Begin typing your search above and press return to search.
proflie-avatar
Login
exit_to_app
exit_to_app
Chhattisgarh congress
cancel
camera_alt

ഫയൽ ചിത്രം

Homechevron_rightNewschevron_rightIndiachevron_rightപഞ്ചാബിന്​ പിന്നാലെ...

പഞ്ചാബിന്​ പിന്നാലെ ഛത്തീസ്​ഗഡോ? എം.എൽ.എമാർ ഡൽഹിയിൽ; നേതൃമാറ്റമെന്ന്​ സൂചന

text_fields
bookmark_border

റായ്​പൂർ: കോൺഗ്രസ്​ ഭരിക്കുന്ന ഛത്തീസ്​ഗഡിയും നേതൃമാറ്റമുണ്ടാകുമെന്ന്​ സൂചന. നേതൃമാറ്റത്തിനൊരുങ്ങുന്നെന്ന അഭ്യൂഹങ്ങൾക്ക്​ പിന്നാലെ ഡസനിലധികം ഛത്തീസ്​ഗഡ്​ എം.എൽ.എമാർ ഡൽഹിയിലെത്തി. ഇതോടെ ഛത്തീസ്​ഗഡ്​ കോൺഗ്രസ്​ രാഷ്​ട്രീയവും ചൂടുപിടിക്കുമെന്നാണ്​ സൂചന.

മുഖ്യമന്ത്രി ഭൂപേഷ്​ ബാഗലിന്​ പിന്തുണ അറിയിക്കാനാണ്​ എം.എൽ.എമാർ ഡൽഹിയിലെത്തിയതെന്നാണ്​ വിവരം. എന്നാൽ, രാഹുൽ ഗാന്ധിയുടെ ഛത്തീസ്​ഗഡ്​ സന്ദർശനവുമായി ബന്ധ​െപ്പട്ടാണ്​ തങ്ങൾ ഡൽഹിയിലെത്തിയതെന്ന്​ ചില എം.എൽ.എമാർ പ്രതികരിച്ചു.

16ഓളം എം.എൽ.എമാരാണ്​ ഡൽഹിയുടെ വിവിധ ഭാഗങ്ങളിൽ തമ്പടിച്ചിരിക്കുന്നത്​. രാഹുൽ ഛത്തീസ്​ഗഡ്​ സന്ദർശിക്കുമെന്ന്​ അറിയിച്ചിരുന്നു. എല്ലാ എം.എൽ.എമാർക്കും രാഹുൽ ഗാന്ധിയുടെ സന്ദർശത്തിന്‍റെ പ്രയോജനം ലഭിക്കുന്നതിനായി സന്ദർശന ദിവസങ്ങളുടെ എണ്ണം വർധിപ്പിക്കാൻ സംസ്​ഥാന ചുമതലയുള്ള പി.എൽ. പുനിയയോട്​ അഭ്യർഥിക്കാൻ എത്തിയതാണെന്ന്​ എം.എൽ.എ ബ്രിഹസ്​പത്​ സിങ്​ പറഞ്ഞു.

മുഖ്യമന്ത്രി ഭൂപേഷ്​ ബാഗലിന്​ പിന്തുണ അറിയിക്കാൻ എത്തിയതാണോയെന്ന ചോദ്യത്തിനും എം.എൽ.എമാർ പ്രതികരിച്ചു. 'ഞങ്ങളുടെ പാർട്ടിക്ക്​ 70 എം.എൽ.എമാരുണ്ട്​ (90 അംഗ നിയമസഭയിൽ). ഇതിൽ 60 എം.എൽ.എമാരും പുനിയയോട്​ കാര്യങ്ങൾ വ്യക്തമാക്കിയിരുന്നു. ഹൈക്കമാൻഡ്​ കാര്യങ്ങൾ തീരുമാനി​ക്കു​േമ്പാൾ എല്ലാ എം.എൽ.എമാരും മുഖ്യമന്ത്രിയും നന്നായി പ്രവർത്തിക്കു​​േമ്പാൾ നേതൃമാറ്റത്തിന്‍റെ ആവശ്യമില്ല' -എം.എൽ.എ ​കൂട്ടിച്ചേർത്തു.

അതേസമയം, മുഖ്യമന്ത്രിയും ആരോഗ്യമന്ത്രി ടി.എസ്​. സിങ്ങ്​ ഡിയോയും തമ്മിൽ നിലനിൽക്കുന്ന തർക്ക​ങ്ങളുമായി ബന്ധ​െപ്പട്ട ആരോപണങ്ങൾ അദ്ദേഹം നിഷേധിച്ചു. അവർ പരസ്​പരം ബഹുമാനിക്കുന്നുവെന്നും ഒരേ വേദി പങ്കിട്ടുവെന്നും അദ്ദേഹം പറഞ്ഞു. 'പഞ്ചാബിലെ സാഹചര്യത്തോട്​ സമാനമല്ല ഛത്തീസ്​ഗഡിലേത്​. ഒരു നേതാവിനെ സന്തോഷിപ്പിക്കാൻ വേണ്ടി മാത്രം പാർട്ടിയെയും ഹൈകമാൻഡിനെയും സർക്കാറിനെയും അപകടത്തിലാക്കില്ല' -​ആരെയും പേരെടുത്ത്​ പറയാതെ അദ്ദേഹം പറഞ്ഞു.

2021 ജൂണിൽ ബാഗൽ സർക്കാർ രണ്ടരവർഷം പൂർത്തിയാക്കിയതോടെ നേതൃമാറ്റമെന്ന ആവശ്യം ഉയർന്നിരുന്നു. സർക്കാർ പകുതി കാലാവധി പൂർത്തിയാക്കു​േമ്പാൾ നേതൃമാറ്റമുണ്ടാകുമെന്ന്​ ഹൈകമാൻഡ്​ 2018ൽ ഉറപ്പുനൽകിയിരുന്നതായി സിങ്​ ഡിയോ അടുത്തിടെ വ്യക്തമാക്കിയിരുന്നു. എന്നാൽ പി.എൽ. പുനിയ സിങ്ങിന്‍റെ അവകാശ വാദം നിഷേധിച്ചിരുന്നു. തുടർന്ന്​ സംസ്​ഥാന രാഷ്​ട്രീയത്തിൽ ആഭ്യന്തര കലഹം നിലനിൽക്കുന്നുണ്ടെന്നാണ്​ രാഷ​്​ട്രീയ നിരീക്ഷകരുടെ വിലയിരുത്തൽ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Bhupesh BaghelChhattisgarh CongressPunjab CongressCongress
News Summary - Chhattisgarh next after Punjab Congress MLAs Reach Delhi Sparks leadership change speculation
Next Story