Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightപാസ്വാ​െൻറ മരണത്തിൽ...

പാസ്വാ​െൻറ മരണത്തിൽ ചിരാഗിന്​ പങ്കുണ്ടെന്ന്; മോദിക്ക്​ മുൻമുഖ്യമന്ത്രിയുടെ കത്ത്​

text_fields
bookmark_border
പാസ്വാ​െൻറ മരണത്തിൽ ചിരാഗിന്​ പങ്കുണ്ടെന്ന്; മോദിക്ക്​ മുൻമുഖ്യമന്ത്രിയുടെ കത്ത്​
cancel

പട്​ന: ലോക്​ ജനശക്​തി പാർട്ടി സ്ഥാപകനും കേന്ദ്രമന്ത്രിയുമായിരുന്ന രാംവിലാസ്​ പാസ്വാ​െൻറ മരണം അന്വേഷിക്കണമെന്നാവശ്യപ്പെട്ട്​ പ്രധാനമന്ത്രി നരേന്ദ്ര മോദിക്ക്​ എൻ.ഡി.എ ഘടകകക്ഷിയായ ഹിന്ദുസ്ഥാൻ അവാം മോർച്ചയുടെ കത്ത്​.

മരണത്തിൽ പാസ്വാ​െൻറ മകനും നിലവിൽ എൽ.ജെ.പിയുടെ മേധാവിയുമായ ചിരാഗ്​ പാസ്വാ​ന്​ പങ്കുള്ളതായി സൂചിപ്പിച്ച്​ മോർച്ച അധ്യക്ഷനും ബിഹാർ മുൻ മുഖ്യമന്ത്രിയുമായ ജിതിൻ റാം മാഞ്​ജിയാണ്​ കത്തയച്ചത്​.

ചികിത്സയിലുള്ള കേന്ദ്രമന്ത്രിയുടെ ആരോഗ്യാവസ്ഥ സംബന്ധിച്ച ബുള്ളറ്റിൻ ഇറക്കാതിരുന്നത്​ സംശയാസ്​പദമാണെന്ന്​ കത്തിൽ ആരോപിക്കുന്നു. പാസ്വാ​െൻറ മരണശേഷം വിഡിയോ സന്ദേശം തയാറാക്കവെ ചിരികളികളോടെയാണ്​ ചിരാഗിനെ കാണപ്പെട്ടതെന്നും പാർട്ടി ചൂണ്ടിക്കാട്ടുന്നു.

എന്നാൽ, പിതാവ്​ ഗുരുതരാവസ്ഥയിലാണെന്ന്​ അറിയിച്ചിട്ടും സന്ദർശിക്കാൻ താൽപര്യം കാണിക്കാതിരുന്ന മാഞ്​ജിയാണ്​ ഇപ്പോൾ ആക്ഷേപവുമായി വന്നിരിക്കുന്നതെന്ന​ും മരിച്ചുപോയ മനുഷ്യ​െൻറ പേരിൽ രാഷ്​ട്രീയം കളിക്കാൻ ശ്രമിക്കുകയാണെന്നും ചിരാഗ്​ പ്രതികരിച്ചു.​

കേന്ദ്രത്തിൽ എൻ.ഡി.എക്കൊപ്പമാണെങ്കിലും ബിഹാർ നിയമസഭ തെരഞ്ഞെടുപ്പിൽ ബി.ജെ.പി ഒഴികെയുള്ള എൻ.ഡി.എ കക്ഷികൾക്കെതിരെ എൽ.ജെ.പി മത്സരിക്കുന്നുണ്ട്​.

Show Full Article
TAGS:Chirag Paswan NDA Ramvilas paswan 
Next Story