Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഇന്ത്യയിൽ കുടുങ്ങിയ...

ഇന്ത്യയിൽ കുടുങ്ങിയ ചൈനീസ്​ സൈനികൻ അഞ്ച്​ ദശകത്തിന്​ ശേഷം കുടുംബവുമായി  സ്വദേശത്തേക്ക്​

text_fields
bookmark_border
ഇന്ത്യയിൽ കുടുങ്ങിയ ചൈനീസ്​ സൈനികൻ അഞ്ച്​ ദശകത്തിന്​ ശേഷം കുടുംബവുമായി  സ്വദേശത്തേക്ക്​
cancel

ബീജിങ്​: അമ്പത്​ വർഷമായി ഇന്ത്യയിൽ കുടുങ്ങിയ ചൈനീസ്​ സൈനികൻ സ്വദേശത്തേക്ക്​. 1962ലെ ഇന്ത്യ–ചൈന യുദ്ധ സമയത്ത്​ ഇന്ത്യയി​ലെത്തിയ ചൈനീസ്​ സൈനികനായ വാങ്​ കീയാണ്​ അമ്പത്​ വർഷത്തിന്​ ശേഷം ജന്മനാട്ടിൽ തിരിച്ചെത്തിയത്​.

1960തലാണ്​ വാങ്​ കീ ചൈനീസ്​ സൈന്യത്തിൽ ചേർന്നത്​. 1962ലെ യുദ്ധത്തി​​െൻറ സമയത്ത്​ ഇന്ത്യയിലെത്തിയ വാങ്​ ഇന്ത്യൻ സൈന്യത്തി​​െൻറ പിടിയിലാവുകയായിരുന്നു. 1969 വരെ ഇന്ത്യയിലേക്ക്​ അതിക്രമിച്ച്​ കയറിയ കുറ്റത്തിന്​ അദ്ദേഹം ജയിലിലായിരുന്നു. പിന്നീട്​ ജയിലിൽ മോചിതനായ അദ്ദേഹം ഇന്ത്യക്കാരിയായ സുശീലയെ വിവാഹം ചെയ്​ത്​ മധ്യപ്രദേശിലെ ബാൽഗട്ട്​ ജില്ലയിലെ ടിരോഡി  ഗ്രാമത്തിൽ താമസമാക്കി. 

 എന്നാൽ പിന്നീട്​ വാങ്​ കീക്ക്​​ ജന്മനാട്ടിലേക്ക്​ തിരിച്ച്​ പോവാൻ സാധിച്ചില്ല. ഇപ്പോൾ ഇരു രാജ്യങ്ങളിലെ സർക്കാരുകളുടെ ഇടപെടലി​​െൻറ ഫലമായാണ്​ അദ്ദേഹത്തിന്​ സ്വദേശത്തേക്ക്​ പോകാനുള്ള വഴിയൊരുങ്ങിയത്​.വികാര നിർഭരമായ കൂടിച്ചേരലാണ്​ ഇതെന്ന്​ ​ ചൈനയിലെത്തിയതിന്​ ശേഷം വാങ്​ കീ പ്രതികരിച്ചു. അദ്ദേഹത്തോടപ്പം മകൻ വിഷ്​ണു വാങും മരുമകൾ നേഹ, പേരമകൾ കനാക്​ വാങ്​  എന്നിവരും ഉണ്ടായിരുന്നു. എന്നാൽ ഭാര്യ സുശീല ഇന്ത്യയിൽ തങ്ങുകയായിരുന്നു.

സൈനിക​​െൻറ ദുരവസ്​ഥ വിവരിച്ച്​ കൊണ്ട്​ നിരവധി മാധ്യമങ്ങൾ വാർത്തകൾ നൽകിയിരുന്നു. 2013 ഫെബ്രുവരിയിൽ ചൈന വാങിന്​ പാസ്​പോർട്ടും ജീവിതാംശമായി മാസം നിശ്​ചിത തുകയും ചൈനീസ്​ സർക്കാർ അനുവദിച്ചിരുന്നു. ഇൗയടുത്ത്​ ബി.ബി.സി നൽകിയ വാർത്തയെ ചൈനീസ്​ സോഷ്യൽ മീഡിയ എറ്റെടുത്തതോടെയാണ്​ വാങ്​ കീക്ക്​ നാട്ടിലെത്താനുള്ള വഴിതെളിഞ്ഞത്​.

പിന്നീട്​ ഇന്ത്യയും ചൈനയും തമ്മിൽ നടത്തിയ ഉദ്യോഗസ്ഥതല ചർച്ചക്കൊടുവിൽ വാങിനും കുടുംബത്തിനും​ ഫാമിലി വിസ അനുവദിക്കാൻ ചൈനീസ്​ സർക്കാർ തയ്യാറായി​. ഇതോടെയാണ്​ വാങിന്​ വീണ്ടും നാട്ടിലെത്താനുള്ള വഴിയൊരുങ്ങിയത്​. അതേ സമയം വാങ്​ കീ ആഗ്രഹിക്കുന്നെങ്കിൽ ഇന്ത്യയിലേക്ക്​ തിരിച്ച്​ വരാനുള്ള റീ എൻട്രി വിസ ഇന്ത്യൻ സർക്കാർ അനുവദിച്ചു.
 

Show Full Article
TAGS:chinese soldier 5 decades 
News Summary - Chinese soldier who crossed over to fly back home after 5 decades
Next Story