പൈപ്പ് ലൈനിനുള്ള കുഴിയിൽ വീണ് രണ്ടര വയസ്സുകാരൻ മരിച്ചു

ബംഗളൂരു: പൈപ്പ് ലൈനിന് എടുത്ത കുഴിയിൽ വീണ് രണ്ടര വയസ്സുള്ള കുഞ്ഞ് മരിച്ചു. ബംഗളൂരുവിലെ മാഗഡിയിലാണ് സംഭവം. വെള്ളം നിറഞ്ഞു കിടക്കുകയായിരുന്ന കുഴിയിൽ കുഞ്ഞ് വീഴുകയായിരുന്നു.

ഗൊല്ലറഹട്ടിക്ക് സമീപം ബംഗളൂരു വാട്ടർ സപ്ലൈ ആൻഡ് സ്വീവറേജ് ബോർഡ് ജല പൈപ്പ് ലൈൻ സ്ഥാപിക്കുന്നതിനായാണ് കുഴിയെടുത്തത്.

സംഭവത്തിൽ ബംഗളൂരു ജലവിതരണ അതോറിറ്റിക്കും കോൺട്രാക്ടർക്കുമെതിരെ കേസെടുത്തു. സംഭവ സ്ഥലത്ത് മുന്നറിയിപ്പ് ബോർഡ് സ്ഥാപിച്ചിരുന്നില്ല.