ലഡാക്കിൽ സമ്പൂർണ പിന്മാറ്റം: മോസ്​കോയിൽ വാങ്​ യി- ജയ്​ശങ്കർ നിർണായക കൂടിക്കാഴ്​ച

ന്യൂഡൽഹി: കിഴക്കൻ ലഡാക്കിലെ സൈനിക വിന്യാസത്തെ തുടർന്ന്​ നിലനിൽക്കുന്ന സംഘർഷം പരിഹരിക്കാൻ നയതന്ത്ര ചർച്ചക്ക്​ തയാറായി ചൈന.

ചൈനീസ് സ്റ്റേറ്റ് കൗൺസിലറും വിദേശകാര്യമന്ത്രിയുമായ വാങ് യും ഇന്ത്യൻ വിദേശകാര്യമന്ത്രി എസ്​.ജയ്​ശങ്കറു​ം സെപ്​തംബർ 10ന്​ മോസ്​കോയിൽ വെച്ച്​ കൂടിക്കാഴ്​ച നടത്തും. റഷ്യൻ ഫെഡറേഷൻ ആതിഥേയത്വം വഹിക്കുന്ന ഷാങ്ഹായ് കോർപറേഷൻ ഓർഗനൈസേഷൻെറ (എസ്‌.സി.‌ഒ) ഭാഗമായണ്​ മന്ത്രിതല നയതന്ത്രചർച്ച നടക്കുക.

​െസപ്​തംബർ ഒമ്പതിന്​ ചൈന ഡിവിഷൻ ചുമതലയുള്ള ഉദ്യോഗസ്ഥർക്കൊപ്പം മോസ്​കോയിലെത്തുന്ന ജയ്‌ശങ്കർ അടുത്ത ദിവസം വാങ് യിയുമായി ലഡാക്കിലെ അതിർത്തി പ്രശ്​നം ചർച്ച ചെയ്യും. 1993 മുതൽ ഉഭയകക്ഷി കരാറുകളും പ്രോട്ടോക്കോളുകളും ചൈന പാലിക്കണമെന്ന് അടിവരയിട്ട്​ തന്നെ ലഡാക്കിൽ നിന്നും സമ്പൂർണ പിൻമാറ്റവും അതിർത്തി പ്രദേശത്തെ സൈനിക വിന്യാസത്തി​െൻറ തീവ്രത കുറക്കണമെന്നും ഇന്ത്യ ആവശ്യപ്പെടും.

സെപ്റ്റംബർ അഞ്ചിന് കേന്ദ്ര പ്രതിരോധമന്ത്രി രാജ്‌നാഥ് സിങ്​ ഇതേ വേദിയിൽ വെച്ച്​ ചൈനീസ് പ്രതിരോധ മന്ത്രി ജനറൽ വെയ് ഫെങ്​ഗുമായി കൂടിക്കാഴ്​ച നടത്തിയെങ്കിലും ഇരുപക്ഷവും തങ്ങളുടെ ഒൗദ്യോഗിക നിലപാടുകളിൽ ഉറച്ചു നിന്നതോടെ ചർച്ച ഫലം കണ്ടില്ല. ആഗസ്​റ്റ്​ 29-30 തീയതികളിൽ പാംഗോംഗ് ത്സോയുടെ തെക്ക് ഭാഗത്ത് ചൈനീസ്​ ​ൈസെന്യം നടത്തിയ ആക്രമണത്തെ പ്രതിരോധിക്കുകയും യഥാർഥ നിയന്ത്രണ രേഖ മറികടക്കാൻ ചൈനീസ്​ സേനയെ അനുവദിക്കാതെ റെസാങ്​ ലാ റിഡ്ജ്​ലൈൻ പിടിച്ചെടക്കുകയും ശേഷമാണ് കൂടിക്കാഴ്ച നടന്നത്.

തർക്കത്തിലുള്ള 3488 കിലോമീറ്റർ യഥാർഥ നിയന്ത്രണ രേഖ (എൽ‌.എ.സി)യിൽ മിനിമം സേനയെ നിലനിർത്തുന്നതുൾപ്പെടെയുള്ള ഉഭയകക്ഷി കരാറുകൾ വിട്ടുവീഴ്​ചയില്ലാതെ നടപ്പാക്കുക, പാംഗോംഗ് ത്സോയുടെ വടക്കൻ തീരത്തുള്ള ഗോഗ്ര-ഹോട്ട് സ്പ്രിംങ്​, ഫിംഗർ 4 എന്നിവിടങ്ങളിലെ സ്ഥിതി പുനഃസ്ഥാപിക്കണമെന്നും ജയ്​ശങ്കർ ചൈനീസ്​ വിദേശകാര്യ മന്ത്രിയോട്​ ആവശ്യപ്പെടുമെന്നാണ്​ റിപ്പോർട്ട്​.