Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightവീടകങ്ങളിൽ...

വീടകങ്ങളിൽ സുരക്ഷിതരല്ല കുരുന്നുകൾ; സഹായം തേടി​ എത്തിയത്​ 92,000 കോളുകൾ

text_fields
bookmark_border
വീടകങ്ങളിൽ സുരക്ഷിതരല്ല കുരുന്നുകൾ; സഹായം തേടി​ എത്തിയത്​ 92,000 കോളുകൾ
cancel

ന്യൂഡൽഹി: മഹാമാരിയെ ഭയന്ന്​ വീട്ടിലിരിക്കു​മ്പോൾ കുരുന്നുകൾ ഭയപ്പെടുന്നത്​ എന്തിനെയാണ്​? ​ലക്ഷത്തോളം കുട ്ടികൾ ​ കൊറോണയേക്കാൾ വീടകങ്ങളെ ഭയപ്പെടുന്നതായി ചൈൽഡ്​ ലൈൻ പറയുന്നു. അതിക്രമത്തിൽനിന്ന്​ സഹായം തേടി 11 ദിവസത് തിനിടെ 92,105 കുട്ടികളാണ്​ ചൈൽഡ്​ ലൈനിനെ വിളിച്ചത്​.

ഗാർഹികാതിക്രമത്തിൽനിന്നും ദുരുപയോഗത്തിൽനിന്നും സംരക്ഷ ണം ആവശ്യപ്പെട്ടാണ്​ കുട്ടികൾ വിളിച്ചതെന്ന്​ ചൈൽഡ് ലൈൻ ഇന്ത്യ ഡെപ്യൂട്ടി ഡയറക്ടർ ഹാർലീൻ വാലിയ അറിയിച്ചു. ഇത് ലോക്ഡൗൺ കാലത്ത്​ സ്ത്രീകൾക്ക് മാത്രമല്ല, കുട്ടികൾക്കും വീടുകൾ പീഡന കേന്ദ്രമായി മാറുന്നന്നതി​​​െൻറ സൂചനയാണ്.

മാർച്ച് 20 മുതൽ 31 വരെ രാജ്യത്തുടനീളം ചൈൽഡ്‌ലൈ​​െൻറ 1098 ഹെൽപ്പ് ലൈൻ നമ്പറിലേക്ക്​ 3.07 ലക്ഷം കോളുകളാണ്​ ലഭിച്ചത്​. 30 ശതമാനം കോളുകളും ദുരുപയോഗത്തിൽനിന്നും അക്രമത്തിൽ നിന്നും സംരക്ഷണം തേടിയാണെന്ന്​ ഹാർലീൻ വാലിയ പറഞ്ഞു. ലോക്ഡൗൺ തുടങ്ങിയതോടെ ദൈനംദിന കോളുകൾ 50% വർധിച്ചു. ചൈൽഡ്​ ലൈനിനെ അത്യാവശ്യ സേവനമായി പ്രഖ്യാപിച്ച്​ ലോക്ഡൗൺ ഇളവ്​ ബാധകമാക്കണമെന്ന്​ വാലിയ നിർദേശിച്ചു.

അതേസമയം, സ്​ത്രീകൾക്കെതിരായ ഗാർഹിക പീഡന പരാതികളും ദിനംപ്രതി വർധിക്കുന്നതായി ദേശീയ വനിതാ കമ്മീഷൻ ചെയർപേഴ്‌സൺ രേഖ ശർമ്മ പറഞ്ഞു. മാർച്ച് 24 മുതൽ ഏപ്രിൽ 1 വരെ സ്ത്രീകൾക്കെതിരായ വിവിധ കുറ്റകൃത്യങ്ങളുമായി ബന്ധപ്പെട്ട്​ 257 പരാതികൾ ലഭിച്ചു. ഇത്​ യഥാർത്ഥത്തിൽ നടക്കുന്ന പീഡനത്തി​ന്റെ കണക്കല്ലെന്നും ചെറിയൊരംശം മാത്രമായിരിക്കുമെന്നും ശർമ പറഞ്ഞു. ലോക്ഡൗണായതിനാൽ വീട്ടിൽതന്നെ നിൽക്കേണ്ടതും അക്രമിക്കുന്നവരുടെ നിരന്തരമായ സാന്നിധ്യം വീട്ടിൽ ഉണ്ടാകുമെന്നതും ഭയന്നാണ്​ പരാതിപ്പെടാൻ സ്ത്രീകൾ മടിക്കുന്നതെന്ന്​ ചെയർപേഴ്‌സൺ അഭിപ്രായപ്പെട്ടു.

Show Full Article
TAGS:childline covid 19 india news 
News Summary - Childline India helpline received more than 92,000 SOS calls
Next Story