ചൈനീസ്​ സേനാ പിന്മാറ്റം; കേന്ദ്രത്തിന്​ മറുപടിയില്ല

ന്യൂ​ഡ​ല്‍ഹി: അ​തി​ര്‍ത്തി​യി​ല്‍ സം​ഭ​വി​ച്ച​ത് രാ​ജ്യ​ത്തോ​ട് പ​റ​യ​ണ​മെ​ന്ന് പ്ര​തി​പ​ക്ഷം ആ​വ​ര്‍ത്തി​ച്ച് ആ​വ​ശ്യ​പ്പെ​ടു​ന്ന​തി​നി​ടെ സം​ഘ​ര്‍ഷ പ്ര​ദേ​ശ​ങ്ങ​ളി​ല്‍ നി​ന്ന് ചൈ​നീ​സ് സേ​ന പി​ന്മാ​റി​യോ എ​ന്ന ചോ​ദ്യ​ത്തി​ന് കേ​ന്ദ്ര സ​ർ​ക്കാ​ർ മ​റു​പ​ടി ന​ല്‍കി​യി​ല്ല. ചൈ​ന ഇ​ന്ത്യ​ന്‍ പ്ര​ദേ​ശ​ത്ത് ക​ട​ന്നു​ക​യ​റി​യെ​ന്ന വാ​ര്‍ത്ത​ക​ള്‍ക്കു​ശേ​ഷം പി​ന്മാ​റി​യെ​ന്നു പ​റ​യാ​ന്‍ ചൈ​ന​യും ഇ​ന്ത്യ​യും ഇ​തു​വ​രേ​ക്കും ത​യാ​റാ​യി​ട്ടി​ല്ല.  

സം​ഘ​ര്‍ഷ പ്ര​ദേ​ശ​ങ്ങ​ളി​ല്‍നി​ന്ന് ഇ​ന്ത്യ​ന്‍, ചൈ​നീ​സ് സൈ​ന്യ​ങ്ങ​ള്‍ പ​ഴ​യ സ്ഥി​തി​യി​ലേ​ക്ക് പി​ന്മാ​റി​യോ എ​ന്ന ചോ​ദ്യ​ത്തോ​ട്, വ്യാ​ഴാ​ഴ്ച മാ​ധ്യ​മ​ങ്ങ​ളോ​ട് സം​സാ​രി​ച്ച കേ​ന്ദ്ര വി​ദേ​ശ മ​ന്ത്രാ​ല​യ വ​ക്താ​വ് അ​നു​രാ​ഗ് ശ്രീ​വാ​സ്ത​വ പ്ര​തി​ക​രി​ച്ചി​ല്ല. ജൂ​ണ്‍ ആ​റി​ന് ഇ​രു രാ​ജ്യ​ങ്ങ​ളു​ടെ​യും ക​മാ​ന്‍ഡ​ര്‍മാ​ർ ത​മ്മി​ൽ ച​ര്‍ച്ച ന​ട​ന്നി​രു​ന്നു. 

എ​ത്ര​യും വേ​ഗം പ്ര​ശ്ന​ത്തി​ന് പ​രി​ഹാ​രം വേ​ണ​മെ​ന്ന് ഇ​രു​കൂ​ട്ട​രും സ​മ്മ​തി​ച്ച​താ​യി അ​നു​രാ​ഗ് ശ്രീ​വാ​സ്ത​വ പ​റ​ഞ്ഞു. അ​തി​ര്‍ത്തി മേ​ഖ​ല​ക​ളി​ല്‍ സ​മാ​ധാ​ന​വും സ്വ​സ്ഥ​ത​യും ഉ​റ​പ്പു​വ​രു​ത്തു​ന്ന ത​ര​ത്തി​ല്‍ ഇ​രു​രാ​ജ്യ​ങ്ങ​ളു​ടെ​യും നേ​താ​ക്ക​ള്‍ ന​ല്‍കു​ന്ന മാ​ര്‍ഗ​നി​ര്‍ദേ​ശ​മ​നു​സ​രി​ച്ചാ​കും അ​ത്. ഇ​ന്ത്യ-​ചൈ​ന ഉ​ഭ​യ​ക​ക്ഷി ബ​ന്ധ​ങ്ങ​ളു​ടെ മു​ന്നോ​ട്ടു​ള്ള വി​കാ​സ​ത്തി​ന് ഇ​ത് അ​നി​വാ​ര്യ​മാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ര്‍ത്തു.

സം​ഘ​ര്‍ഷ​ബാ​ധി​ത​മ​ല്ലാ​ത്ത ഗ​ല്‍വ​ന്‍ താ​ഴ്വ​ര​യി​ലെ 14, 15 പോ​യ​ൻ​റു​ക​ളി​ല്‍ നി​ന്നും​ ഹോ​ട്ട് സ്പ്രി​ങ്​ മേ​ഖ​ല​യി​ല്‍ നി​ന്നും ഇ​രു രാ​ജ്യ​ങ്ങ​ളു​ടെ​യും സേ​ന​ക​ള്‍ പൂ​ര്‍വ​സ്​​ഥാ​ന​ത്തേ​ക്ക്​ പി​ന്മാ​റി​യി​ട്ടു​ണ്ടെ​ങ്കി​ലും സം​ഘ​ര്‍ഷ​മു​ണ്ടാ​യ സ്ഥ​ല​ങ്ങ​ളി​ല്‍ ഇ​രു​കൂ​ട്ട​രും പി​ന്മാ​റി​യി​ട്ടി​ല്ല.