അഗസ്​റ്റ വെസ്​റ്റ്​ലാൻഡ്​​ ഇടനിലക്കാരൻ ക്രിസ്​റ്റ്യൻ മിഷേലിനെ ഇന്ത്യക്ക്​ കൈമാറണം - ദുബൈ കോടതി

ന്യൂ​ഡ​ൽ​ഹി: അ​ഗ​സ്ത വെ​സ്റ്റ്ലാ​ൻ​ഡ് ഹെ​ലി​കോ​പ്റ്റ​ർ അ​ഴി​മ​തി​യുടെ ഇ​ട​നി​ല​ക്കാ​ര​ൻ ക്രി​സ്റ്റ്യ​ൻ മി​ഷേ​ലി​നെ ഇന്ത്യക്ക്​ കൈമാറണ​െമന്ന്​ ദുബൈ കോടതി. യു.എ.ഇയിൽ കഴിഞ്ഞ വർഷമാണ്​ മിഷേൽ അറസ്​റ്റിലാകുന്നത്​. കുറ്റവാളിയെ ഇന്ത്യക്ക്​ കൈമാറാനുള്ള നടപടികൾ നടന്നു കൊണ്ടിരിക്കുകയായിരുന്നു. ഹെലികോപ്​റ്റർ കരാർ അഴിമതിക്ക്​ കൈക്കൂലി നൽകുന്നതിന്​ ഇടനിലക്കാരനായി നിന്നത്​ ക്രിസ്​റ്റ്യൻ മിഷേലാണ്​.

രാഷ്​ട്രപതി, പ്രധാനമന്ത്രി, മുൻ പ്രധാനമന്ത്രിമാർ തുടങ്ങി വി.വി.​െഎ.പികൾക്ക്​ സഞ്ചരിക്കുന്നതിനായി 12 ആഢംഭര ഹെലികോപ്​റ്ററുകൾ വാങ്ങാനുള്ള കരാറിൽ അഴിമതി കാണിച്ചുവെന്നതാണ്​ കേസ്​. 2007ലാണ്​ സംഭവം. 3600 കോ​ടി രൂ​പ​യു​ടെ ക​രാ​റി​ൽ 450 കോ​ടി​യു​ടെ അ​ഴി​മ​തി ന​ട​ന്നു​വെ​ന്നാ​ണ് ആരോപണം.

അ​ഗ​സ്ത​യു​ടെ മാ​തൃ​കമ്പനി​യാ​യ ഫി​ൻ​മെ​ക്കാ​നി​ക്ക എ​ന്ന ഇ​റ്റാ​ലി​യ​ൻ ക​മ്പ​നി അ​ധി​കൃ​ത​ർ ഹെ​ലി​കോ​പ്റ്റ​ർ ക​രാ​ർ ല​ഭി​ക്കാ​ൻ ഇ​ന്ത്യ​യി​ലെ കോ​ണ്‍​ഗ്ര​സ് നേ​താ​ക്കൾക്കും വ്യോ​മ​സേ​നാ ഉ​ദ്യോ​ഗ​സ്ഥ​ർക്കും കൈക്കൂലി നൽകിയെന്നും ഇ​തി​ന് ഇ​ട​നി​ല നി​ന്ന​ത് മി​ഷേ​ലാ​ണെ​ന്നുമാണ്​ കേസ്​.

ആരോപണത്തെ തുടർന്ന്​ 2013ൽ ​കേ​ന്ദ്രം ഹെലികോപ്​റ്റർ ക​രാ​ർ റ​ദ്ദു ചെ​യ്തി​രു​ന്നു. കൈക്കൂലി വാങ്ങിയതിനെ തുടർന്ന്​ മുൻ വ്യോമസേനാ മേധാവി എസ്​.പി ത്യാഗി 2016ൽ അറസ്റ്റിലായിരുന്നു.