മാധ്യമ സ്വാതന്ത്ര്യത്തിന്‍റെ കിളിവാതിൽ ​പരസ്പരം കൊട്ടിയടച്ച്​ ചൈന, ഇന്ത്യ

ന്യൂ​ഡ​ൽ​ഹി: ലോ​ക​ത്ത്​ ഏ​റ്റ​വും കൂ​ടു​ത​ൽ ജ​ന​സം​ഖ്യ​യു​ള്ള ര​ണ്ട്​ രാ​ജ്യ​ങ്ങ​ൾ മാ​ധ്യ​മ പ്ര​വ​ർ​ത്ത​ന സ്വാ​ത​ന്ത്ര്യ​ത്തി​ന്‍റെ വാ​തി​ൽ പ​ര​സ്പ​രം കൊ​ട്ടി​യ​ട​ക്കു​ന്നു. ഏ​റ്റ​വും വ​ലി​യ ജ​നാ​ധി​പ​ത്യ രാ​ജ്യ​മാ​യ ഇ​ന്ത്യ​ക്ക്​ ചൈ​ന​യി​ൽ​നി​ന്നു​ള്ള മാ​ധ്യ​മ പ്ര​വ​ർ​ത്ത​ക​രെ വേ​ണ്ട. ഇ​ന്ത്യ​യി​ൽ​നി​ന്നു​ള്ള മാ​ധ്യ​മ പ്ര​വ​ർ​ത്ത​ക​രു​ടെ പ്ര​വ​ർ​ത്ത​നം ത​ങ്ങ​ളു​ടെ മ​ണ്ണി​ൽ വേ​ണ്ടെ​ന്ന്​ ചൈ​ന​യും തീ​രു​മാ​നി​ച്ചു. പ​രി​മി​ത മാ​ധ്യ​മ സ്വാ​ത​ന്ത്ര്യം മാ​ത്ര​മാ​ണ്​ അ​നു​വ​ദി​ച്ചി​ട്ടു​ള്ള​തെ​ങ്കി​ലും, ലോ​ക​​ത്ത്​ ഏ​റ്റ​വും വ​ലി​യ ര​ണ്ടാ​മ​ത്തെ സ​മ്പ​ദ്​​വ്യ​വ​സ്ഥ​കൂ​ടി​യാ​ണ്​ ചൈ​ന.

പ​ര​സ്പ​ര ബ​ന്ധ​ങ്ങ​ൾ മോ​ശ​മാ​യ​തി​ന്‍റെ പു​തി​യ പ​രി​ണ​തി​യാ​ണ്​ മാ​ധ്യ​മ പ്ര​വ​ർ​ത്ത​ക​ർ​ക്കു​ള്ള വി​ല​ക്ക്. ബെ​യ്​​ജി​ങ്ങി​ലു​ണ്ടാ​യി​രു​ന്ന ഇ​ന്ത്യ​ൻ മാ​ധ്യ​മ പ്ര​വ​ർ​ത്ത​ക​രു​ടെ വി​സ കാ​ലാ​വ​ധി നീ​ട്ടി​ക്കൊ​ടു​ക്കേ​ണ്ടെ​ന്ന്​ ​ചൈ​ന​യും, ഡ​ൽ​ഹി​യി​ലു​ണ്ടാ​യി​രു​ന്ന ചൈ​നീ​സ്​ മാ​ധ്യ​മ പ്ര​വ​ർ​ത്ത​ക​രു​ടെ വി​സ കാ​ലാ​വ​ധി നീ​ട്ടി​ക്കൊ​ടു​ക്കേ​ണ്ടെ​ന്ന്​ ഇ​ന്ത്യ​യും തീ​രു​മാ​നി​ക്കു​ക​യാ​യി​രു​ന്നു. അ​ത​നു​സ​രി​ച്ച്​ ബെ​യ്​​ജി​ങ്ങി​ലു​ള്ള അ​വ​സാ​ന​ത്തെ ഇ​ന്ത്യ​ൻ മാ​ധ്യ​മ പ്ര​വ​ർ​ത്ത​ക​​​ൻ ഈ ​മാ​സം ചൈ​ന വി​ട​ണം. ഇ​ന്ത്യ​യി​ൽ അ​വ​ശേ​ഷി​ക്കു​ന്ന​ത് ഒ​രാ​ൾ.

