വസ്ത്രം കീറൽ പരാമർശം: കമൽനാഥിനെ പൊരിച്ച് എതിരാളികൾ

ഗ്വാ​ളി​യോ​ർ: ഒ​രു നേ​താ​വി​ന് സീ​റ്റ് നി​ഷേ​ധി​ച്ച​തി​ൽ പ്ര​തി​ഷേ​ധി​ച്ച പ്ര​വ​ർ​ത്ത​ക​രോ​ട് മു​ൻ​മു​ഖ്യ​മ​ന്ത്രി ദി​ഗ് വി​ജ​യ് സി​ങ്ങി​ന്റെ വ​സ്ത്രം കീ​റാ​ൻ പ​റ​യു​ന്ന മ​ധ്യ​പ്ര​ദേ​ശ് കോ​ൺ​ഗ്ര​സ് അ​ധ്യ​ക്ഷ​ൻ ക​മ​ൽ​നാ​ഥി​നെ​തി​രെ ബി.​ജെ.​പി നേ​താ​ക്ക​ൾ.

അ​ധി​​ക്ഷേ​പം പോ​ലും മ​റ്റു​ള്ള​വ​ർ​ക്ക് മു​ക്ത്യാ​ർ ന​ൽ​കു​ന്ന കോ​ൺ​ഗ്ര​സ് നേ​താ​ക്ക​ൾ അ​ത്ഭു​ത​ക​ര​മാ​ണെ​ന്ന് മു​ഖ്യ​മ​ന്ത്രി ശി​വ​രാ​ജ് സി​ങ് ചൗ​ഹാ​ൻ പ​റ​ഞ്ഞു. മു​മ്പ് താ​ൻ മു​ഖ്യ​മ​ന്ത്രി​യാ​യ​പ്പോ​ൾ ഭ​രി​ക്കാ​ൻ ദി​ഗ് വി​ജ​യ് സി​ങ്ങി​ന് അ​ധി​കാ​രം ന​ൽ​കി​യെ​ന്ന് ക​മ​ൽ നാ​ഥ് പ്ര​സ്താ​വി​ച്ച​തി​നെ​യാ​ണ് ചൗ​ഹാ​ൻ പ​രി​ഹ​സി​ച്ച​ത്. ആ​രെ​ങ്കി​ലും അ​ധി​ക്ഷേ​പി​ക്കു​ന്ന​ത് മ​റ്റു​ള്ള​വ​രി​ലേ​ക്ക് ക​മ​ൽ​നാ​ഥ് തി​രി​ച്ചു​വി​ടു​ക​യാ​ണെ​ന്നും മു​ഖ്യ​മ​ന്ത്രി ആ​രോ​പി​ച്ചു.

നേ​താ​ക്ക​ൾ ഇ​ങ്ങ​നെ സം​സാ​രി​ക്കു​ക​യാ​ണെ​ങ്കി​ൽ, അ​ധി​കാ​രം ല​ഭി​ച്ചാ​ൽ മ​ധ്യ​പ്ര​ദേ​ശി​ലെ ജ​ന​ങ്ങ​ളു​ടെ അ​വ​സ്ഥ​യെ​ന്താ​ണെ​ന്നും കോ​ൺ​ഗ്ര​സി​നെ അ​ധി​കാ​ര​ത്തി​ലേ​റാ​ൻ ജ​ന​ങ്ങ​ൾ അ​നു​വ​ദി​ക്കി​ല്ലെ​ന്നാ​ണ് വി​ശ്വാ​സ​മെ​ന്നും കേ​ന്ദ്ര മ​ന്ത്രി ജോ​തി​രാ​ദി​ത്യ സി​ന്ധ്യ പ​റ​ഞ്ഞു.

കോ​ൺ​ഗ്ര​സ് നേ​താ​വ് വീ​രേ​ന്ദ്ര ര​ഘു​വം​ശി​യു​ടെ അ​നു​യാ​യി​ക​​ളോ​ടാ​ണ് സീ​റ്റ് നി​ഷേ​ധി​ച്ച​തു​മാ​യി ബ​ന്ധ​പ്പെ​ട്ട് ദി​ഗ്‌​വി​ജ​യ് സി​ങ്ങി​ന്റെ വ​സ്ത്രം കീ​റാ​ൻ ക​മ​ൽ​നാ​ഥ് പ​റ​ഞ്ഞ​ത്. ഈ ​വി​ഡി​യോ വൈ​റ​ലാ​യ​തോ​ടെ കോ​ൺ​ഗ്ര​സി​ലെ ഭി​ന്ന​ത ​പ്ര​ക​ട​മാ​യി​രു​ന്നു. ക​മ​ൽ നാ​ഥും ദി​ഗ്‌​വി​ജ​യ് സി​ങ്ങും പി​ന്നീ​ട് കോ​ൺ​ഗ്ര​സി​ന്റെ പ്ര​ക​ട​ന പ​ത്രി​ക പ്ര​കാ​ശ​ന​ച്ച​ട​ങ്ങി​ൽ പ​ങ്കെ​ടു​ത്ത് ഐ​ക്യ​സ​ന്ദേ​ശം ന​ൽ​കി​​യി​രു​ന്നു.