ഛത്തിസ്​ഗഢിൽ എട്ട്​ ​മാവോവാദികളെ വധിച്ചു

റായ്​പുർ: ഛത്തിസ്​ഗഢിലെ ബിജാപ്പ​ുർ ജില്ലയിൽ സുരക്ഷ​േസനയുമായുണ്ടായ ഏറ്റുമുട്ടലിൽ നാല്​ വനിതകളടക്കം എട്ട്​ മാവോവാദികൾ കൊല്ലപ്പെട്ടു. ബിജാപ്പുർ-ദന്തേവാഡ ജില്ലകളുടെ അതിർത്തിയിൽ വരുന്ന തിമിനാർ, പുസ്​നാർ ഗ്രാമങ്ങളിലെ വനപ്രദേശത്ത്​ വ്യാഴാഴ്​ച രാവിലെ ആ​േറാടെയാണ്​​ ഏറ്റുമുട്ടലുണ്ടായത്​.

മാവോവാദികൾ തമ്പടിച്ചതായി വിവരം ലഭിച്ചതിനെ തുടർന്ന്​ ജില്ല റിസർവ്​ ഗാർഡും പ്രത്യേക ദൗത്യസേനയും സംയുക്തമായി നടത്തിയ തിരച്ചിലിനൊടുവിലാണ്​ ഏറ്റമുട്ടലുണ്ടായത്​.

രണ്ടു മണിക്കൂറോളം ഏറ്റുമുട്ടൽ തുടർന്നു. ചില നക്​സലുകൾ വനത്തിലേക്ക്​ രക്ഷപ്പെട്ടു. പിന്നീട്​ നടത്തിയ തിരച്ചിലിലാണ്​ നാല്​ വനിതകളടക്കം എട്ട്​ നക്​സലുകളുടെ മൃതദേഹം കണ്ടെത്തിയത്​. ചെറിയ യന്ത്രത്തോക്കുകളും ഒരു 303 തോക്കും മറ്റ്​ വെടിക്കോപ്പുകളുമടക്കം സാമഗ്രികൾ പിടിച്ചെടുത്തതായി ഡി.​െഎ.ജി പി. സുന്ദർ രാജ്​ അറിയിച്ചു.