ലഡാകിൽ സംഘർഷ സാധ്യത: പാങോങ്​ സൊ തടാകത്തിൽ ചൈനീസ്​ പട്രോളിങ്​ ബോട്ടുകൾ

ലഡാക്​: ഇന്ത്യ-ചൈന നിയന്ത്രണ രേഖയിലുള്ള കിഴക്കൻ ലഡാകിലെ പാ​​ങോങ്​ സൊ തടാകത്തിൽ ചൈന കൂടുതൽ പട്രോളിങ്​ ബോട്ടുകൾ വിന്യസിച്ചു. ഇതോടെ ഈ മേഖലയിൽ സംഘർഷ സാധ്യത ഉടലെടുത്തു. നേരത്തെ, മൂന്ന്​ ബോട്ടുകളാണ്​ ഇവിടെയുണ്ടായിരുന്നത്​. അത്​ ഒമ്പതെണ്ണമാക്കിയാണ്​ ചൈന വർധിപ്പിച്ചിരിക്കുന്നത്​. 

ചൈനയുടെ നീക്കങ്ങൾ തടയാൻ ഇന്ത്യൻ സൈന്യവും ബോട്ടുകൾ വിന്യസിച്ചിട്ടുണ്ട്​. ഇന്ത്യൻ സൈനികരുടെ പട്രോളിങ്​ തടയാനും ചൈന ശ്രമിക്കുന്നുണ്ട്​. 1999ൽ കാർഗിൽ യുദ്ധത്തിൽ പാക് ​സൈന്യത്തെ തുരത്തിയ ശേഷം ഇന്ത്യൻ സൈന്യം ഇവിടെ കാൽനടയായാണ്​ പട്രോളിങ്​ നടത്തുന്നത്​. 

ഇവിടെ വാഹനങ്ങൾ കടന്നു പോകാൻ പാത നിർമിക്കാനുള്ള ഇന്ത്യൻ സൈനികരുടെ ശ്രമത്തെ ചൈന എതിർക്കുകയാണ്​. ഇവിടത്തെ യഥാർഥ നി​യന്ത്രണരേഖയെ ചൊല്ലി ഇരു രാജ്യങ്ങളും തർക്കം തുടരുകയാണ്​.