ഇ​തു​ സം​ഭ​വി​ക്കു​ന്ന​ത്​ ജി20 ​ഉ​ച്ച​കോ​ടി​ക്ക്​ ഇ​ന്ത്യ ത​യാ​റെ​ടു​ക്കു​ന്ന​തി​നി​ട​യി​ലാ​ണ്. ചൈ​നീ​സ്​ പ്ര​സി​ഡ​ന്‍റ്​ സി ​ജി​ൻ​പി​ങ്ങും സെ​പ്റ്റം​ബ​റി​ലെ ഉ​ച്ച​കോ​ടി​ക്ക്​ ഇ​ന്ത്യ​യി​ൽ എ​ത്തേ​ണ്ട​താ​ണ്. പു​റ​മെ, ഷാ​ങ്​​ഹാ​യ്​ സ​ഹ​ക​ര​ണ സം​ഭാ​ഷ​ണ​ങ്ങ​ളും ഇ​വി​ടെ ന​ട​ക്കാ​നി​രി​ക്കു​ക​യാ​ണ്.

14 ചൈ​നീ​സ്​ മാ​ധ്യ​മ പ്ര​വ​ർ​ത്ത​ക​ർ​ക്ക്​ ഇ​ന്ത്യ വി​സ​യും അ​ക്ര​ഡി​റ്റേ​ഷ​നും ന​ൽ​കി​വ​ന്നി​രു​ന്നു. അ​തി​ർ​ത്തി സാ​ഹ​ച​ര്യ​ങ്ങ​ൾ ക​ല​ങ്ങി​യ​തി​നൊ​ത്ത്​ ഇ​വ​രു​ടെ വി​സ പു​തു​ക്കാ​തെ​യാ​യി. അ​വ​ശേ​ഷി​ച്ച​ത്​ സി​ൻ​ഹു​വ ന്യൂ​സ്​ ഏ​ജ​ൻ​സി, ചൈ​ന സെ​ൻ​ട്ര​ൽ ടെ​ലി​വി​ഷ​ൻ എ​ന്നീ ര​ണ്ട്​ സ്ഥാ​പ​ന​ങ്ങ​ളു​ടെ മാ​ധ്യ​മ പ്ര​വ​ർ​ത്ത​ക​ർ മാ​ത്ര​മാ​യി​രു​ന്നു. അ​വ​ർ​ക്കും ഒ​ടു​വി​ൽ വി​സ കാ​ലാ​വ​ധി നീ​ട്ടി​ക്കൊ​ടു​ത്തി​ല്ല. യു​ദ്ധ​കാ​ല​ത്ത്​ ഇ​ത്ത​ര​ത്തി​ൽ മാ​ധ്യ​മ പ്ര​വ​ർ​ത്ത​ക​ർ​ക്ക്​ വി​ല​ക്കു​ണ്ടാ​യി​രു​ന്നെ​ങ്കി​ലും, എ​ൺ​പ​തു​ക​ൾ​ക്ക്​ ശേ​ഷം ചൈ​നീ​സ്​ മാ​ധ്യ​മ പ്ര​വ​ർ​ത്ത​ക​രു​ടെ എ​ണ്ണം ഇ​ന്ത്യ​യി​ൽ കു​റ​ഞ്ഞി​ട്ടി​ല്ല.

