Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightനോട്ട്​ മാറ്റം:...

നോട്ട്​ മാറ്റം: അധികൃതർ ജനങ്ങളോട്​ മാന്യമായി പെരുമാറണമെന്ന്​ അഖിലേഷ്​

text_fields
bookmark_border
നോട്ട്​ മാറ്റം: അധികൃതർ ജനങ്ങളോട്​ മാന്യമായി പെരുമാറണമെന്ന്​ അഖിലേഷ്​
cancel

ന്യൂഡൽഹി: നോട്ട്​ പിൻവലിക്കലി​െൻറ പശ്ചാത്തലത്തിൽ സംസ്ഥാനത്ത്​ ബന്ധപ്പെട്ട സ്ഥാപനങ്ങളും ഉദ്യോഗസ്ഥരും ജനങ്ങളോട്​ മാന്യമായി പെരുമാറണമെന്ന്​ ഉത്തർപ്രദേശ്​ മുഖ്യമന്ത്രി അഖിലേഷ്​ യാദവ്​. അസാധുവായ നോട്ടുകൾ മാറ്റാൻ ബാങ്കിനു മുന്നിലെത്തിയവരെ പൊലീസ്​ ലാത്തികൊണ്ട്​ മർദിക്കുന്ന ദൃശ്യങ്ങൾ മാധ്യമങ്ങൾ വഴി പ്രചരിച്ച സംഭവത്തിലാണ്​ മുഖ്യമന്ത്രിയുടെ നിർദേശം.

താൻ എന്നും ജനങ്ങൾക്കൊപ്പമാണുള്ളത്​. നോട്ട്​ അസാധുവാക്കൽ നടപടിയുടെ പശ്ചാത്തലത്തിൽ പാവപ്പെട്ടവർക്കും പാർശ്വവൽക്കരിക്കപ്പെട്ടവർക്കുമെതിരെ കല്ലെറിയാൻ ആരെയും അനുവദിക്കില്ല. അത്തരം നടപടികൾ ശ്രദ്ധയിൽപ്പെട്ടാൽ നടപടിയുണ്ടാകും. ജനങ്ങളുമായി ഇടപഴകു​േമ്പാൾ സൂക്ഷ്​മത പാലിക്കണമെന്നും സാധാരണക്കാരോട്​ മാന്യമായി പെരുമാറണമെന്നും നിർദേശിച്ച്​ അധികൃതർക്ക്​ ഉത്തരവ്​ കൈമാറിയിട്ടുണ്ടെന്നും അഖിലേഷ്​ വ്യക്തമാക്കി.

ഉത്തർപ്രദേശിലെ ഫത്തേഖ്​പുർ ജില്ലയിൽ നിന്നുള്ള വീഡിയോ ദൃശ്യങ്ങളാണ്​ കഴിഞ്ഞ ദിവസം വൈറലായത്​. പണം മാറ്റിയെടുക്കാൻ വരിയായി നിൽക്കുന്നവരെ തിരക്ക്​  നിയന്ത്രിക്കാനെത്തിയ പൊലീസുകാരൻ ലാത്തികൊണ്ട്​ മർദിക്കുകയായിരുന്നു. സംഭവത്തി​െൻറ പശ്ചാത്തലത്തിൽ ഫത്തേഖ്​പുർ ജില്ലാ പൊലീസ്​ സൂപ്രണ്ട്​ രാം കിഷോറിനെയും വരിയിൽ നിൽക്കുന്നവരെ മർദിച്ച  കൃഷ്​ണപുർ സ്​റ്റേഷൻ ഒാഫീസർ സഞ്​ജയ്​ കുമാർ യാദവിനെയും സസ്​പെൻഡ്​ ചെയ്​തിരുന്നു.

Show Full Article
TAGS:akhilesh yadav up 
Next Story