You are here

നിയന്ത്രണംവിട്ട കാർ നടപ്പാതയിലേക്ക് പാഞ്ഞുകയറി; ഏഴുപേര്‍ക്ക് പരിക്ക്​ video

14:27 PM
19/08/2019
car-accident-bengaluru

ബംഗളൂരു: അമിതവേഗത്തിലെത്തിയ കാര്‍ നിയന്ത്രണംവിട്ട് നടപ്പാതയിലേക്ക് പാഞ്ഞുകയറി ഏഴുപേര്‍ക്ക് പരിക്കേറ്റു. ഇതിൽ നാല്​ പേരുടെ നില ഗുരുതരമാണ്. ബംഗളൂരു എച്ച്.എസ്.ആര്‍. ലേ ഔട്ട്​ 14-ാം ക്രോസിൽ ഞായറാഴ്ച വൈകീട്ടായിരുന്നു അപകടം. തലനാരിഴക്കാണ്​ വൻദുരന്തം ഒഴിവായത്​. 

സംഭവവുമായി ബന്ധപ്പെട്ട്​ കാര്‍ ഡ്രൈവറെ പൊലീസ് അറസ്റ്റ് ചെയ്തു. അപകടം നടക്കുമ്പോൾ ഇയാൾ മദ്യലഹരിയിലായിരുന്നുവെന്നാണ്​ സൂചന. 

നടപ്പാതയിൽ നിൽക്കുന്ന ആളുകൾക്കിടയിലേക്ക്​ കാർ ഇടിച്ചുകയറുകയായിരുന്നു. റോഡരികിൽ നിര്‍ത്തിയിട്ട ഇരുചക്രവാഹനങ്ങളെയും മറ്റും ഇടിച്ചുതെറിപ്പിച്ചാണ്​ കാർ നടപ്പാതയിലേക്ക്​ പാഞ്ഞുകയറിയത്​. അപകടത്തിൻെറ സിസിടിവി ദൃശ്യങ്ങൾ പുറത്തായിട്ടുണ്ട്.

കഴിഞ്ഞ ആഴ്​ച ഒരു കന്നഡ നടനെ മദ്യലഹരിയിൽ നാലംഗ സംഘം കാറിൽ നിന്ന്​ പുറത്തേക്ക്​ വലിച്ചിഴച്ച്​മർദിച്ചിരുന്നു. സംഘത്തിൻെറ ബൈക്കിൽ കാർ ഉരസിയെന്ന്​ ആരോപിച്ചായിരുന്നു മർദനം.

Loading...
COMMENTS