കർണാടകയിലും ഒമ്പതാംക്ലാസുകാരൻ സ്​കൂൾ ബാത്​റൂമിൽ കൊല്ലപ്പെട്ട നിലയിൽ

കുശലനഗർ: കർണാടകയി​െല കുശലനഗറിൽ ഒമ്പതാംക്ലാസ്​ വിദ്യാർഥിയെ​ സ്​കൂളിലെ വാഷ്​റൂമിൽ കൊല്ലപ്പെട്ട നിലയിൽ കണ്ടെത്തി. കുടക്​ ജില്ലയിലെ പ്രമുഖ സൈനിക സ്കൂളിൽ ശനിയാഴ്​​ചയാണ്​ സംഭവം. സ്കൂളിലെ ഹോക്കി കോച്ച് നാഗേന്ദ ടി.പൂവൈഡി​​​െൻറ മകൻ എൻ.പി.ചിങ്കപ്പയാണ് (14) കൊല്ലപ്പെട്ടത്​. ഗുജറാത്തിലെ വഡോദരയിൽ ഒമ്പതാം ക്ലാസ്​ വിദ്യാർഥി സ്​കൂൾ ബാത്​റൂമിൽ ​െകാല്ലപ്പെട്ട സഭവത്തിന്​ പിന്നാലെയാണ്​ കർണാടകയിലും ഇതേസംഭവം അരങ്ങേറിയത്​. 

സ്​​കൂൾ അധികൃതർ ബാത്​റൂമിൽ കുട്ടിയെ അബോധാവസ്​ഥയിൽ കണ്ടെത്തുകയായിരുന്നു. ഉടൻ സമീപത്തെ സർക്കാർ ആശുപത്രിയിലെത്തിച്ചെങ്കിലും മരണം സ്​ഥിരീകരിച്ചു. പൊലീസ്​ കൊലപാതകത്തിന്​ കേസ്​ രജിസ്​റ്റർ ചെയ്​തു. സ്​കൂൾ വൈസ്​ പ്രിൻസിപ്പലും നാല്​ മറ്റു ജീവനക്കാരും പൊലീസ്​ നിരീക്ഷണത്തിലാണ്​. സംഭവ ദിവസം രാവിലെ കുട്ടിക്കതിരെ അച്ചടക്ക ലംഘനത്തിന്​ അധ്യാപകർ നടപടി എടുത്തിരുന്നു. അന്ന്​ വൈകീട്ടാണ്​ കുട്ടിയെ ബാത്​റൂമിൽ അബോധാവസ്​ഥയിൽ കണ്ടെത്തിയത്​. പൊലീസി​​​െൻറ അന്വേഷണത്തിന്​ എല്ലാ പിന്തുണയും നൽകുമെന്ന്​ സ്​കൂൾ അധികൃതർ അറിയിച്ചു. 

കുട്ടിയുടെ പിതാവ് നേരത്തെ സ്​കൂൾ അധികൃതർക്ക്​ എതിരെ പരാതി നൽകിയിരുന്നു. ​വൈസ്​ പ്രിൻസിപ്പലും ചില അധ്യാപകരും കുട്ടിയെ ദ്രോഹിക്കുകയാണെന്നായിരുന്നു പരാതി. എന്നാൽ പിതാവി​​​െൻറ പരാതി ആരും കാര്യമാക്കിയിരുന്നില്ല. 

കഴിഞ്ഞ ദിവസം രാത്രി കുട്ടിയുടെ കുടുംബവും നാട്ടുകാരും മൃതദേഹം സൂക്ഷിച്ച ആശുപത്രിക്ക്​ മുമ്പിൽ പ്രതിഷേധിച്ചിരുന്നു. ബാത്​റൂമിൽ അബോധാവസ്​ഥയിൽ കുട്ടിയെ കണ്ടപ്പോൾ സ്​കൂൾ അധികൃതർ പൊലീസിനെ അറിയിച്ചില്ലെന്ന്​ ആരോപിച്ചായിരുന്നു പ്രതിഷേധം.