ചെന്നൈയിൽ പെയ്തത് 47 വർഷത്തിനിടെ ഏറ്റവും കൂടിയ മഴ; മിഗ്ജോം ചുഴലിക്കാറ്റ് തീരത്തോടടുക്കുന്നു

ചെന്നൈ: ബംഗാൾ ഉൾക്കടലിൽ രൂപംകൊണ്ട മിഗ്ജോം ചുഴലിക്കാറ്റ് അതിതീവ്ര ചുഴലിക്കാറ്റായി ശക്തി പ്രാപിച്ചതോടെ മഴയിൽ മുങ്ങി ചെന്നൈ നഗരം. 34 സെ.മീറ്റർ മഴയാണ് നിലവിൽ ചെന്നൈയിൽ രേഖപ്പെടുത്തിയത്. ശക്തമായ വെള്ളപ്പൊക്കമുണ്ടായ 2015ൽ പെയ്തതിനേക്കാൾ അധികമാണിത്. 33 സെ.മീറ്റർ മഴയാണ് അന്ന് രേഖപ്പെടുത്തിയിരുന്നത്. 1976 ൽ 45 സെ.മീറ്റർ മഴപെയ്തതിൽ പിന്നെ ഏറ്റവും കൂടുതൽ മഴ രേഖപ്പെടുത്തുന്നത് ഇപ്പോഴാണ്.

മിഗ്ജോമിന്റെ സ്വാധീനഫലമായി താംബരം, വേളാച്ചേരി, പട്ടിനമ്പാക്കം തുടങ്ങിയ നഗരത്തിന്റെ വിവിധ ഭാഗങ്ങളിൽ ശക്തമായ മഴ തുടരുകയാണ്. ചെങ്കൽപട്ട്, കാഞ്ചീപുരം തിരുവള്ളൂർ, വില്ലുപുരം, റാണിപ്പേട്ട്, തിരുപ്പത്തൂർ, തിരുവണ്ണാമലൈ, കല്ല്കുറിച്ചി, കടലൂർ, മയിലാടുതുറൈ, നാഗൈ ജില്ലകളിൽ ശക്തമായ മഴ പെയ്യുമെന്ന് ചെന്നൈ കാലാവസ്ഥാ നിരീക്ഷണ കേന്ദ്രം അറിയിച്ചു. ചെന്നൈ, കാഞ്ചീപുരം, ചെങ്കൽപ്പേട്ട്, തിരുവള്ളൂർ എന്നീ നാല് ജില്ലകളിൽ നാളെ പൊതു അവധി പ്രഖ്യാപിച്ചു.

മഴക്കെടുതികളെ തുടർന്ന് വിവിധ ഭാഗങ്ങളിലായി അഞ്ച് മരണമാണ് റിപ്പോർട്ട് ചെയ്തത്. അതിൽ രണ്ടുപേർ ഷോക്കേറ്റാണ് മരിച്ചത്.

നഗരം ഏറെ കുറേ പൂർണമായും വെള്ളക്കെട്ടിലമർന്ന് കഴിഞ്ഞു. വേളാച്ചേരിയിൽ റെഡ്കോഴ്സ് റോഡിന് സമീപമുള്ള അപ്പാർട്ടുമെന്റ് മണ്ണിൽ താഴ്ന്നുപോയതായി റിപ്പോർട്ടുണ്ട്. പറങ്കിമല മെട്രോ സ്റ്റേഷനു ചുറ്റും നാലടിയോളം ഉയരത്തിൽ വെള്ളം കെട്ടിക്കിടക്കുന്നതിനാൽ പൊതുജനങ്ങൾ ആലന്തൂർ മെട്രോ ട്രെയിൻ ഉപയോഗിക്കണമെന്ന് അറിയിപ്പുണ്ട്. കൂടാതെ അറുമ്പാക്കം, വടപളനി മെട്രോ സ്റ്റേഷനുകളിലും വെള്ളം കെട്ടിക്കിടക്കുകയാണ്. പത്തിലധികം തുരങ്കങ്ങൾ അടഞ്ഞുകിടക്കുന്നു. സബർബൻ ട്രെയിനുകൾ നിർത്തിവെച്ചു.

ചുഴലിക്കാറ്റിനെ തുടർന്ന് മറീന, പട്ടിൻപാക്കം ഉൾപ്പടെയുള്ള കടൽത്തീരങ്ങളിൽ പൊതുജനങ്ങൾക്ക് പോകുന്നതിന് വിലക്കേർപ്പെടുത്തി. താഴ്ന്ന പ്രദേശങ്ങളിൽ താമസിക്കുന്നവരോട് അടുത്തുള്ള ദുരിതാശ്വാസ കേന്ദ്രങ്ങളിലേക്ക് പോകാൻ ചെന്നൈ കോർപ്പറേഷൻ കമ്മീഷണർ രാധാകൃഷ്ണൻ നിർദ്ദേശം നൽകി.

