Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightലഡാക്ക്​ അതിർത്തിയിൽ...

ലഡാക്ക്​ അതിർത്തിയിൽ ​സൈനിക രേഖകളുമായി ചൈനീസ്​ സുരക്ഷാ ഉദ്യോഗസ്ഥൻ പിടിയിൽ

text_fields
bookmark_border
ലഡാക്ക്​ അതിർത്തിയിൽ ​സൈനിക രേഖകളുമായി ചൈനീസ്​ സുരക്ഷാ ഉദ്യോഗസ്ഥൻ പിടിയിൽ
cancel

ന്യൂഡൽഹി: ലഡാക്കിലെ അതിർത്തിക്ക് സമീപം സൈനിക രേഖകളുമായി ചൈനീസ് സൈനികനെ സുരക്ഷാ സേന പിടികൂടി. ചുമാർ-ഡെംചോക്ക് പ്രദേശത്ത്​ നിന്നാണ്​ സിവിൽ -സൈനിക രേഖകളുമായി ചൈനയുടെ പീപ്പിൾസ്​ ലിബറേഷൻ ആർമി സൈനികനെ പിടികൂടിയത്. ​ചൈനീസ്​ സേനാംഗം അതിർത്തി അറിയാതെ അബദ്ധത്തിൽ ഇന്ത്യൻ പ്രദേശത്ത് പ്രവേശിച്ചതായിരിക്കാമെന്ന്​​ സൈനിക വൃത്തങ്ങളെ ഉദ്ധരിച്ച്​ വാർത്താ ഏജൻസി റിപ്പോർട്ട്​ ചെയ്​തു.

കൃത്യമായ നടപടിക്രമങ്ങൾ പാലിച്ചതിന് ശേഷം നിലവിലുള്ള അനുസരിച്ച് അദ്ദേഹത്തെ ചൈനീസ് ആർമിയിലേക്ക് തിരിച്ചയക്കുമെന്ന് വൃത്തങ്ങൾ അറിയിച്ചു.

മെയ് മുതൽ ലഡാക്കിലെ യഥാർത്ഥ നിയന്ത്രണ രേഖയിൽ ഇന്ത്യ- ചൈനീസ്​ സൈനിക സംഘർഷം നിലനിൽക്കുകയാണ്​. ജൂണിൽ ഗാൽവാൻ വാലിയിൽ ചൈനീസ്​ സൈന്യം നടത്തിയ ആക്രമണത്തിൽ 20 ഇന്ത്യൻ സൈനികർ കൊല്ലപ്പെട്ടിരുന്നു. കഴിഞ്ഞ മാസം, പാങ്കോംഗ് ത്സോയിൽ മുന്നേറ്റം നടത്തിയ ചൈനീസ്​ സേനയെ തുരത്താൻ ഇന്ത്യൻ സൈന്യം ഒന്നിലധികം തവണ വായുവിൽ നിറയൊഴിച്ചിരുന്നു. തുടർന്ന്​ ചൈനീസ്​ സേനയും ​പ്രകോപനപരരമായ രീതിയിൽ വെടിയുതിർത്തിരുന്നു.

ഇന്ത്യ- ചൈന അതിർത്തി സംഘർഷം പരിഹരിക്കുന്നതിന് ഇരുരാജ്യങ്ങളും തമ്മിൽ നിരവധി തവണ സൈനിക, നയതന്ത്ര ചർച്ചകൾ നടന്നിട്ടുണ്ടെങ്കിലും സ്ഥിതിഗതികൾ പുനഃസ്ഥാപിക്കാനായിട്ടില്ല. അതിർത്തിയിൽ നിന്നും പിൻമാറുന്നതിനുള്ള കരാറുകൾ പാലിക്കാൻ ചൈന ഇതുവരെ സമ്മതിച്ചിട്ടില്ല.

Show Full Article
TAGS:India -china row Chinese Soldier Chinese army PLA 
Next Story