കുട്ടിടീച്ചർ സുഹൈമ തിരക്കിലാണ്​

മും​ബൈ: ചി​ല്ല​റ​ക്കാ​രി​യ​ല്ല സു​ഹൈ​മ ബ​ൻ​ഗാ​ര. പ​ഠി​ക്കു​ന്ന​ത്​ ഏ​ഴി​ലെ​ങ്കി​ലും ഇൗ 12​കാ​രി ല​ക്ഷ​ണ​മൊ​ത്തൊ​രു അ​ധ്യാ​പി​ക​യാ​ണ്. നി​മി​ഷ​ക​വി​യും. സ്വ​ന്ത​മാ​യി യു​ട്യൂ​ബ്​ ചാ​ന​ലു​ണ്ടാ​ക്കി പ​ഠി​പ്പി​ക്കു​ക​യാ​ണ്​ മ​ഹാ​രാ​ഷ്​​ട്ര​യി​ലെ ഒ​ന്നാം ക്ലാ​സു​കാ​രു​ടെ പ്രി​യ​പ്പെ​ട്ട ഇൗ ​ടീ​ച്ച​ർ. കു​ട്ടി​ക​ളോ​ട്​ ഏ​റെ പ്രി​യ​മു​ള്ള സു​ഹൈ​മ​യു​ടെ ആ​ഗ്ര​ഹം കു​ട്ടി​ക​ളു​ടെ ഡോ​ക്​​ട​റാ​കാ​നാ​ണെ​ങ്കി​ലും അ​ധ്യാ​പ​ന​ത്തോ​ടും ഇ​ഷ്​​ട​ത്തി​ലാ​ണ്. അ​നു​ജ​ത്തി​ക്കും അ​യ​ല​ത്തെ കു​ഞ്ഞു​ങ്ങ​ൾ​ക്കും ഒ​പ്പ​മു​ള്ള 'ടീ​ച്ച​റും കു​ട്ടി​ക​ളും' ക​ളി​യാ​ണി​ന്ന്​ കാ​ര്യ​മാ​യ​ത്. മ​ഹാ​രാ​ഷ്​​ട്ര സ്​​റ്റേ​റ്റ്​ ബോ​ർ​ഡി‍ന്‍റെ സി​ല​ബ​സ്​ പ്ര​കാ​രം ഒ​ന്നാം ക്ലാ​സു​ക​രെ ക​ണ​ക്കും ഇം​ഗ്ലീ​ഷും പ​ഠി​പ്പി​ക്കു​ന്ന തി​ര​ക്കി​ലാ​ണ​വ​ൾ.

മ​ഹാ​രാ​ഷ്​​ട്ര​യി​ലെ റാ​യി​ഗ​ഡ്​ ജി​ല്ല​യി​ലു​ള്ള അ​ലി​ബാ​ഗി​ൽ സ്ഥി​ര​താ​മ​സ​ക്കാ​രാ​യ കാ​സ​ർ​കോ​ട്, നെ​ല്ലി​ക്കുന്ന്​ സ്വ​ദേ​ശി ബ​ൻ​ഗാ​ര കു​ടും​ബ​ത്തി​ലെ സ​ലിം അ​ലി​ബാ​ഗി‍ന്‍റെ​യും റു​ക്​​ഷാ​ന​യു​ടെ​യും മ​ക​ളാ​ണ്​ സു​ഹൈ​മ. മ​ഹാ​രാ​ഷ്​​ട്ര യൂ​ത്ത് ​ലീ​ഗ്​ സെ​ക്ര​ട്ട​റി​യാ​ണ്​ സ​ലിം. നാ​ലാം ക്ലാ​സി​ൽ പ​ഠി​ക്കു​മ്പോ​ഴാ​ണ്​ പ​രി​സ​ര​ത്തെ കു​ട്ടി​ക​ളെ സു​ഹൈ​മ വീ​ട്ടി​ലി​രു​ത്തി പ​ഠി​പ്പി​ക്കാ​ൻ തു​ട​ങ്ങി​യ​ത്. നാ​ലാം ത​ര​ക്കാ​രെ വ​രെ പ​ഠി​പ്പി​ച്ചി​രു​ന്നു. കോ​വി​ഡും ലോ​ക്​​ഡൗ​ണും വ​ന്ന​തോ​ടെ അ​തു മു​ട​ങ്ങി. തു​ട​ർ​ന്ന്​ ​ജ്യേ​ഷ്​​ഠ​ൻ റ​സീ​നും അ​നു​ജ​ത്തി​മാ​രാ​യ രേ​ഹാ​ന, സ്വി​യ്യ എ​ന്നി​വ​രു​മൊ​ത്ത്​ 'കാ​പ്പു​ചീ​നോ ബ്രോ ​സി​സ്​' എ​ന്ന പേ​രി​ൽ യു​ട്യൂ​ബ്​ ചാ​ന​ലു​ണ്ടാ​ക്കി.

ആ​ശ​യ​ങ്ങ​ൾ സു​ഹൈ​മ​യെ​ങ്കി​ൽ സാ​ങ്കേ​തി​ക കാ​ര്യ​ങ്ങ​ൾ ക​മ്പ്യൂ​ട്ട​ർ സ​യ​ൻ​സ്​ വി​ദ്യാ​ർ​ഥി​യാ​യ റ​സീ​നും. റോ​ഡുകളുടെ അ​വ​സ്ഥ​യെ കു​റി​ച്ചുള്ള റാ​പ്പാ​യി​രു​ന്നു അ​തി​ൽ ശ്ര​ദ്ധേ​യം. അ​തി​ലെ ഹി​ന്ദി​വ​രി​ക​ൾ സു​ഹൈ​മ​യു​ടേ​ത്. ജൂ​ണി​ലാ​ണ്​ ത‍ന്‍റെ അ​ധ്യാ​പ​നം യു​ട്യൂ​ബി​ലേ​ക്ക്​ മാ​റ്റാ​ൻ അ​വ​ൾ തീ​രു​മാ​നി​ച്ച​ത്. വീ​ട്ടു​കാ​ർ ക​ട്ട സ​പ്പോ​ർ​ട്ട്. പു​ല​ർ​ച്ച ഏ​ഴു​ന്നേ​റ്റ്​ ഒ​ര​ധ്യാ​യം കാ​മ​റ​യെ പ​ഠി​പ്പി​ക്കും. പി​ന്നെ സ്വ​ന്തം ഒാ​ൺ​ലൈ​ൻ ക്ലാ​സി​ലേ​ക്ക്. അ​തു​ ക​ഴി​ഞ്ഞ്​ ഉ​ച്ച​ക്ക്​ ര​ണ്ടി​ന്​ രാ​വി​ല​ത്തെ അ​ധ്യാ​പ​ന​ത്തി‍ന്‍റെ എ​ഡി​റ്റി​ങ്ങും അ​പ്​​ലോ​ഡി​ങ്ങും. 12ലേ​റെ അ​ധ്യാ​യ​ങ്ങ​ൾ ഇ​തി​ന​കം അ​വ​ൾ പ​ഠി​പ്പി​ച്ചു​ക​ഴി​ഞ്ഞു.