ജനം തെരുവിൽ മരിക്കു​േമ്പാൾ ജഡ്​ജിമാർക്ക്​ പഞ്ചനക്ഷത്ര ഹോട്ടലിൽ കോവിഡ്​ ചികിത്സ; വിമർശനവുമായി നെറ്റിസൺസ്​

ന്യൂഡൽഹി: ഡൽഹി ഹൈകോടതിയിലെ ജഡ്​ജിമാർക്കും ഉദ്യോഗസ്ഥർക്കും അവരുടെ കുടുംബാംഗങ്ങൾക്കും പഞ്ചനക്ഷത്ര ഹോട്ടലിൽ​ കോവിഡ്​ ചികിത്സയൊരുക്കാനുള്ള സർക്കാർ തീരുമാനത്തിനെതിരെ വിമർശനം ശക്​തമാവുന്നു. ജനം തെരുവിൽ മരിച്ച്​ വീഴു​േമ്പാൾ ജഡ്​ജിമാർക്ക്​ പഞ്ചനക്ഷത്ര ഹോട്ടലിൽ ചികിത്സയൊരുക്കുന്നതിനെതിരെ വൻ പ്രതിഷേധമാണ്​ ട്വിറ്ററുൾപ്പടെയുള്ള സമൂഹമാധ്യമങ്ങളിൽ നടക്കുന്നത്​.

ജനം ആശുപത്രിയിൽ ബെഡും ഓക്​സിജനും ലഭിക്കാതെ തെരുവിൽ മരിക്കു​േമ്പാൾ ജഡ്​ജിമാർക്കായി പഞ്ചനക്ഷത്ര ഹോട്ടലിൽ എന്തിനാണ്​ 100 മുറിയൊരുക്കിയതെന്നാണ്​ നെറ്റിസൺ ചോദിക്കുന്നത്​. എന്തുകൊണ്ടാണ്​ ജനങ്ങൾക്കായി ഈ സംവിധാനം തുറന്ന്​ നൽകാത്തതെന്ന ചോദ്യം ഉയർത്തുന്നവരുമുണ്ട്​. ജഡ്​ജിമാർക്ക്​ താമസിക്കാനുള്ള ഫൈവ്​ സ്​റ്റാർ ഹോട്ടലി​െൻറ ബില്ല്​ അടക്കാനുള്ള തുക നികുതിയായി നൽകു​ന്ന സാധാരണ ജനം തെരുവിൽ മരിക്കു​േമ്പാഴാണ്​ ഡൽഹി സർക്കാർ ഇത്തരം നടപടിയുമായി മുന്നോട്ട്​ പോകുന്നതെന്നാണ്​ ഉയരുന്ന മറ്റൊരു വിമർശനം. ഡോക്​ടർമാർ പോലും ചികിത്സ ലഭിക്കാതെ മരിക്കു​േമ്പാൾ ജഡ്​ജിമാർക്ക്​ പ്രത്യേക സൗകര്യം നൽകുന്നതിനെതിരെ വൻ പ്രതിഷേധം ഉയരണമെന്നും സമൂഹമാധ്യമങ്ങളിലൂടെ ആഹ്വാനം ചെയ്യുന്നവരുണ്ട്​​.

ജഡ്​ജിമാർക്ക്​ ചികിത്സ നൽകാനായി അശോക ഹോട്ടലാണ്​ ബുക്ക്​ ചെയ്തത്​. ​ഇവരുടെ കുടുംബാംഗങ്ങളേയും അശോക ഹോട്ടലിൽ സജ്ജമാക്കുന്ന താൽക്കാലിക കോവിഡ്​ കെയർ സെൻററിലാവും ചികിത്സിക്കുകയെന്ന്​ ചാണക്യപുരി സബ്​-ഡിവിഷണൽ മജിസ്​ട്രേറ്റ്​ ഗീത ഗ്രോവർ പറഞ്ഞിരുന്നു.

പ്രിമസ്​ ആശുപത്രിക്കായിരിക്കും പഞ്ചനക്ഷത്ര ഹോട്ടലിലെ കോവിഡ്​ കെയർ സെൻററി​െൻറ നടത്തിപ്പ്​ ചുമതല. കോവിഡ്​ കെയർ സെൻററിലുണ്ടാവുന്ന മെഡിക്കൽ മാലിന്യത്തി​െൻറ നിർമാർജ്ജനവും ഇവരുടെ ചുമതലയായിരിക്കും. ഹോട്ടലിലെ ജീവനക്കാർക്ക്​ ​രോഗികളെ പരിചരിക്കുന്നതിനുള്ള പ്രാഥമിക പരിശീലനവും ആശുപത്രിയാവും നൽകുക. ഹോട്ടലിൽ ജീവനക്കാരുടെ കുറവുണ്ടായാൽ അതും ആശുപത്രി നൽകണം.