അരുണാചൽ അതിർത്തിക്കു​ സമീപം ചൈന പുതിയ റോഡ്​ തുറന്നു

ബെയ്​ജിങ്: തിബത്തൻ തലസ്​ഥാനമായ ലാസയിൽനിന്ന്​ മറ്റൊരു നഗരമായ നിൻഗ്​ചിയിലേക്ക്​ ചൈന പുതിയ എക്​സ്​പ്രസ്​ ഹൈവേ തുറന്നു. അരുണാചൽപ്രദേശ്​ അതിർത്തിക്കു​ സമീപത്തുകൂടി കടന്നുപോകുന്ന 409 കിലോമീറ്റർ ദൈർഘ്യമുള്ള റോഡിന്​ 5.8 ബില്യൺ ​േഡാളറാണ്​ നിർമാണ ചെലവ്​. 
വിനോദസഞ്ചാരികളെ ആകർഷിക്കുന്ന രണ്ടു നഗരങ്ങളെ ബന്ധിപ്പിക്കുന്ന റോഡിലൂടെ യാത്രചെയ്യുന്നവർ ചുങ്കം നൽകേണ്ടതി​െല്ലന്ന്​ ചൈനീസ്​ ഒൗദ്യോഗിക വാർത്ത ഏജൻസി റിപ്പോർട്ട് ​ചെയ്​തു. ഇതുവഴി ട്രക്കുകളുടെ യാത്ര താൽക്കാലികമായി വിലക്കിയിട്ടുണ്ട്​. 

പുതിയ റോഡ്​ നിർമിച്ചതോടെ ലാസയിൽനിന്ന്​ നിൻഗ്​ചിയിലേക്കുള്ള​ യാത്രാസമയം എട്ടു മണിക്കൂറിൽനിന്ന്​ അഞ്ചു മണിക്കൂറായി ചുരുങ്ങും. സൈനിക ആവശ്യങ്ങൾകൂടി കണക്കിലെടുത്താണ്​ ചൈന തിബത്തിൽ റോഡുകൾ നിർമിക്കുന്നത്​. സൈനികർക്ക്​ എളുപ്പത്തിൽ സഞ്ചരിക്കാനും ആയുധങ്ങൾ പെ​െട്ടന്ന്​ എത്തിക്കാനും പുതിയ റോഡുകൾ ചൈനക്ക്​ സഹായകമാകും. തിബത്തിൽ ചൈന വൻതോതിൽ നടത്തുന്ന നിർമാണപ്രവർത്തനങ്ങൾ ഇന്ത്യയുടെ നിർമാണപ്രവർത്തനങ്ങളും ത്വരിതപ്പെടുത്താൻ ഇടയാക്കുമെന്നാണ്​ സൂചന. 

ജൂണിൽ സിക്കിമിലെ ദോക്​ലാമിൽ ഇന്ത്യയും ചൈനയും തമ്മിൽ തുടങ്ങിയ സംഘർഷം ആഗസ്​റ്റ്​ എട്ടിനാണ്​ അവസാനിച്ചത്​. ഇവിടെ ചൈന റോഡ്​ നിർമിക്കുന്നത്​ ഇന്ത്യൻ സൈന്യം തടഞ്ഞതോടെയാണ്​ പ്രശ്​നം ഉടലെടുത്തത്​.