Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightയു.പിയിൽ 32000...

യു.പിയിൽ 32000 അഭയാർഥികളെ തിരിച്ചറിഞ്ഞതായി സർക്കാർ; ആദ്യ പട്ടിക തയാർ

text_fields
bookmark_border
യു.പിയിൽ 32000 അഭയാർഥികളെ തിരിച്ചറിഞ്ഞതായി സർക്കാർ; ആദ്യ പട്ടിക തയാർ
cancel

ലഖ്​നോ: ഉത്തർപ്രദേശിൽ 21 ജില്ലകളിലായി 32000 അഭയാർഥികളെ തിരിച്ചറിഞ്ഞതായി സർക്കാർ. ഇതു സംബന്ധിച്ച്​ ആദ്യ പട്ടിക തയ ാറായി. പൗരത്വ ഭേദഗതി നിയമം നിലവിൽ വന്നതായുള്ള കേന്ദ്രവിജ്ഞാപനം പുറത്തിറങ്ങി രണ്ട്​ ദിവസത്തിനിപ്പുറമാണ്​ സർക ്കാർ അഭയാർഥികളെ സംബന്ധിച്ചുള്ള കണക്ക്​ പുറത്തു വിടുന്നത്​.

പൗരത്വ ഭേദഗതി നിയമം സംബന്ധിച്ച്​ വിജ്ഞാപനം പു റത്തിറങ്ങി​യതോടെ വിവര ശേഖരണത്തിന്​ ജില്ലാ മജിസ്​ട്രേറ്റുമാർക്ക്​ നിർദേശം നൽകിയിട്ടുണ്ട്​.​ ‘‘ആദ്യ പട്ടികയിൽ സംസ്ഥാനത്തെ 21 ജില്ലകളിൽ നിന്നായി 32,000 അഭയാർഥികളെ തിരിച്ചറിഞ്ഞിട്ടുണ്ട്​. സംസ്ഥാനത്ത്​ തിരിച്ചറിയൽ പ്ര​ക്രിയ നടന്നുകൊണ്ടിരിക്കുകയാണ്​.’’ - യു.പി മന്ത്രി ശ്രീകാന്ത്​ ശർമ പറഞ്ഞതായി വാർത്താ ഏജൻസിയായ പി.ടി.ഐയെ ഉദ്ധരിച്ച്​ ഇന്ത്യൻ എക്​സ്​പ്രസ്​ റിപ്പോർട്ട്​ ചെയ്യുന്നു.

സഹ്​റാൻപൂർ, ഗൊരഖ്​പൂർ, അലീഗഢ്​, രാംപൂർ, പ്രതാപ്​ഘട്ട്​, പിലിഭിത്ത്​​, ലഖ്​നോ, വാരണാസി, ബഹ്​റൈച്ച്​, ലാഖിംപൂർ, മീററ്റ്​, ആഗ്ര എന്നിവിടങ്ങളിൽ നിന്നുള്ള അഭയാർഥികളാണ്​ പട്ടികയിലുള്ളത്​. ഇതിൽ പിലിഭിത്തിലാണ് അഭയാർഥികൾ കൂടുതൽ​. പാകിസ്​താൻ, അഫ്​ഗാനിസ്​താൻ, ബംഗ്ലാദേശ്​ എന്നീ രാജ്യങ്ങളിൽ നിന്നുള്ള അഭയാർഥികളാണ്​ പട്ടികയിൽ ഉൾപ്പെട്ടതെന്നാണ്​ സർക്കാർ വിശദീകരണം​.

നാഗരിക്​ അധികാർ എന്ന എൻ.ജി.ഒ ആണ്​ 116 പേജുള്ള അഭയാർഥി റിപ്പോർട്ട്​ തയാറാക്കിയത്​. റിപ്പോർട്ട്​ യു.പി സർക്കാറിനും കേന്ദ്രത്തിനും അയച്ചിട്ടുണ്ട്​. വിവാദ പൗരത്വ ഭേദഗതി നിയമത്തിനെതിരെയുള്ള പ്രതിഷേധം ഏറ്റവും രൂക്ഷമായി ബാധിച്ചത്​ ഉത്തർപ്രദേശിലായിരുന്നു. 19 പേർക്കാണ്​ സംസ്ഥാനത്ത്​ പ്രതിഷേധവുമായി ബന്ധപ്പെട്ടുള്ള അക്രമങ്ങളിൽ ജീവൻ നഷ്​ടമായത്​.

അതേസമയം, പ്രതിഷേധത്തിൽ നശിപ്പിക്കപ്പെട്ട പൊതുമുതലിൻെറ നഷ്​ടം തിരിച്ചുപിടിക്കുന്നതിനുള്ള നടപടികളുമായി യു.പി സർക്കാർ മുന്നോട്ടു പോവുകയാണ്​. ഇതിൻെറ ഭാഗമായി തിരിച്ചറിഞ്ഞ 478 പ്രതിഷേധക്കാരിൽ 372 പേർക്ക്​ സർക്കാർ നോട്ടീസ്​ അയച്ചിട്ടുണ്ട്​. ഇത്തരത്തിൽ നടപടി കൈക്കൊള്ളുന്നത്​ യു.പിയിൽ ആദ്യത്തെ സംഭവമാണെന്ന്​ സംസ്ഥാന ഡി.ജി.പി ഒ.പി സിങ്​ പറഞ്ഞു.

Show Full Article
TAGS:CAA Citizenship Act refugees up minister india news malayalam news 
News Summary - Citizenship Act: 32,000 refugees identified in 21 districts, says UP minister -india news
Next Story