അരുണാചലിൽ നിന്നും കാണാതായ 17കാരനെ ചൈന ഇന്ത്യക്ക്​ കൈമാറി

ന്യൂഡൽഹി: അരുണാചലിൽ നിന്നും കാണാതായ 17കാരനെ ചൈനയുടെ പീപ്പിൾസ്​ ലിബറേഷൻ ആർമി ഇന്ത്യക്ക്​ കൈമാറി. ഒരാഴ്​ചക്ക്​ ശേഷമാണ്​ അരുണാചൽ സ്വദേശിയായ മിറം തരണിനെ ചൈന ഇന്ത്യക്ക്​ കൈമാറിയത്​. മെഡിക്കൽ പരിശോധന ഉൾപ്പടെയുള്ള എല്ലാനടപടികളും പൂർത്തിയാക്കിയാണ്​ തരണിനെ ഏറ്റുവാങ്ങിയതെന്ന്​ കേന്ദ്രമന്ത്രി കിരൺ റിജിജു പറഞ്ഞു.

അ​പ്പ​ർ സി​യാ​ങ്​ ജി​ല്ല​യി​ൽ​നി​ന്ന്​ ഇൗ ​മാ​സം 18ന്​ ​ ​ബാ​ല​നെ ത​ട്ടി​ക്കൊ​ണ്ടു​പോ​യെ​ന്നാ​ണ്​ അ​രു​ണാ​ച​ൽ പ്ര​ദേ​ശി​ലെ എം.​പി ത​പീ​ർ ഗാ​വോ ആ​രോ​പി​ച്ച​ത്. ഇ​ന്ത്യ​ൻ അ​ധി​കൃ​ത​ർ ചൈ​ന​യു​മാ​യി ബ​ന്ധ​പ്പെ​ട്ട​തി​നെ തു​ട​ർ​ന്ന്​ കു​ട്ടി പി.​എ​ൽ.​എ​യു​ടെ ക​സ്റ്റ​ഡി​യി​ലു​ണ്ടെ​ന്ന വി​വ​രം ല​ഭി​ച്ചു. അ​തേ​സ​മ​യം, അ​തി​ർ​ത്തി​യി​ൽ കു​ട്ടി പി​ടി​യി​ലാ​യ വി​വ​രം അ​റി​യി​ല്ലെ​ന്നാ​യി​രു​ന്നു ജ​നു​വ​രി 20ന്​ ​ചൈ​ന​യു​ടെ വി​ദേ​ശ​കാ​ര്യ മ​ന്ത്രാ​ല​യം പ്ര​തി​ക​രി​ച്ച​ത്.

മി​റം ത​ര​ണി​ന്‍റെ സു​ഹൃ​ത്ത്​ ജോ​ണി യൈ​യി​ങ്​ ആ​ണ്​ മി​റ​മി​നെ ത​ട്ടി​ക്കൊ​ണ്ടു​പോ​യ വി​വ​രം ആ​ദ്യം അ​ധി​കൃ​ത​രെ അ​റി​യി​ച്ച​ത്. സാ​ങ്​​പൊ ന​ദി അ​രു​ണാ​ച​ലി​ലേ​ക്ക്​ പ്ര​വേ​ശി​ക്കു​ന്ന ലു​ങ്​​ത ജോ​ർ മേ​ഖ​ല​യി​ൽ​നി​ന്നാ​ണ്​ കു​ട്ടി​യെ പി​ടി​ച്ചു​കൊ​ണ്ടു​പോയെന്ന റിപ്പോർട്ടുകളാണ്​ നേരത്തെ പുറത്ത്​ വന്നത്​. 2020 സെ​പ്​​റ്റം​ബ​റി​ൽ അ​രു​ണാ​ച​ലി​ലെ അ​പ്പ​ർ സു​ബാ​ൻ​സി​രി ജി​ല്ല​യി​ൽ​നി​ന്ന് അ​ഞ്ച്​ യു​വാ​ക്ക​ളെ പി.​എ​ൽ.​എ ത​ട്ടി​ക്കൊ​ണ്ടു​പോ​യി​രു​ന്നു