ഇൻഡിഗോ മാപ്പ്​ പറയണം, 25 ലക്ഷം രൂപ നഷ്​ടപരിഹാരം ആവശ്യപ്പെട്ട്​ കുനാൽ കംറയുടെ ​നോട്ടീസ്​

ന്യൂഡൽഹി: വിമാനത്തിൽ വെച്ച്​ മാധ്യമപ്രവർത്തകൻ അർണബ്​ ഗോസ്വാമിയെ പരിഹസിച്ചതിനെ തുടർന്ന്​ ആറ്​ മാസം യാത്രാ വ ിലക്കേർപ്പെടുത്തിയ ഇൻഡിഗോ എയർലൈൻസിനെതിരെ ടെലിവിഷൻ സ്​റ്റാൻഡ്​ അപ്പ്​ കൊമേഡിയൻ കുനാൽ കംറയുടെ വക്കീൽ ​നോട ്ടീസ്​. ഇൻഡിഗോ എയർലൈൻസ്​ നിരുപാധികം മാപ്പ് പറയണമെന്നും യാത്രാ വിലക്ക്​ പിൻവലിക്കണമെന്നും സൂചിപ്പിച്ച്​ അയച ്ച​ ​നോട്ടീസിൽ 25 ലക്ഷംരൂപ നഷ്​ടപരിഹാരമായി നൽകണമെന്നും ​ആവശ്യപ്പെടുന്നുണ്ട്​.

വെള്ളിയാഴ്​ചയാണ്​ കുനാൽ കംറ വക്കീൽ നോട്ടീസ്​ അയച്ചത്​. ത​​െൻറ കക്ഷി അനുഭവിച്ച മാനസിക ​വേദനക്കും ദുഃഖത്തിനും ഇന്ത്യയിലും വിദേശത്തുമായി നേരത്തേ പറഞ്ഞുവച്ച പരിപാടികൾ റദ്ദായതിനാലും നഷ്​ടപരിഹാരമായി 25 ലക്ഷം രൂപ നൽകണമെന്ന്​ കംറയുടെ അഭിഭാഷകൻ വിമാന കമ്പനിയോട്​ ആവശ്യപ്പെട്ടു.

മുംബൈ-ലഖ്​നോ വിമാനത്തിലുണ്ടായ സംഭവത്തി​​​​​​െൻറ അടിസ്ഥാനത്തിലാണ്​ കുനാൽ കംറയെ ആറ്​ മാസത്തേക്ക്​​ ഇൻഡിഗോ വിലക്കിയത്​. അർണബ്​ ഗോസ്വാമിയുടെ വാർത്താ അവതരണ ശൈലിയെ കളിയാക്കുന്ന വീഡിയോ​ കംറ തന്നെയാണ്​ പുറത്ത്​ വിട്ടത്​. യാത്രയിൽ അർണബിനോട്​ ചില കാര്യങ്ങൾ​ സംസാരിക്കാനുണ്ടെന്ന്​ കംറ ആവശ്യപ്പെട്ടിരുന്നു. എന്നാൽ, അർണബ്​ അതിനോട്​ പ്രതികരിച്ചില്ല.

തുടർന്ന്​ അർണബി​​​​​​െൻറ ശൈലിയെ കംറ പരിഹസിക്കുകയും ചെയ്​തു. ഒടുവിൽ വിമാന ജീവനക്കാർ കംറയോട്​ സീറ്റിൽ പോയി ഇരിക്കാൻ ആവശ്യപ്പെട്ടു. ത​​​​​​െൻറ പെരുമാറ്റത്തിൽ കംറ വിമാന ജീവനക്കാരോട്​ മാപ്പ്​ ചോദിച്ചിരുന്നു. എന്നാൽ, ഇത്​ കമ്പനിക്ക്​ സ്വീകാര്യമായില്ല. ഇൻഡിഗോക്ക്​ പിന്നാലെ എ​യ​ർ ഇ​ന്ത്യ, സ്​​പൈ​സ്​ ജെ​റ്റ്, ഗോ​എ​യ​ർ എ​യ​ർ​ലൈ​നു​ക​ളാ​ണ്​ കുനാൽ കംറയെ ത​ങ്ങ​ളു​ടെ ​വിമാനങ്ങളി​ൽ യാ​ത്ര​ചെ​യ്യു​ന്ന​തി​ൽ​നി​ന്ന്​ വി​ല​ക്കി​യ​ത്.