ചെമ്പരമ്പാക്കം തടാകത്തിൽ നിന്ന് 8000 ഘനയടി വെള്ളം തുറന്നുവിട്ടു. ഇതോടെ അഡയാൽ നദി കരകവിഞ്ഞ് ഒഴുകുകയാണ്. കനത്ത മഴയിൽ മുഴുവൻ നഗരം വെള്ളത്തിനടിയിലായ സാഹചര്യത്തിൽ അഡയാർ നദിയുടെ തീരത്തുള്ളവർ അതീവ ജാഗ്രത പുലർത്തണമെന്ന് നിർദേശമുണ്ട്. ചെന്നൈ ജില്ലയിലെ പ്രധാനപ്പെട്ട ആറ് ഡാമുകളും, റിസർവോയറുകളും 98 ശതമാനവും നിറഞ്ഞു. സംസ്ഥാനത്ത് 5000 ദുരിതാശ്വാസ ക്യാമ്പുകളാണ് തുറന്നിട്ടുള്ളത്.

ദുരിതാശ്വാസ പ്രവർത്തനങ്ങൾ ഏകോപിപ്പിക്കാൻ 14 മന്ത്രിമാരെയാണ് മുഖ്യമന്ത്രി സ്റ്റാലിൻ ചുമതലപ്പെടുത്തിയത്.

സ്ഥി​തി​ഗ​തി​ക​ളെ​ക്കു​റി​ച്ച് കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത് ഷാ ​ത​മി​ഴ്നാ​ട് മു​ഖ്യ​മ​ന്ത്രി എം.​കെ. സ്റ്റാ​ലി​നു​മാ​യി ടെ​ലി​ഫോ​ണി​ൽ ച​ർ​ച്ച ന​ട​ത്തി. കേ​ന്ദ്ര​സ​ഹാ​യം വാ​ഗ്ദാ​നം​ചെ​യ്തു. ദേ​ശീ​യ ദു​ര​ന്ത​നി​വാ​ര​ണ​സേ​ന രം​ഗ​ത്തി​റ​ങ്ങി. വി​ദ്യാ​ഭ്യാ​സ സ്ഥാ​പ​ന​ങ്ങ​ൾ​ക്കും സ​ർ​ക്കാ​ർ-​സ്വ​കാ​ര്യ ഓ​ഫി​സു​ക​ൾ​ക്കും ചൊ​വ്വാ​ഴ്ച അ​വ​ധി പ്ര​ഖ്യാ​പി​ച്ചു.

ചെ​ന്നൈ വി​മാ​ന​ത്താ​വ​ള​ത്തി​​ന്റെ പ്ര​വ​ർ​ത്ത​നം തി​ങ്ക​ളാ​ഴ്ച രാ​വി​ലെ 9.40 മു​ത​ൽ രാ​ത്രി 11 വ​രെ നി​ർ​ത്തി​വെ​ച്ചു. 70ഓ​ളം വി​മാ​ന​ങ്ങ​ൾ റ​ദ്ദാ​ക്കി. ​റ​ൺ​വേ അ​ട​ച്ചി​ട്ട​താ​യും എ​യ​ർ​പോ​ർ​ട്ട് അ​തോ​റി​റ്റി ഓ​ഫ് ഇ​ന്ത്യ അ​റി​യി​ച്ചു.

അ​ഹ്മ​ദാ​ബാ​ദ്, തി​രു​വ​ന​ന്ത​പു​രം ഉ​ൾ​പ്പെ​​ടെ സ്ഥ​ല​ങ്ങ​ളി​ലേ​ക്ക് പു​റ​പ്പെ​ടേ​ണ്ട 12 ആ​ഭ്യ​ന്ത​ര വി​മാ​ന​സ​ർ​വി​സു​ക​ളും റ​ദ്ദാ​ക്കി. സ്വ​കാ​ര്യ വി​മാ​ന​ക്ക​മ്പ​നി​യു​ടെ ദു​ബൈ, ശ്രീ​ല​ങ്ക ഉ​ൾ​പ്പെ​ടെ നാ​ല് അ​ന്താ​രാ​ഷ്ട്ര സ​ർ​വി​സു​ക​ളും റ​ദ്ദാ​ക്കി. ചെ​ന്നൈ​യി​ലേ​ക്കു​ള്ള 33 വി​മാ​ന​ങ്ങ​ൾ ബം​ഗ​ളൂ​രു​വി​ലേ​ക്ക് വ​ഴി​തി​രി​ച്ചു​വി​ട്ടു.

കേ​ര​ള​ത്തി​ലേ​ക്ക് ഉ​ൾ​പ്പെ​ടെ ഡോ. ​എം.​ജി.​ആ​ർ ചെ​ന്നൈ സെ​ൻ​ട്ര​ൽ റെ​യി​ൽ​വേ സ്റ്റേ​ഷ​നി​ൽ​നി​ന്ന് പു​റ​പ്പെ​ടേ​ണ്ട 12 ട്രെ​യി​നു​ക​ൾ തി​ങ്ക​ളാ​ഴ്ച റ​ദ്ദാ​ക്കി. ബു​ക്ക് ചെ​യ്ത മു​ഴു​വ​ൻ യാ​ത്ര​ക്കാ​ർ​ക്കും ടി​ക്ക​റ്റ് തു​ക തി​രി​ച്ചു​ന​ൽ​കു​മെ​ന്ന് ദ​ക്ഷി​ണ റെ​യി​ൽ​വേ അ​റി​യി​ച്ചു. വെ​ള്ള​ക്കെ​ട്ട് കാ​ര​ണം ന​ഗ​ര​ത്തി​ലെ 14 സ​ബ് വേ​ക​ൾ അ​ട​ച്ചി​ട്ട​താ​യി സി​റ്റി പൊ​ലീ​സ് അ​റി​യി​ച്ചു.