റൺവേയിൽ വിമാനങ്ങൾ നേർക്കുനേർ

ന്യൂഡൽഹി: ഇന്ദിരാഗാന്ധി അന്താരാഷ്ട്ര വിമാനത്താവളത്തിലെ റൺവേയിൽ വിമാനങ്ങൾ നേർക്കുനേർ വന്നു. ലക്നോവിൽ നിന്നും വരികയായിരുന്നു ഇൻഡിഗോ വിമാനവും ഡൽഹിയിൽ നിന്നും പുറപ്പെടുകയായിരുന്ന സ്പൈസ് ജെറ്റ് വിമാനവുമാണ് നേർക്കു നേർ വന്നത്. എയർ ട്രാഫിക് കൺട്രൾ ഭാഗത്തു നിന്നുണ്ടായ പിഴവാണ് സംഭവത്തിന് കാരണമെന്നാണ് സൂചന.  ജനറൽ സിവിൽ ഏവിയേഷൻ ഡയറക്ടറേറ്റ് സംഭവത്തെക്കുറിച്ച് അന്വേഷിച്ച് വരികയാണ്.