എ​െൻറ എം.എൽ.എമാർ വിൽപനക്കുള്ളതല്ല -ആഞ്ഞടിച്ച്​ കമൽനാഥ്

ഭോപ്പാൽ: മധ്യപ്രദേശിലെ കോൺഗ്രസ്​ സർക്കാറിനെ അട്ടിമറിക്കാൻ ബി.ജെ.പി നടത്തിയ ‘ഒാപ്പറേഷൻ കമല’ക്കെതിരെ ആഞ്ഞടിച്ച്​ മുഖ്യമ​ന്ത്രി കമൽനാഥ്​. കോൺഗ്രസ്​ എം.എൽ.എമാർ വിൽപനക്കുള്ളതല്ല. രാഷ്​ട്രീയത്തി​​െൻറ അടിസ്ഥാന തത്വങ്ങളിലും സേവനത്തിലും വിശ്വാസമർപ്പിച്ച്​ പ്രവർത്തിക്കുന്നവരാണ്​ കോൺഗ്രസ്​ ജനപ്രതിനിധികളെന്നും ​കമൽനാഥ്​ പറഞ്ഞു.

കോൺഗ്രസി​​െൻറ രാഷ്​ട്രീയ വ്യക്തിത്വത്തിൽ അഭിമാനിക്കുന്നവരാണ്​ തങ്ങൾ. രാഷ്​ട്രീയത്തി​​െൻറ നിലവാരം തരംതാഴ്​ത്താൻ അനുവദിക്കില്ലെന്നും മധ്യപ്രദേശിലെ സർക്കാറിനെ ആർക്കും ഭീഷണിപ്പെടുത്താൻ കഴിയില്ലെന്നും കമൽനാഥ്​ പൊതുപരിപാടിയിൽ പറഞ്ഞു.

കമൽ നാഥ്​ സർക്കാറിനെ അട്ടിമറിക്കുന്നതിനായി ബി.ജെ.പി എട്ട്​ ഭരണപക്ഷ​ എം.എൽ.എമാരെ സ്വാധീനിക്കാൻ ശ്രമിക്കുകയും റിസോർട്ടുകളിലേക്ക്​ മാറ്റുകയും ചെയ്​തിരുന്നു. എന്നാൽ മുതിർന്ന നേതാവ്​ ദിഗ്​വിജയ്​ സിങ്ങി​​െൻറയും കമൽ നാഥി​​െൻറയും ഇടപെടലിലൂടെ ഇവരെ തിരിച്ചെത്തിക്കുകയായിരുന്നു.