മതവിദ്വേഷ പോസ്​റ്റ്​​്: നിഷയെത്തേടിയെത്തിയ പൊലീസിന്​ കിട്ടിയത്​ രവിയെ

റായ്​പുർ: സമൂഹ മാധ്യമങ്ങളിൽ നിരന്തരം മതവിദ്വേഷം ജനിപ്പിക്കുന്ന പോസ്​റ്റുകളിടുന്ന നിഷ ജിൻഡാലിനെ തെരഞ്ഞുപേ ായ ഛത്തീസ്​ഗഡ്​ പൊലീസ്​ 31കാരനായ രവി പുജറിനെ ‘പൊക്കിയപ്പോൾ’ 10000ത്തിലധികം വരുന്ന ഫോളോവേഴ്​സ്​ ഞെട്ടിത്തരി ച്ചു​. ‘ഞാൻ നിഷ ജിൻഡാൽ, ഞാൻ പൊലീസ്​ കസ്​റ്റഡിയിലാണ്​’ പ്രതിയുടെ ചിത്രം സഹിതം പൊലീസ്​ സമൂഹ മാധ്യമത്തിൽ പങ്കുവ െച്ച പോസ്​റ്റ്​ നിമിഷ നേരംകൊണ്ടാണ്​ വൈറലായത്​.

11 വർഷമായി എഞ്ചിനിയറിങ്​ കോഴ്​സ്​ പാസാകാൻ കഷ്​ടപ്പെടുന്ന രവിയുടെ പ്രധാന വിനോദം വ്യാജ ഐ.ഡികൾ ഉപയോഗിച്ച്​ മതസ്​പർധ വളർത്തുന്ന സന്ദേശങ്ങളിടുകയെന്നതായിരുന്നു. വ്യാജ പ്രൈാഫൈലിനെതിരെ നിരന്തരം പരാതി ഉയർന്നതോടെയാണ്​ സൈബർ സെല്ലിൻെറ സഹായത്തോടെ പ്രതിയെ അറസ്​റ്റ്​ ചെയ്​തത്​.

രവി 2009 മുതൽ സോഫ്​റ്റ്​വെയർ എൻജിനിയറിങ്​ വിദ്യാർഥിയാണെന്നും ഇതുവരെ വിജയിച്ചിട്ടില്ലെന്നും റായ്​പൂർ എസ്​.പി ആരിഫ്​ ഷെയ്​ഖ്​ പറഞ്ഞു. അന്താരാഷ്​ട്ര നാണ്യ നിധി, ലോകാരോഗ്യ സംഘടന എന്നിവയിലെ അംഗമെന്നാണ്​ ഇയാൾ സമൂഹമാധ്യമങ്ങളിൽ വിശേഷിപ്പിച്ചത്​. റായ്​പൂർ പൊലീസിൻെറ പ്രവർത്തിയെ മുഖ്യമന്ത്രി ഭൂപേഷ്​ ബാഗേൽ ട്വിറ്ററിലൂടെ അഭിനന്ദിച്ചു.

No fraud will be spared. Let us reveal all those element who wish to mislead.

Good job @RaipurPoliceCG https://t.co/LYqCes5Iel

— Bhupesh Baghel (@bhupeshbaghel) April 19, 2020