ചെന്നൈയിൽ ബാർബർ ഷോപ്പുടമക്ക്​ കോവിഡ്​

ചെന്നൈ: നഗരത്തിലെ ബാർബർഷോപ്പുടമക്ക്​ കോവിഡ്​-19 സ്​ഥിരീകരിച്ചത്​ പരിഭ്രാന്തി പരത്തി. കോയ​േമ്പടിൽ ബാർബർഷേ ാപ്​​ നടത്തുന്ന 36കാരനെയാണ്​ രോഗം ബാധിച്ചനിലയിൽ കീഴ്​പാക്കം മെഡിക്കൽ കോളജ്​ ആശുപത്രിയിൽ പ്രവേശിപ്പിച്ചത്​. ഇയാളുടെ ആരോഗ്യനില തൃപ്​തികരമാണെന്ന്​ ഡോക്​ടർമാർ അറിയിച്ചു.

ലോക്​​ഡൗൺ സമയത്തുപോലും ഇയാൾ കട അനധികൃതമായി തുറന്നിരുന്നു. സമീപപ്രദേശങ്ങളിൽ വീടുകൾ തോറും കയറിയിറങ്ങിയാണ്​ ബാർബർഷോപ്പിലെത്തിയവരെ ആരോഗ്യ വകുപ്പധികൃതർ തേടുന്നത്​. ഇതിനകം പത്തുപേരെ തിരിച്ചറിഞ്ഞു.

ഇവരുടെ സ്രവം പരിശോധനക്ക്​ അയച്ചു. കുടുംബാംഗങ്ങളെ​ വീടുകളിൽ സമ്പർക്കവിലക്കിലാക്കി. ചെന്നൈയിൽ കോവിഡ്​ ആദ്യമായി സ്​ഥിരീകരിച്ചതും യു.പി സ്വദേശിയായ ബാർബർ തൊഴിലാളിക്കായിരുന്നു.