Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightകല്യാൺ സിങിന്​...

കല്യാൺ സിങിന്​ അനുശോചനം; അലീഗഢ്​​ വി.സിക്കെതിരെ പോസ്​റ്റർ

text_fields
bookmark_border
കല്യാൺ സിങിന്​ അനുശോചനം; അലീഗഢ്​​ വി.സിക്കെതിരെ പോസ്​റ്റർ
cancel

ലഖ്​നൗ: മുൻ മുഖ്യമന്ത്രി കല്യാൺ സിങി​െൻറ മരണത്തിൽ അനുശോചനം അറിയിച്ച അലീഗഢ്​ മുസ്​ലിം സർവകലാശാല വൈസ് ചാൻസലർക്കെതിരെ കാമ്പസിൽ പോസ്​റ്റർ പ്രചരണം. സർവകലാശാല വിദ്യാർഥികളുടെ പേരിലുള്ള പോസ്​റ്ററിൽ കുറ്റവാളിക്കായി പ്രാർഥിക്കുന്നത്​ മറക്കാനാവാത്ത കുറ്റമാണെന്ന്​ രേഖപ്പെടുത്തിയിട്ടുണ്ട്​. കല്യാൺ സിങ്​ ബാബരി മസ്​ജിദ്​ തകർത്ത കേസിലെ പ്രതി മാത്രമല്ല, സുപ്രീംകോടതി വിധി അനുസരിക്കാത്ത നിഷേധി കൂടിയാണെന്ന്​ പോസ്​റ്ററിൽ പറയുന്നു.

അലീഗഢി​െൻറ ചരിത്രത്തിന്​ നാണക്കേടാണ്​ വി.സിയുടെ പ്രവൃത്തിയെന്നും പരാമർശമുണ്ട്​. താരിഖ്​ മൻസൂർ ആണ്​ വൈസ്​ ചാൻസലർ. പോസ്​റ്ററിനെതിരെ ഉത്തർ പ്രദേശ്​ സർക്കാർ രൂക്ഷ പ്രതികരണവുമായി രംഗത്തെത്തി.

പോസ്​റ്ററുകൾക്ക്​ പിന്നിലെ താലിബാനി ചിന്തയുള്ളവരെ അതേ രീതിയിൽ കൈകാര്യം ചെയ്യുമെന്ന്​ സംസ്​ഥാന ന്യൂനപക്ഷ ക്ഷേമ മന്ത്രി മുഹ്​സിൻ റാസ പറഞ്ഞു. മറ്റുള്ളവർക്ക്​ പാഠമാകുന്ന രീതിയിൽ നടപടി കൈക്കൊള്ളുമെന്നും മന്ത്രി അറിയിച്ചു.

Show Full Article
TAGS:kalyan singh 
News Summary - Condolences to Kalyan Singh; Poster against Aligarh VC
Next Story