺ സിങ്ങിൻെറ സാന്നിധ്യത്തിലാണ്​ സാമിർ ദ്വിവേദിയുടെ ബി.ജെ.പി പ്രവേശനം.

പാർട ്ടി പ്രവേശനത്തിന്​ ശേഷം പൗരത്വ ഭേദഗതിയെ കുറിച്ചും ദേശീയ പൗരത്വ പട്ടികയെ കുറിച്ചും അദ്ദേഹം സംസാരിച്ചു. 1962ൽ ചൈനയെ പുകഴ്​ത്തി രംഗത്ത്​ വന്ന ആളുകളാണ്​ ശാഹീൻബാഗിലെ പ്രതിഷേധത്തിന്​ ഇന്ധനം പകരുന്നതെന്ന്​ സാമിർ ദ്വിവേദി ആരോപിച്ചു. ഇപ്പോൾ നമ്മൾ പ്രധാനമന്ത്രി നരേന്ദ്രമോദിയെ പിന്തുണച്ചില്ലെങ്കിൽ ഇന്ന്​ ആളിപ്പടരുന്ന തീ നമുക്ക്​ നിയന്ത്രിക്കാൻ സാധിക്കില്ലെന്നും അദ്ദേഹം പറഞ്ഞു.

‘‘ശാഹീൻ ബാഗിൽ സമരം ചെയ്യുന്ന​ മുസ്​ലിം പ്രതിഷേധക്കാരോട്​ താൻ ഒരു ചോദ്യം ചോദിക്കാൻ ആഗ്രഹിക്കുകയാണ്​. നരേ​ന്ദ്രമോദിക്ക്​ മുമ്പ്​ മുത്തലാഖ്​ നിർത്തലാക്കാനുള്ള തീരുമാനം ആരെങ്കിലും കൈക്കൊണ്ടിട്ടുണ്ടോ.? മുത്തലാഖ്​ ചൊല്ലുന്ന രീതി റദ്ദാക്കിയ ഒരാൾക്ക്​ എങ്ങനെ നിങ്ങളിൽ നിന്ന്​ പൗരത്വം എടുത്തൊഴിവാക്കാൻ സാധിക്കും.? -സാമിർ ദ്വിവേദി ചോദിച്ചു.

ഇത്​ എൻെറ ആദ്യ രാഷ്​ട്രീയ പാർട്ടിയാണ്​. ഇന്നത്തെ സാഹചര്യങ്ങൾ പരിഗണിച്ച്​ അരാഷ്ട്രീയവാദികളായ ആളുകളും നല്ലവരും വിദ്യാസമ്പന്നരുമായ ആളുകളും രാഷ്​ട്രീയത്തിലിറങ്ങണമെന്ന്​ സാമിർ ദ്വിവേദി ആവശ്യപ്പെട്ടു. തീ എല്ലായിടത്തേക്കും ആളി പടരുന്നതിന്​ മുമ്പ്​ എല്ലാവരും ഒത്തുചേരണമെന്നും അദ്ദേഹം ആവശ്യപ്പെട്ടു.

പ്രധാനമന്ത്രി നരേന്ദ്രമോദിയുടെ നേതൃത്വത്തിൽ ചെയ്​ത കാര്യങ്ങൾ മുമ്പൊന്നും സാധ്യമായിരുന്നില്ല. ആർട്ടിക്കിൾ 370 റദ്ദാക്കിയതും മുത്തലാഖും പൗരത്വ ​േഭദഗതി നിയമവും ചില ഉദാഹരണങ്ങളാണെന്നും സാമിർ പറഞ്ഞു.