Begin typing your search above and press return to search.
exit_to_app
exit_to_app
സിദ്ദീഖ്​ കാപ്പനും ​െകാമേഡിയൻ മുനവ്വറിനും മാത്രം കോടതികൾ ജാമ്യം നൽകാത്തതെന്തേ? -ചിദംബരം
cancel
Homechevron_rightNewschevron_rightIndiachevron_rightസിദ്ദീഖ്​ കാപ്പനും...

സിദ്ദീഖ്​ കാപ്പനും ​െകാമേഡിയൻ മുനവ്വറിനും മാത്രം കോടതികൾ ജാമ്യം നൽകാത്തതെന്തേ? -ചിദംബരം

text_fields
bookmark_border

ന്യൂഡൽഹി: മലയാളി മാധ്യമ ​പ്രവർത്തകൻ സിദ്ദീഖ്​ കാപ്പനും കൊമേഡിയൻ മുനവ്വർ ഫാറൂഖിക്കും മാത്രം കോടതികൾ ജാമ്യം നിഷേധിക്കുന്നത്​ എന്തുകൊണ്ടെന്ന്​ കോൺഗ്രസ്​ നേതാവും മുൻ ധനമന്ത്രിയുമായ പി. ചിദംബരം. ''സമത്വമെന്നാൽ തുല്യമായി നീതി ലഭ്യമാകലും നിയമ തത്ത്വങ്ങൾ തുല്യമായി നടപ്പാക്കപ്പെടലുമാണ്​. എന്നിട്ടും എന്തുകൊണ്ടാണ്​ മലയാളി മാധ്യമ ​പ്രവർത്തകൻ സിദ്ദീഖ്​ കാപ്പനും കൊമേഡിയൻ മുനവ്വർ ഫാറൂഖിക്കും മാത്രം കോടതികൾ ജാമ്യം നിഷേധിച്ചുകൊണ്ടിരിക്കുന്നത്​. ഭരണഘടന ബെഞ്ച്​ (ജസ്റ്റീസ്​ രവീന്ദ്ര ഭട്ട്​), മറ്റൊരു ബെഞ്ച്​ (ജസ്​റ്റീസ്​ ചന്ദ്രചൂഢ്​ എന്നിവരുടെ 'ജാമ്യമാണ്​ നിയമമെന്നും ജയിൽ അപവാദം മാത്രമെന്നു'മുള്ള തത്ത്വം എല്ലാ കേസിലും നടപ്പാകാതെ പോകുന്നത്​ എന്തുകൊണ്ടാണ്​?''- ചിദംബരം ചോദിക്കുന്നു.

19കാരിയായ ദളിത്​ പെൺകുട്ടി ക്രൂര ബലാത്സംഗത്തിനിരയായി മരണത്തിന്​ കീഴടങ്ങിയ ഹാഥറസിലേക്കുള്ള യാത്രക്കിടെ കഴിഞ്ഞ വർഷം ഒക്​ടോബറിലാണ്​ ഉത്തർ പ്രദേശിലെ മഥുരയിൽ കാപ്പനും അതീഖുർ റഹ്​മാൻ, മസൂദ്​ അഹ്​മദ്​, ആലം എന്നിവരും അറസ്റ്റിലായത്​.

ഇന്ദോറിൽ ജനുവരി ഒന്നിന്​ പുതുവർഷ​ാഘോഷ ചടങ്ങിൽ മതവികാരം വൃണപ്പെടുത്തിയെന്ന്​ പറഞ്ഞായിരുന്നു 28കാരനായ ഫാറൂഖിയെ ​ അറസ്റ്റ്​ ചെയ്​തത്​. കോടതിയെ സമീപിച്ചിട്ടും ഇതുവരെ ജാമ്യം അനുവദിച്ചിട്ടില്ല. ബി.ജെ.പി എം.എൽ.എ മാലിനി ഗൗഡിന്‍റെ മകൻ എകലവ്യ ഗൗഡ്​ നൽകിയ പരാതിയിലായിരുന്നു അറസ്റ്റ്​. സഹപ്രവർത്തകരായ നളിനി യാദവ്​, പ്രഖർ വ്യാസ്​, പ്രിയം വ്യാസ്​, ഫാറൂഖിയുടെ സുഹൃത്ത്​ സദഖത്​ ഖാൻ എന്നിവരും കസ്റ്റഡിയിലാണ്​.

ഫാറൂഖി മതവികാരം വൃണപ്പെടുത്തിയതിന്​ തെളിവൊന്നുമില്ലെന്ന്​ ഇന്ദോർ പൊലീസ്​ കോടതിയിൽ മൊഴി നൽകിയിരുന്നു. കേസ്​ ഡയറിയും ഹാജരാക്കിയില്ല. എന്നിട്ടും മൂന്നാഴ്ചയായി ഇവരും മാസങ്ങളായി സിദ്ദീഖ്​ കാപ്പനും ജയിലിലാണ്​.

സി.എ.എ വിരുദ്ധ സമരങ്ങളിലെന്ന പോലെ ഹാഥറസിലും കലാപം സൃഷ്​ടിക്കാൻ കാപ്പനും സംഘവും ഫണ്ട്​ സ്വരൂപിക്കുകയായിരുന്നുവെന്നാണ്​ യു.പി പോലീസ്​ ചുമത്തിയ കുറ്റങ്ങൾ. ഇവർ പോപുലർ ഫ്രണ്ട്​, മുൻ സിമി പ്രവർത്തകരാണെന്നും യു.പി സർക്കാറും കോടതിയിൽ വാദിച്ചിരുന്നു.

ഫാറൂഖിയുടെ കേസ്​ പരിഗണിക്കുന്ന ഇന്ദോർ സെഷൻസ്​ കോടതി ഇതുവരെയും ഇവർ സമർപ്പിച്ച എല്ലാ ജാമ്യ ഹരജികളും തള്ളി.

Show Full Article
TAGS:Siddique Kappan Munawar Faruqui bail Chidambaram 
Next Story