ചെന്നൈ റെയിൽവേ സ്​റ്റേഷനിൽ ഉച്ചഭാഷിണി അറിയിപ്പുകൾ നിർത്തി

ചെ​ന്നൈ: ചെ​ന്നൈ ഡോ. ​എം.​ജി. രാ​മ​ച​ന്ദ്ര​ൻ സെ​ൻ​ട്ര​ൽ റെ​യി​ൽ​വേ സ്റ്റേ​ഷ​നി​ൽ ഉ​ച്ച​ഭാ​ഷി​ണി​ക​ളി​ലൂ​ടെ​യു​ള്ള പൊ​തു അ​റി​യി​പ്പ് സം​വി​ധാ​നം നി​ർ​ത്തി. 150 വ​ർ​ഷം പ​ഴ​ക്ക​മു​ള്ള റെ​യി​ൽ​വേ സ്റ്റേ​ഷ​നി​ൽ ഇ​നി​മു​ത​ൽ ഉ​ച്ച​ഭാ​ഷി​ണി​ക​ളി​ലൂ​ടെ​യു​ള്ള അ​റി​യി​പ്പു​ക​ൾ​ക്ക് പ​ക​രം അ​ന്വേ​ഷ​ണ ബൂ​ത്തു​ക​ളും യാ​ത്ര​ക്കാ​രെ അ​ത​ത് ട്രെ​യി​നു​ക​ളി​ലേ​ക്ക് ന​യി​ക്കാ​ൻ പ്ര​ദ​ർ​ശ​ന ബോ​ർ​ഡു​ക​ളു​മാ​ണു​ണ്ടാ​വു​ക. ഫെ​ബ്രു​വ​രി 26ന്​ ​പു​തി​യ സം​വി​ധാ​നം നി​ല​വി​ൽ​വ​ന്നു.

ഉ​ച്ച​ഭാ​ഷി​ണി അ​റി​യി​പ്പ് ഇ​ല്ലാ​താ​യ​തോ​ടെ, യാ​ത്ര​ക്കാ​രെ സ​ഹാ​യി​ക്കാ​ൻ അ​ന്വേ​ഷ​ണ ബൂ​ത്തു​ക​ളി​ൽ ആ​വ​ശ്യ​ത്തി​ന് ജീ​വ​ന​ക്കാ​രു​ണ്ടെ​ന്നും ഉ​റ​പ്പാ​ക്കാ​ൻ ദ​ക്ഷി​ണ റെ​യി​ൽ​വേ ജ​ന​റ​ൽ മാ​നേ​ജ​ർ ആ​ർ.​എ​ൻ. സി​ങ്​ ഉ​ദ്യോ​ഗ​സ്ഥ​ർ​ക്ക് നി​ർ​ദേ​ശം ന​ൽ​കി. ട്രെ​യി​നു​ക​ളു​ടെ വ​ര​വും പോ​ക്കും പ്ര​ദ​ർ​ശി​പ്പി​ക്കു​ന്ന വ​ലി​യ ഡി​ജി​റ്റ​ൽ സ്‌​ക്രീ​നു​ക​ൾ സ്റ്റേ​ഷ​നി​ലെ മൂ​ന്ന് പ്ര​വേ​ശ​ന കേ​ന്ദ്ര​ങ്ങ​ളി​ലും സ്ഥാ​പി​ച്ചി​ട്ടു​ണ്ട്. ഇ​തി​ൽ ഇം​ഗ്ലീ​ഷ്, ത​മി​ഴ്, ഹി​ന്ദി ഭാ​ഷ​ക​ളി​ലാ​ണ്​ അ​റി​യി​പ്പു​ക​ളു​ണ്ടാ​വു​ക.

അ​തേ​സ​മ​യം, തൊ​ട്ട​ടു​ത്ത സ്​​റ്റേ​ഷ​നി​ലെ സ​ബ​ർ​ബ​ൻ ട്രെ​യി​നു​ക​ൾ​ക്കാ​യു​ള്ള പൊ​തു അ​റി​യി​പ്പ് സം​വി​ധാ​നം തു​ട​രും.

ഡി​സ്‍പ്ലേ ബോ​ർ​ഡു​ക​ളി​ലെ പ​ര​സ്യ​ങ്ങ​ളി​ൽ​നി​ന്ന് ശ​ബ്ദ​വും ഉ​ണ്ടാ​കി​ല്ല. വി​ക​ലാം​ഗ​ർ​ക്ക്, പ്ര​ത്യേ​കി​ച്ച് കാ​ഴ്ച​വൈ​ക​ല്യ​മു​ള്ള​വ​ർ​ക്ക് സ്റ്റേ​ഷ​ൻ​ക​വാ​ട​ത്തി​ൽ ബ്രെ​യി​ൽ നാ​വി​ഗേ​ഷ​ൻ മാ​പ്പു​ക​ൾ സ്ഥാ​പി​ച്ചി​ട്ടു​ണ്ട്.