Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightനിർബന്ധിത രക്തദാനവും...

നിർബന്ധിത രക്തദാനവും ആശുപത്രി സേവനവും; ഇത് പഞ്ചാബ് മോഡൽ 'ശിക്ഷ'

text_fields
bookmark_border
നിർബന്ധിത രക്തദാനവും ആശുപത്രി സേവനവും; ഇത് പഞ്ചാബ് മോഡൽ ശിക്ഷ
cancel
Listen to this Article

ചണ്ഡീഗഢ്: വേഗപരിധി ലംഘിക്കുകയോ മദ്യമോ മറ്റു ലഹരിവസ്തുക്കളോ ഉപയോഗിച്ച് വാഹനമോടിക്കുകയോ ചെയ്യുന്നവർക്ക് പഞ്ചാബിൽ ഇനി മുതൽ 'ശിക്ഷ'യായി ക്ലാസെടുക്കലും ആശുപത്രി സേവനവും നിർബന്ധിത രക്തദാനവും. ഇതിന് പുറമെ പിഴയും ലൈസൻസ് താൽക്കാലികമായി റദ്ദാക്കലും ഉണ്ടാകും. ഞായറാഴ്ച സംസ്ഥാന പൊലീസ് പുറത്തിറക്കിയ പുതിയ ഗതാഗത നിയമത്തിലാണ് ഇക്കാര്യം പറയുന്നത്.

ഗതാഗത ലംഘനം ആവർത്തിച്ചാൽ പിഴയിൽ വർധനവുമുണ്ടാകും. വേഗപരിധി ലംഘിച്ചാൽ ആദ്യ തവണ 1,000 രൂപ പിഴയും മൂന്നു മാസത്തേക്ക് ലൈസൻസ് സസ്പെൻഡ് ചെയ്യലുമായിരിക്കും ശിക്ഷ. മദ്യപിച്ച് വാഹനമോടിച്ചാൽ, അതേ കാലയളവിൽ ലൈസൻസ് സസ്പെൻഷന് പുറമെ 5,000 രൂപ പിഴയും ലഭിക്കും. ഇതേ കുറ്റങ്ങൾ ആവർത്തിച്ചാൽ ലൈസൻസ് സസ്പെൻഷന് പുറമെ പിഴ ഇരട്ടിയാകും.

ഇതിന് പുറമെ അടുത്തുള്ള ആശുപത്രിയിൽ കുറഞ്ഞത് രണ്ട് മണിക്കൂറെങ്കിലും സേവനം ചെയ്യുകയോ അടുത്തുള്ള രക്തബാങ്കിൽ ഒരു യൂനിറ്റ് രക്തമെങ്കിലും ദാനം ചെയ്യുകയോ വേണം. മാത്രമല്ല, ട്രാൻസ്‌പോർട്ട് അതോറിറ്റിയുടെ ഒരു റിഫ്രഷർ കോഴ്‌സ് ഏറ്റെടുക്കുകയും ഓരോ നിയമലംഘനത്തിനും അടുത്തുള്ള സ്‌കൂളിലെ 9 മുതൽ 12 വരെ ക്ലാസുകളിലെ 20 വിദ്യാർഥികളെയെങ്കിലും രണ്ട് മണിക്കൂറെങ്കിലും പഠിപ്പിക്കുകയും വേണം. തുടർന്ന് ഇവർക്ക് നോഡൽ ഓഫിസർ സർട്ടിഫിക്കറ്റ് നൽകും. പിഴ അടക്കുമ്പോൾ അധികാരികൾ ഇത് പരിശോധിക്കുകയും ചെയ്യും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:PunjabHospital Servicesblood donation
News Summary - Compulsory blood donation and hospital service; This is the Punjab model 'Punishment'
Next Story