ഇ​ന്ത്യ​യി​ൽ ത​ങ്ങ​ളു​ടെ മാ​ധ്യ​മ പ്ര​വ​ർ​ത്ത​ക​രോ​ട്​ വി​​വേ​ച​ന​പ​ര​മാ​യി പെ​രു​മാ​റു​ന്നു​വെ​ന്ന വി​ശ​ദീ​ക​ര​ണ​ത്തോ​ടെ​യാ​ണ്​ ഒ​ടു​വി​ല​ത്തെ ഇ​ന്ത്യ​ൻ മാ​ധ്യ​മ പ്ര​വ​ർ​ത്ത​ക​നെ​യും ചൈ​ന പു​റ​ന്ത​ള്ളു​ന്ന​ത്. വാ​ർ​ത്ത ഏ​ജ​ൻ​സി​യാ​യ പ്ര​സ്​ ട്ര​സ്റ്റ്​ ഓ​ഫ്​ ഇ​ന്ത്യ​യു​ടെ ലേ​ഖ​ക​നാ​ണ്​ വി​സ പു​തു​ക്കി​ന​ൽ​കാ​ത്ത​ത്. ഈ ​വ​ർ​ഷാ​രം​ഭം നാ​ല്​ ഇ​ന്ത്യ​ൻ മാ​ധ്യ​മ പ്ര​വ​ർ​ത്ത​ക​ർ ബെ​യ്​​ജി​ങ്ങി​ൽ ഉ​ണ്ടാ​യി​രു​ന്നു. ക​ഴി​ഞ്ഞ​യാ​ഴ്ച​യാ​ണ്​ ദ ​ഹി​ന്ദു​സ്ഥാ​ൻ ടൈം​സ്​ ലേ​ഖ​ക​ൻ മ​ട​ങ്ങി​യ​ത്. പ്ര​സാ​ർ ഭാ​ര​തി, ദ ​ഹി​ന്ദു എ​ന്നി​വ​യു​ടെ ലേ​ഖ​ക​ർ​ക്ക്​ ഏ​പ്രി​ൽ മു​ത​ൽ വി​സ പു​തു​ക്കി​ന​ൽ​കി​യി​ല്ല.

ഇ​ന്ത്യ​യും പാ​കി​സ്താ​നും മാ​ധ്യ​മ പ്ര​വ​ർ​ത്ത​ക​ർ​ക്ക്​ വി​സ ന​ൽ​കു​ന്ന ഏ​ർ​പ്പാ​ട്​ വ​ർ​ഷ​ങ്ങ​ൾ​ക്കു മു​മ്പേ നി​ർ​ത്തി. പി.​ടി.​ഐ, ദ ​ഹി​ന്ദു എ​ന്നി​വ​യു​ടെ മാ​ധ്യ​മ പ്ര​വ​ർ​ത്ത​ക​രാ​ണ്​ പാ​കി​സ്താ​നി​ലു​ണ്ടാ​യി​രു​ന്ന​ത്. ബി.​ബി.​സി, അ​ൽ-​ജ​സീ​റ തു​ട​ങ്ങി​യ മാ​ധ്യ​മ സ്ഥാ​പ​ന​ങ്ങ​ൾ ഇ​ന്ത്യ​ൻ സ​ർ​ക്കാ​റി​ന്‍റെ രീ​തി​ക​ളി​ൽ അ​തൃ​പ്ത​രാ​ണ്. ലോ​ക മാ​ധ്യ​മ സ്വാ​ത​ന്ത്ര്യ സൂ​ചി​ക​യി​ൽ ഇ​ന്ത്യ​ക്ക്​ 180ൽ 161ാം ​സ്ഥാ​ന​മാ​ണ്. മാ​ധ്യ​മ പ്ര​വ​ർ​ത്ത​ന​ത്തി​ലും പൗ​ര​സ്വാ​ത​ന്ത്ര്യ​ത്തി​ലും ലോ​ക​ത്തു​ത​ന്നെ ഏ​റെ പി​ന്നി​ലാ​ണ്​ ചൈ​ന.