ടി.വി തുറന്നു തരാൻ ആവശ്യപ്പെട്ട എട്ടു വയസുകാരിയെ യുവാവ്​ ശ്വാസം മുട്ടിച്ചു​െകാന്നു

ചെന്നെ: പിതാവുമായി വഴക്കിട്ടുകൊണ്ടിരിക്കെ ടി.വി തുറന്നു തരാൻ ആവശ്യപ്പെട്ട്​ വീട്ടി​െലത്തിയ എട്ടുവയസുള്ള അയൽക്കാരിയെ യ​ുവാവ്​ ശ്വാസം മുട്ടിച്ചുകൊന്നു. സംഭവത്തിൽ ഇയാളെ പൊലീസ്​ അറസ്​റ്റ്​ ചെയ്​തു. തമിഴ്​നാട്ടിലെ തൂത്തുക്കുടിയിലാണ്​ ദാരുണ സംഭവം​.

മൂന്നാംക്ലാസ്സിൽ പഠിക്കുന്ന അടുത്ത വീട്ടിലെ കുട്ടി യുവാവി​​​െൻറ വീട്ടിൽ ടി.വി കാണാൻ എത്താറുണ്ടായിരുന്നു. പതിവുപോലെ ബുധനാഴ്ച എത്തിയപ്പോൾ യ​ുവാവ്​ ത​​​െൻറ പിതാവുമായി വഴക്കിട്ടുകൊണ്ടിരിക്കുകയായിരുന്നു. ഈ സമയം പെൺകുട്ടി ടി.വി ഓൺചെയ്യാൻ ആവശ്യ​പ്പെട്ടതാണ്​ ഇയാളെ പ്രകോപിതനാക്കിയത്​. 

തുടർന്ന്​ പെൺകുട്ടിയെ ശ്വാസം മുട്ടിച്ച്​ കൊല​െപ്പട​ുത്തുകയും മൃതദേഹം ഒരു പ്ലാസ്​റ്റിക്​ വീപ്പയിലാക്കി അടച്ചുവെക്കുകയും ചെയ്​തു. ഒരു മണിക്കൂറിനു ശേഷം സമീപത്തെ തോട്ടിലേക്ക്​ എറിയുകയായിരുന്നു. 

മൃതദേഹം കണ്ട പ്രദേശവാസിയാണ്​ സംഭവം പൊലീസിനെ അറിയിച്ചത്​. വീപ്പ തോട്ടിനടുത്തെത്തിക്കാൻ സഹായിച്ച സുഹൃത്തിനേയും പൊലീസ്​ അറസ്​റ്റ്​ ചെയ്​തിട്ടുണ്ട്​. പെൺകുട്ടിയെ കൊലപ്പെട​ുത്തുന്നതിന്​ മുമ്പ്​ ലൈംഗികമായി ഉപദ്രവിച്ചിട്ടു​ണ്ടോ എന്ന്​ അറിയാൻ പരിശോധന റി​പ്പോർട്ടിനായി കാത്തിരിക്കുകയാണെന്ന്​ പൊലീസ്​ പറഞ്ഞു. യുവാവിനെതിരെ കൊലക്കുറ്റത്തിന്​ കേസെട​ുത്തിട്ടു​ണ്ടെന്നും പോക്​സോ വകുപ്പുകളും ചുമത്തിയിട്ടുണ്ടെന്നും പൊലീസ്​ കൂട്ടിച്ചേർത്തു.