ചൈനീസ് വിദേശകാര്യ മന്ത്രിയുടെ സന്ദർശനം: മോദിയെ കാണാൻ അനുമതി നൽകിയില്ലെന്ന്

ന്യൂഡൽഹി: ഇന്ത്യയിൽ സന്ദർശനം നടത്തിയ ചൈ​നീ​സ് വി​ദേ​ശ​കാ​ര്യ മ​ന്ത്രി വാ​ങ് യി​ക്ക് പ്രധാനമന്ത്രി നരേന്ദ്ര മോദിയെ കാണാൻ അനുമതി നൽകിയില്ലെന്ന് ദി ഇന്ത്യൻ എക്സ്പ്രസ് റിപ്പോർട്ട് ചെയ്യുന്നു. മോദിയുടെ ഉത്തർ പ്രദേശ് യാത്ര മുൻനിർത്തി തിരക്കായതിനാലാണ് അനുമതി നിഷേധിച്ചതെന്നാണ് വിവരം.

അതേസമയം, പ​ര​സ്പ​ര ബ​ന്ധം പ​ഴ​യ​പ​ടി​യാ​ക്കാ​നു​ള്ള ശ്ര​മ​ത്തി​ൽ ഇ​ന്ത്യ, ചൈ​ന വി​ദേ​ശ​കാ​ര്യ മ​ന്ത്രി​മാ​ർ ഡ​ൽ​ഹി​യി​ൽ ഇന്നലെ ന​ട​ത്തി​യ ച​ർ​ച്ച കാ​ര്യ​മാ​യ ഫ​ലം ചെ​യ്തിട്ടി​ല്ല. അ​തി​ർ​ത്തി​യി​ൽ അ​സാ​ധാ​ര​ണ സാ​ഹ​ച​ര്യം നി​ല​നി​ന്നാ​ൽ ബ​ന്ധം സാ​ധാ​ര​ണ നി​ല​യി​ലാ​വി​ല്ലെ​ന്ന നി​ല​പാ​ട് ചൈ​നീ​സ് വി​ദേ​ശ​കാ​ര്യ മ​ന്ത്രി വാ​ങ് യി​യെ വി​ദേ​ശ​കാ​ര്യ മ​ന്ത്രി എ​സ്. ജ​യ്ശ​ങ്ക​ർ അ​റി​യി​ച്ചു. എ​ന്നാ​ൽ അ​തി​ർ​ത്തി പ്ര​ശ്ന​വും വി​ക​സ​ന വി​ഷ​യ​വും വെ​​വ്വേ​റെ കാ​ണ​ണ​മെ​ന്ന വാ​ദം ചൈ​ന മു​ന്നോ​ട്ടു വെ​ച്ചു. കൂ​ടി​ക്കാ​ഴ്ച​ക്ക് ശേ​ഷം ചൈ​ന പു​റ​ത്തി​റ​ക്കി​യ പ്ര​സ്താ​വ​ന​യി​ൽ ല​ഡാ​ക്ക് സം​ഘ​ർ​ഷം പ​രാ​മ​ർ​ശ വി​ഷ​യം ത​ന്നെ​യാ​യി​ല്ല.

2020 മേ​യി​ൽ ല​ഡാ​ക്കി​ൽ ഇ​രു സൈ​ന്യ​ങ്ങ​ളും ഏ​റ്റു​മു​ട്ടി​യതോ​ടെ രൂ​പ​പ്പെ​ട്ട സം​ഘ​ർ​ഷാ​വ​സ്ഥ​ക്കു ശേ​ഷം ഇ​താ​ദ്യ​മാ​യാ​ണ് ചൈ​നീ​സ് ഭ​ര​ണ​പ്ര​തി​നി​ധി ഇ​ന്ത്യ​യി​ൽ എ​ത്തി​യ​ത്. പാ​കി​സ്താ​നും അ​ഫ്ഗാ​നി​സ്താ​നും സ​ന്ദ​ർ​ശി​ച്ചായിരുന്നു ഇന്ത്യയിലെത്തിയത്. കഴിഞ്ഞ ദിവസം നേപ്പാളിലേക്ക് മടങ്ങുകയും ചെയ്തു. ഈ ​വ​ർ​ഷം ബീ​ജി​ങ്ങി​ൽ ന​ട​ക്കേ​ണ്ട ബ്രി​ക്സ് രാ​ഷ്ട്ര നേ​താ​ക്ക​ളു​ടെ യോ​ഗ​ത്തി​ൽ പ്ര​ധാ​ന​മ​ന്ത്രി ന​രേ​​ന്ദ്ര​മോ​ദി​യും പ​​ങ്കെ​ടു​ക്കേ​ണ്ടി​യി​രി​ക്കെ, ബ​ന്ധം മെ​ച്ച​പ്പെ​ടു​ത്താ​നു​ള്ള ശ്ര​മ​ങ്ങ​ളി​ലാ​ണ് ഇ​രു​രാ​ജ്യ​ങ്ങ​ളും.