തീവണ്ടികളിലും പ്രതിഷേധവുമായി ജാമിഅ, അലിഗഢ്​ വിദ്യാർഥികൾ

ന്യൂഡൽഹി: കേ​ന്ദ്രസർക്കാറി​​െൻറ പൗരത്വ നിയമഭേദഗതിക്കെതിരായ പ്രതിഷേധത്തിൽ പിന്നോട്ടില്ലെന്ന്​ പ്രഖ്യാപിച്ച്​ ജാമിഅ, അലിഗഢ്​ വിദ്യാർഥികൾ. ഡൽഹിയിൽ നിന്നും മടങ്ങ​ുന്ന വിദ്യാർഥികൾ തീവണ്ടികളിലും ​പൗരത്വ നിയമ ഭേദഗതിക്കെതിരായ പ്രതിഷേധം സംഘടിപ്പിച്ചു.

യൂനിവേഴ്​സിറ്റികൾ അടച്ചത്​ മൂലം നാട്ടിലേക്ക്​ മടങ്ങുകയായിരുന്ന വിദ്യാർഥികളാണ്​ യാത്രയിലുടനീളം പൗരത്വ ഭേദഗതിക്കെതിരെ ബാനറുകൾ ഉയർത്തി പ്രതിഷേധിച്ചത്​. അതേസമയം, നാളെ കോഴിക്കോട്​ റെയിൽവേ സ്​റ്റേഷനിലെത്തുന്ന വിദ്യാർഥികൾക്ക്​ സ്വീകരണവും നൽകുന്നുണ്ട്​ ​. രാവിലെ 4.45നാണ്​​ വിദ്യാർഥികൾ കോഴിക്കോട്​ റെയിൽവേ സ്​റ്റേഷനിലെത്തുക​.