വോട്ടിന് പൗരത്വ രേഖ; കൈവിട്ട​പ്പോൾ കമീഷ​ന്റെ ഉരുണ്ടുകളി

ന്യൂ​ഡ​ൽ​ഹി: ​പൗ​ര​ത്വ രേ​ഖ​ക​ൾ ആ​വ​ശ്യ​പ്പെ​ട്ടു​ള്ള ‘വോ​ട്ട​ർ പ​ട്ടി​ക തീ​വ്ര പ​രി​ശോ​ധ​ന’​ക്കെ​തി​രെ ബി​ഹാ​റി​ൽ പ്ര​തി​ഷേ​ധം ക​ന​ക്കു​ക​യും സു​പ്രീം​കോ​ട​തി വി​ഷ​യം 10ന് ​കേ​ൾ​ക്കു​മെ​ന്ന് വ്യ​ക്ത​മാ​ക്കു​ക​യും ചെ​യ്ത​തോ​ടെ തെ​ര​ഞ്ഞെ​ടു​പ്പ് ക​മീ​ഷ​ന്റെ ഉ​രു​ണ്ടു​ക​ളി. ത​ങ്ങ​ൾ പ​റ​ഞ്ഞ 11 രേ​ഖ​ക​ളി​ല്ലാ​തെ വോ​ട്ട​ർ​പ​ട്ടി​ക പ​രി​ശോ​ധി​ക്കാ​മെ​ന്നും രേ​ഖ​ക​ൾ സ​മ​ർ​പ്പി​ക്കാ​ത്ത​വ​ർ വോ​ട്ട​റാ​ണോ എ​ന്ന് ഇ​ല​ക്ട​റ​ൽ ര​ജി​സ്ട്രേ​ഷ​ൻ ഓ​ഫി​സ​ർ (ഇ.​ആ​ർ.​ഒ) തീ​രു​മാ​നി​ക്കു​മെ​ന്നും ഞാ​യ​റാ​ഴ്ച ബി​ഹാ​റി​ൽ പ​ത്ര​പ​ര​സ്യം ചെ​യ്ത ക​മീ​ഷ​ൻ ജൂ​ൺ 24ന് ​പു​റ​പ്പെ​ടു​വി​ച്ച ഉ​ത്ത​ര​വി​ൽ ഉ​റ​ച്ചു​നി​ൽ​ക്കു​ക​യാ​ണെ​ന്ന് പ്ര​സ്താ​വ​ന​യു​മി​റ​ക്കി. ഇ​തേ​ക്കു​റി​ച്ച് വ്യ​ക്ത​ത ആ​വ​ശ്യ​പ്പെ​ട്ട ‘മാ​ധ്യ​മ’​​ത്തോ​ട് ആ​ദ്യ​ത്തെ ഉ​ത്ത​ര​വും ഞാ​യ​റാ​ഴ്ച​ത്തെ പ​ര​സ്യ​വും ത​മ്മി​ൽ വൈ​രു​ധ്യ​മി​ല്ലെ​ന്നാ​യി​രു​ന്നു ക​മീ​ഷ​ൻ ന​ൽ​കി​യ മ​റു​പ​ടി.

ആ​ധാ​ർ കാ​ർ​ഡ്, പാ​ൻ കാ​ർ​ഡ്, തൊ​ഴി​ലു​റ​പ്പ് കാ​ർ​ഡ്, വോ​ട്ട​ർ തി​രി​ച്ച​റി​യ​ൽ കാ​ർ​ഡ്, ഡ്രൈ​വി​ങ് ലൈ​സ​ൻ​സ്, ബാ​ങ്ക് പാ​സ്ബു​ക്ക് എ​ന്നി​വ പൗ​ര​ത്വം തെ​ളി​യി​ക്കാ​നു​ള്ള രേ​ഖ​ക​ളു​ടെ കൂ​ട്ട​ത്തി​ൽ​നി​ന്ന് ഒ​ഴി​വാ​ക്കി​യാ​ണ് 11 രേ​ഖ​ക​ളു​ടെ പ​ട്ടി​ക പു​റ​ത്തു​വി​ട്ടി​രു​ന്ന​ത്. ബി​ഹാ​റി​ലെ വ​ലി​യൊ​രു വി​ഭാ​ഗം ജ​ന​ങ്ങ​ളു​ടെ പ​ക്ക​ലും ഈ 11 ​രേ​ഖ​ക​ളി​ല്ലെ​ന്ന് വ്യ​ക്ത​മാ​യ​തോ​ടെ​യാ​ണ് മ​റ്റു രേ​ഖ​ക​ൾ അം​ഗീ​ക​രി​ക്കു​മെ​ന്നും ഒ​രു രേ​ഖ​യു​മി​ല്ലാ​ത്ത​വ​രു​ടെ കാ​ര്യ​ത്തി​ൽ ഇ.​ആ​ർ.​ഒ തീ​ർ​പ്പ് ക​ൽ​പി​ക്കു​മെ​ന്നും ക​മീ​ഷ​ൻ പ​ര​സ്യം ചെ​യ്ത​ത്. ഇ​ത് നേ​ര​ത്തേ പ​റ​ഞ്ഞ​തി​ന് വി​രു​ദ്ധ​ല്ലേ എ​ന്ന ചോ​ദ്യ​ത്തി​ന് 11 രേ​ഖ​ക​ൾ നി​ർ​ബ​ന്ധ​മാ​ണെ​ന്ന് പ​റ​ഞ്ഞി​ട്ടി​ല്ല​ല്ലോ എ​ന്നാ​ണ് ക​മീ​ഷ​ൻ വൃ​ത്ത​ങ്ങ​ൾ ‘മാ​ധ്യ​മ’​ത്തി​ന് ന​ൽ​കി​യ മ​റു​പ​ടി.

പൗ​ര​ത്വം തെ​ളി​യി​ക്കാ​നു​ള്ള രേ​ഖ​ക​ൾ ജൂ​ലൈ 25ന​കം സ​മ​ർ​പ്പി​ക്കാ​ത്ത​വ​ർ വോ​ട്ട​ർ പ​ട്ടി​ക​യി​ൽ​നി​ന്ന് പു​റ​ത്താ​കു​മെ​ന്നാ​യി​രു​ന്നു ജൂ​ൺ 24ലെ ​ഉ​ത്ത​ര​വ്. എ​ന്നാ​ൽ, അ​പേ​ക്ഷാ ഫോ​റ​ങ്ങ​ൾ അ​ന്നേ​ക്ക​കം പൂ​രി​പ്പി​ച്ച് ത​ന്നാ​ൽ മ​തി​യെ​ന്നും രേ​ഖ​ക​ൾ പി​ന്നീ​ട് സ​മ​ർ​പ്പി​ച്ചാ​ൽ മ​തി​യെ​ന്നു​മാ​ണ് ഇ​പ്പോ​ൾ പ​റ​യു​ന്ന​ത്. ആ​ദ്യ​ത്തെ പി​ടി​വാ​ശി​യി​ൽ​നി​ന്ന് ഏ​റെ പി​റ​കോ​ട്ടു​പോ​യ ക​മീ​ഷ​ൻ അ​ത് തു​റ​ന്നു​പ​റ​യു​ന്ന​തി​ന് ത​യാ​റാ​കാ​തെ ഉ​രു​ണ്ടു​ക​ളി​ക്കു​ക​യാ​ണ്.