ഹരിയാനയിൽ 12ാം ക്ലാസ്​ വിദ്യാർഥി പ്രിൻസിപ്പലിനെ വെടിവെച്ച്​ കൊന്നു

ന്യൂഡൽഹി: ഹരിയാനയിൽ 12ാം ക്ലാസ്​ വിദ്യാർഥി പ്രിൻസിപ്പലിനെ വെടിവെച്ച്​ കൊന്നു. യമുനനഗറിലെ സ്വകാര്യ സ്​കൂളിലെ കോമേഴ്​സ്​ വിദ്യാർഥിയാണ്​ പ്രിൻസിപ്പൽ റിതു ചാബ്രയെ കൊലപ്പെടുത്തിയത്​​. അച്ഛ​​​​െൻറ ലൈസൻസുള്ള തോക്ക്​ ഉപയോഗിച്ചായിരുന്നു വിദ്യാർഥി പ്രിൻസിപ്പലിനെ വെടിവെച്ചത്​.

വെടിയേറ്റ്​ റിതുവിനെ ഉടൻ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിനായില്ല. മൂന്ന്​ വെടിയുണ്ടകളാണ്​ അവരുടെ ശരീരത്തിൽ നിന്ന്​ കണ്ടെടുത്തത്​. ഹാജർ കുറവായതി​​​​െൻറ പേരിൽ വിദ്യാർഥിയെ കഴിഞ്ഞ ദിവസം സ്​കുളിൽ നിന്ന്​ പുറത്താക്കിയിരുന്നു. ഇതിലുള്ള വൈരാഗ്യമാണ്​ വെടിവെപ്പിലേക്ക്​ നയിച്ചതെന്നാണ്​ സൂചന. ഇന്ന്​ ഉച്ചയോടെ സ്​കുളിലെത്തിയ വിദ്യാർഥി പ്രിൻസിപ്പലിനെ കാണണമെന്ന്​ ആവശ്യപ്പെടുകയായിരുന്നു. തുടർന്ന്​ പ്രിൻസിപ്പലി​​​​െൻറ റൂമിലെത്തി അവർക്ക്​ നേരെ നിറയൊഴിക്കുകയായിരുന്നു. സംഭവമറിഞ്ഞെത്തിയ സ്​കുൾ ജീവനക്കാർ ​വിദ്യാർഥിയെ തടഞ്ഞുവെച്ചു.

കേസ്​ സംബന്ധിച്ച വിശദമായ അന്വേഷണം ആരംഭിച്ചതായി യമുനനഗർ പൊലീസ്​ സുപ്രണ്ട്​ രാജേഷ്​ കാലിയ പ്രതികരിച്ചു. വെടിവെച്ച വിദ്യാർഥി പൊലീസ്​ കസ്​റ്റഡിയിലുണ്ടെന്നും അദ്ദേഹം അറിയിച്ചു. സ്​കുൾ വിദ്യാർഥികൾക്കിടയി​ലെ കുറ്റകൃത്യങ്ങൾ വർധിക്കുന്നതിനിടെയാണ്​ പുതിയ സംഭവം. 16 വയസുകാരനായ വിദ്യാർഥി ഗുഡ്​ഗാവിൽ രണ്ടാം ക്ലാസുകാരനെ കൊലപ്പെടുത്തിയത്​ വാർത്തയായിരുന്നു. ഒന്നാം ക്ലാസുകാരനെ സീനിയർ വിദ്യാർഥിനി ആക്രമിച്ചതും ഇൗയടുത്താണ്​.